🍒" عـــفــاف قـلـبـــي"🍒
أنــا لـك حـيـن يـثــقــل الـعــالــم عـلـى كـتـفـيـك✨
🌼بـقـلـم: Douae Beniss🌼
#4
قطعات و النفس مابقاتش باغية طلع ليها و مع ذلك ماتعصباتش حاولات تخلي الضحكة فوجها و بقات غير ساكتة كاتقيس
آيات : مايبقاش فيك الحال ا الزين دابا ربي يعوضك
هاجر : قريت حتا عييت و خديت اجازة فالاقتصاد و زدتها بعاماين ديال الفندقة ماخليت لفين مادفعت وكاع الاوطيلات باغيين وحدة مادايراش الحجاب، عييت ا آيات شحال قدني نطلب من بابا الفلوس تاهو غير مقاتل مع الوقت و صاف و مادايمش ليا ، عمري كولو قريتو مايمكنش نبقا جالسة فالدار و لكن لي مريحيني و مخليني مزال شادة فراسي هو أن الله فينما خلق شي كائن بنادم و لا حيوان و لا اي مخلوق كايخلق معاه رزقو و فينما كان راه غايجي ليه طال الزمان و لا قصار اما كون بقات الأرزاق بيد بنادم كون متنا شحال هادو
آيات: حسدتك على ايمانك ا ختي و الله...خليك هاكا ربي ماغاينساكش
هاجر جاوباتها كاضحك : تانا حسدتك على هاد الخاطر لي عندك و هاد الخير لي كاديري فالناس ربي يجعلو فميزان حسناتك ا الزين
كملو جماعتهوم الثنائية و قلوبهوم رتاحو لبعض، ديما ربي كايجمع بين القلوب الصافية و غير تكون نيتك نقية و ماتحقد على حد و ماتحسد حد ربي راه غايلااقيك غير بعبادو المسخرين
هاجر بنت ماناسياش حظها من الدنيا و لكن فنفس الوقت كادير علاش ترجع يوم ماغاينفعنا لا ورث لا والو كاتأمن بقضاء الله و عمرها تشكي منو عاطيها ربي واحد التصالح مع الذات تحسدها عليه، اما آيات فكانت بنت بقلب من الحليب ماكانتش دايرة الحجاب و ماكانش عندها نفس ايمان هاجر و لكن عمرها تأذي غيرها بالعكس كاتحاول تعاون كولشي و لو بالقليل واخة الفلوس كانت قمة التواضع غير نية وحدة صافي و ربي حطهوم فطريق بعض
آيات علمات الممرضات بلي غاتخرج و رافقات هاجر لبرا و قلبها ضارها عليها و ماكرهاتش تلقا ليها حل.
ركبو فاللوطو توصلها هي تفكر واحد الحاجة نزلات عليها من باب واسع ضحكات و شافت فهاجر:
عندي ليك واحد الاقتراح إلى بغيتيه
#يــــــتــــــــــبــــــــــــــع
أنت تقرأ
🕯عفاف قلبي🕯
Romance#قـــصة_قصـــيرة: 🕯️عـــفـــاف قـــلـــبـــي🕯️ ✒️كـــتـــابـــة و تـــأليـــف :𝐷𝑜𝑢𝑎𝑒 𝐵𝑒𝑛𝑖𝑠𝑠✒️ "كلهم محطات و أنت المقر " 🎷 انك تخسر شي شخص ماكايعنيش النهاية... الحياة ماكاتوقفش على شي حد كيفما كان حيت قليل لي غايبقى معاك حتا للخر و ل...
