🕯عفاف قلبي🕯

chapitre 17❤❤

🍒" عـــفــاف قـلـبـــي"🍒

أنــا لـك حـيـن يـثــقــل الـعــالــم عـلـى كـتـفـيـك✨

                  🌼بـقـلـم: Douae Beniss🌼
#17

#أجزاء_اليوم_برعاية_الرومانسية🤤❤🔥

دازت ليلة ماشافوش فيها عينين هاجر النعاس بسباب التوتر و الفرحة بقات كاتقلب فبلاصتها و تفكر حتا صبح الحال..

مع بانت الشمس ناضت دوشات و صلات صلاة الاستخارة لبسات قفطان فازرق سماوي و دارت معاه فولار بيج كريب مناسب للطرز لي فالقفطان، ماكثراتش الماكياج حيت ماباغياش تلفت الأنظار ..

خرجات لقات ماماها كاتوجد و دخلات عندها مبتاسمة هي عارفة واش باباها و ماماها متخوفين من هاد العقد خصوصا أنه جا بالزربة، ،مابغاوش نفس التجربة التعاود و فاش صارحاتهم بمجية ذياب و عائلتو شافت التردد ديالهم ...

بعد ساعات خرجات هاجر من عند العدول شادة فيد ذياب ، رسميا ولات مراتو،  رسميا ولات عندو حقوق عليها.... الفرحة لي كاتحس بيها من نوع آخر حاسة انها لقات التعويض ، غير الصداق لي عطاها و الكادوات لي جاب معاه هو عائلتو قادرين يخليك اي واحد شمت فيها من قبل يموت بالغيرة!

"على نيتاكم ترزقون" و هي كانت نيتها زوينة و جزاها عليها الله ..

قربو لجهة الاوطو ديال ذياب لي جات فبلاصة مخبية شوية و ماحساتش حتا لقاتو محاصرها بين الاوطو و جسدو...
تغلغل عطرو المثير فداخل حواسها الشيء لي خلاها تغمض عينيها براحة و تستنشق بعمق بحال إلى كاتستنشق شي مخدر ...

ذياب تقابل مع وجهها و هز يديه كايدوزها على خدودها و شفايفها و هو كايزيد يقرب حتا لامسو شفايفو شفايفها و قال :
فرحانة ؟

هاجر كانت كاتحس براسها كاتحلم ، شعور غريب عليها شيء اشبه بالحلم ، بزاف د الفراشات كاتحسهم كايلعبو داخلها ....
قابلات عينيها بعينيه و عي كاتحاول ترتب أفكارها باش تقدر تهضر : كثر ماكاتخاايل ، هادا افضل قرار خديت فحياتي

ذياب : و عمري غانخليك تندمي عليه...

كانو هادو اخر كلمات نطقهم قبل يشرك شفايفو مع شفايفها و يدخلو فقبلة عميقة بنكهة العشق و اللهفة....

دقائق طويلة دازت عاد بعد عليها كايحاول ينظم تنفسو و كايشوف فهاجر لي ولات حمراء و كاتنهج كاتحاول تستوعب الموقف لي جديد عليها..

حل ليها ذياب الباب د الاوطو باش تطلع و قال بنفاذ صبر :
شحال باقي و يوصل الليل؟