🕯عفاف قلبي🕯

chapitre 15🌟

🍒" عـــفــاف قـلـبـــي"🍒

أنــا لـك حـيـن يـثــقــل الـعــالــم عـلـى كـتـفـيـك✨

                  🌼بـقـلـم: Douae Beniss🌼
#15

ذياب خرج و مليكة سكتات...

آيات شافت فماماها باستغراب و قالت : شنو كنتو كاتقولو؟

مليكة : والووو ماشي شي حاجة مهمة سيري توصلي البنت (شافت فهاجر بحب) يلاه ا بنيتي الله يعاون ماتطوليش غيبتك

دارت ليها هاجر ايماءة خفيفة و شدو الطريق كل وحدة لخدمتها...

دازو ساعات قبل يوصل وقت خروج هاجر لي مع قربات للشانطي كاتسنا الطاكسي حسات بشي حد واقف مورها من مشيتو عرفاتو شكون و بسرعة غمضات عينيها و الحمورية طلعات معاها منين تفكرات الموقف ديال الصباح

ذياب: هاجر...

كان الصمت من طرف هاجر لي ماجاوباتوش بقات شادة على يديها مزيرة عليهم و عاضة على شفايفها
شحاال عاد جاوبات :
بلا ماتوصلني غير خليني اليوم كاينين الطاكسيات..

ذياب : ماجايش نوصلك ، بغيت نهضر معاك ..

عقدات هاجر حجبانها بشك و نبرتو الجدية خلاتها تصرط ريقها..

هاجر : علاش ياكما كاين شي مشكل

ذياب :  يلاه لشي بلاصة و نهضرو..

هاجر جاوباتو بجدية: خلينا نهضرو هنا نيت ماشي مشكل

ذياب : الموضوع غاياخد لينا شوية د الوقت ، ختاري فين بغيتي نمشيو نهضرو

هاجر : يلاه نرجعو للكافي نيت و لكن عافاك نسربيو مابغيتش نتعطل

رجعو للكافي و مشاو جهة البيرو ديال ذياب ، حل ليها الباب حتا دخلات سبقاتو عاد تبعها و جلسات مقابلة معاه و التوتر عاد ماكايزيد فيها حيت عارفاه ماكايبغيش يبقا مع شي بنت بوحدهم و مادام هوما هنا بجوج فالبيرو إذن شي موضوع لي فشكل....

بعد صمت قصير بدا ذياب الحوار و عينيه كايحاول يشتتهم لبلاصة اخرى بعيد عليها: فنظرك لاش عيطت عليك ؟

هاجر شافت فيه بعدم فهم: ماعرفتش على قبل شي مشكل فالخدمة؟

#يتبع