🍒" عـــفــاف قـلـبـــي"🍒
أنــا لـك حـيـن يـثــقــل الـعــالــم عـلـى كـتـفـيـك✨
🌼بـقـلـم: Douae Beniss🌼
#3
آيات: هاكاك هادشي كامل كان غير حيلة
هاجر: ايوى ا دكتورة آيات تسواو الامور على حساب يجي مع دارهوم اليوم يخطبوني من دارنا، علمت واليديا و نضنا ماخلينا ماوجدنا لبست تانا و تقادينا و ماما ماقادها فرحة كيفاش لا و بنتها الوحيدة غايجيو فيها الخطاب
تسنينا حتا عشات العشية و بدينا نسمعو فالزغارت و اللوطوات واقفين قدام باب العمارة طليت من الشرجم و مشات ماما كاتجري حلات الباب تدخلهوم حتا كايبانو لينا مشاو للدار لي مقابلة معانا ، (بدات يديها كاترعد فوق ليزار و فمها بدا كايرجف) مشاو خطبو بنت الجيران، اه ا دكتورة ولد عمي لي تربيت معاه و بغيتو من الصغر تال الموت ضحك عليا و لعب بيا كيف بغا !
آيات حسات بغصة فقلبها على البنت لي قدامها تاهي امرأة بحالها و حاسة بيها لو يوقع ليها بحال هاكا ماعرفاتش شنو ممكن دير فراسها ماعرفات باش تواسيها و لا اش تقول:
ولد الحرام بزاف عليه الرجلة ! مايستاهلكش واحد بحالو ...
هاجر: بان ليا لابس و مقاد عيطت عليه نهضر معاه و كون غير ماعيطتش حيت الكلام لي سمعني عمري سمعتو فحيااتي، لا و الجملة كاع لي مابغاتش تنسا ليا هي بقاي دايرة فيها مريم العذراء حتا تبوري...
آيات: سمعي ا هاجر العالم ماغايوقفش عليه هو خاصك تكوني قوية و تقدري تدوزي هادشي لي نتي فيه ماحدك فالحياة راه غاتشوفي أشكال و أنواع ديال الصدمات و لكن المهم هو تبقاي واقفة فوجه كولشي
هاجر مسحات دموعها و قالت بهدوء و قناعة حسداتها عليهوم آيات: عارفة ان وراء كل تجربة غير كانزيدو نتعلمو و كانزيدو نقواو و عارفة اكثر أن الله يؤتينا خيرا مما أتانا و قدما جلست غايعوضني بما احسن منو.
بتاسمات ليها آيات و قبل تهضر طلعات مكالمة فهاتف هاجر لي جاوبات فالبلاصة
المتحدثة: بونجوغ مادموزيل هاجر معاك المسؤولة د الاوطيل لي حطيتي عندو سيفي ديالك الاسبوع الفايت، مهم باش مانطولش عليك على حسب ماشفت نتي عندك ديفوغماسيون و دبلومات صحاح و غايكون ليا الشرف تاخدي البوسط د سكريتيرة فالاوطيل ديالي
هاجر: .merci bien madame
المتحدثة: كاين شرط واحد إلى قبلتي بيه لوصاليغ الاعلى يكون ديالك
هاجر: لي هو ؟
المديرة: انك تحيدي الحجاب.. ماشي بغيتك تاخدي مني موقف و لكن ا مادموزيل بوسط لحال هاداك حساس شوية و لكن اوطيلاتنا كايجيو ليهوم ناس من مختلف الاديان.
هاجر جاوباتها بحدة: الله يعاونك ا مادام تلقاي شي وحدة بالشروط لي بغيتي اما انا الحجاب ماغانحيدوش.
المديرة قالت باسف: راك عارفة الاستقبال مايمكنش نقبلو فيه الفولار هو الواجهة قدام النصارا و الاوروبيين و كولشي، على العموم بون كوغاج...
#يــــــتــــــــبـــــــــــــــع
أنت تقرأ
🕯عفاف قلبي🕯
Lãng mạn#قـــصة_قصـــيرة: 🕯️عـــفـــاف قـــلـــبـــي🕯️ ✒️كـــتـــابـــة و تـــأليـــف :𝐷𝑜𝑢𝑎𝑒 𝐵𝑒𝑛𝑖𝑠𝑠✒️ "كلهم محطات و أنت المقر " 🎷 انك تخسر شي شخص ماكايعنيش النهاية... الحياة ماكاتوقفش على شي حد كيفما كان حيت قليل لي غايبقى معاك حتا للخر و ل...
