🍒" عـــفــاف قـلـبـــي"🍒
أنــا لـك حـيـن يـثــقــل الـعــالــم عـلـى كـتـفـيـك✨
🌼بـقـلـم: Douae Beniss🌼
#18
وصلو لدار ذياب فين كانت حفلة صغيرة بحكم ان هاجر رفضات العرس، لقاو العائلة المقربة كلهم تماك و الطبالي واجدين.. البرارد ديال اتاي و الطباسل د الحلوى كايتهزو و يتحطو و النسا كايضورو بقفاطنهم فرحانين بهاجر ...
كانو الرجال معزولين على العيالات كل وحدين فجهة و هاجر جالسة فوسط الجردة و حداها النقاشة و آيات لي ماقاداها فرحة...
غير طاح الظلام و بداو الناس كايتفرقو كل واحد مشا لدارو ، جر ذياب هاجر برفق لبيتو، دخل و قفل الباب من وراه و تقابلو مع بعضياتهم و هاجر شادة الضحكة جاها هادشي فشكل ..
دخلات للدوش حيدات قفطانها و لبسات شوميز د الحرير فالبيج جمعات شعرها على شكل كعكة مهملة و لاحت عليها عابايتها و زيفها هي تخرج...
لقات ذياب مفرش الصلاية و لابس فوقيتو كايتسناها باش يصليو بجوجهوم..
بتاسمات ليه و مشات وقفات موراه كاتصلي و فكل سجدة سعادة خفية كاتدخل مع قلبها، فكل سورة كايقراها ذياب كاتحس بلي قلبها يزيد يرتاح ...
غير سالاو هو ينوض حيد الفوقية و بقا غير بشورط رمادي و عريان من الفوق ، بدات كاتأمل فجسدو و كاتحاول بالززز تبعد عينيها و لكن ماقدراتش هزات عيونها كاتتأمل ملامحو لي طاغية عليها زعورية خفيفة، كولشي فيه مقاد و ملامحو كاتجرها بالسيف عليها حسات بيديه الدافئة تحطات فوق كتفها كاتنزل ليها العباية حتا لاحتها للأرض و من وراها تبعها الشوميز بنفس الثقالة حتا خلاها بالدوبياس مستمتع بكل لمسة و بكل لحظة
هاجر حاولت تسرط ريقها لي وحل ليها و سحابة خفيفة د الخوف دازت عليها قبل تحس بيه قرب جهة وذنيها و همس بصوت هادئ:
غير بشوية عليك ا الزين ديالي ...
شافت فيه و الابتسامة فلتات ليها فحين هو بقا كايقرب كايقرب حتا حط شفايفو السخان على عنقها:
الى ماكانتيش مرتاحة خليها لمرة اخرى ا هاجر...
أنت تقرأ
🕯عفاف قلبي🕯
Romance#قـــصة_قصـــيرة: 🕯️عـــفـــاف قـــلـــبـــي🕯️ ✒️كـــتـــابـــة و تـــأليـــف :𝐷𝑜𝑢𝑎𝑒 𝐵𝑒𝑛𝑖𝑠𝑠✒️ "كلهم محطات و أنت المقر " 🎷 انك تخسر شي شخص ماكايعنيش النهاية... الحياة ماكاتوقفش على شي حد كيفما كان حيت قليل لي غايبقى معاك حتا للخر و ل...
