🕯عفاف قلبي🕯

chapitre 10🌟

🍒" عـــفــاف قـلـبـــي"🍒

أنــا لـك حـيـن يـثــقــل الـعــالــم عـلـى كـتـفـيـك✨

                  🌼بـقـلـم: Douae Beniss🌼
#10

هاجر تقابلات معاه و قالت بصوت ثابت : خدمتي خدامها ا مسيو و يمكن ليك ترجع للكاميرات تشوف.. شي حاجة اخرى انا مامسؤولاش عليها هادا وقت البوز لي من حقي  و الغلط ماشي ديالي انا ....

قاطعاها قبل تزيد تبرر ليه موقفها و قال : انا ماتشرحيش ليا هادشي كانعرف نجي نلقاك خدامة!  كانت عندك بوز حاجة و مجمعة مع هاداك فصال بوحدكم حاجة و نتي تفهمي فالدين كثر مني او لا ؟

خرج مخليها مغزفة غابوحدها بسباب هضرتو المستفزة ، شافت حتا عيات هي تنوض تكمل خدمتها و الفقصة مزال واحلة فحلقها واخة بقا فيها الحال حاولات تجاوزها

اما عند ذياب لي رجع للبيرو ديالو و مشا توضا باش يبرد الغضب ديالو و جلس مسالي خدمتو حتا رجع كايتفكر داك الموقف،  حس براسو زاد فيه و قسح مع هاجر و لكن ماعندو مايدير جاه هاداك هو التصرف الصحيح...

وصلات 5 د العشية لي غاتسالي فيها هاجر خدمتها و جات خارجة كاتقلب على الطاكسي حتا كاتسمع من مورها  صوت رجالي عميق لي اكيد عرفاتو ديال شكون...

ذياب : هاجر...

بقات واقفة فبلاصتها ماتحركاتش و ماضارتش عندو حتا كاتسمع خطواتو الهادئة كايقربو لعندها .

وقف قدامها و شاف فيها هاد المرة مباشرة فعينيها و قال بنبرة عادية بلا مقدمات : ديك الساعة فاش غوت عليك كنت معصب و صافي ، نتمنى ماتكونيش تقلقتي على بحال داكشي حيت مايستاهلش

بقات هاجر كاتشوف فيه و هاد الاعتذار الجاف جاب ليها الفقصة..

هاجر دازت باغية تمشي و من صوتها باينة عصبيتها: لا مابقاش فيا الحال شكرا..

ذياب : بلاتي مزال مامساليناش

هاجر: شنو مزال ا monsieur راه غانتعطل

ذياب : اش كاديري هنا ؟

هاجر شافت فيه مستغربة من سؤاالو لي عاد مازاد عصبها: كانتسنى الطاكسي

ذياب داز سابقها و قال مامخليش ليها الفرصة فين تهضر: زيدي نوصلك انا نيت

هاجر(  باستفزاز): لا شكرا مانقدرش نركب مع واحد  ماكانعرفوش

ذياب : سوقك هاداك .

خلاها و مشا رجع للبيرو ديالو،  اما هي بقات كاتسنى تماك بالسوايع حتا طاكسي مابغات توقف ليها خصوصا انه الصيف موسم السياحة كولشي عامر،  بدات كاتفقد الصبر لي عندها كاتمشي و كاتجي و  ذياب كايشوف فيها من البالكون د الكافي و كايضحك فخاطرو حتا سالا و نزل دايز من حداها..

ذياب : انا غادي بقاي تسناي حتا ل2 د الصباح يقدر تلاقاي طاكسي ، كوغاج