🍒" عـــفــاف قـلـبـــي"🍒
أنــا لـك حـيـن يـثــقــل الـعــالــم عـلـى كـتـفـيـك✨
🌼بـقـلـم: Douae Beniss🌼
#6
ذياب جلس حداها فوق الناموسية و شاف فيها عاقد حجبانو: غاقولي اش كاين
آيات: لقيتي كاع الموظفين لي خاصينك و لا مزال؟
ذياب: نو مزال كانقلب خاصني مزال
آيات: ضبررت ليك عليها ، واحد البنت
كانعرفها
ذياب : دوك صحاباتك غير خليهوم عندك، نتي عارفة ماعنديش مع التقزيق و الطيران بغيت شي حد بعقلو
آيات: وراه هادي ماكاتعرفهاش، عندها ديبلوم فالاقتصاد و اخر فالفندقة و دايرة جوج ديال التكوينات و عندها شي ظروف مسكينة، اصلا بحجابها و داخلة سوق راسها مهددنة غاتجيك على كانتك
ذياب: العقبة لداك الحجاب ديريه حتا نتي مزال ماهداك الله
آيات: دابا انا كاندوي ليك فموضووع و نتا كاتمشي لموضوع اخر، ماخاسر والو إلى جربتي هاد البنييتة على ضمانتي
ذياب: وااخة نوضي خليني نعس حتا يوذن العشاء و فيقوني
آيات: اش قلتي دابا
ذياب: غدا قولها دوز بالسيفي ديالها نشوفو معا هاد صاحبتك واخة انا عااارفك
خرجات مخلية خوها ينعس و مرتاح نوعا ما فاش شكرتها ليه و قالت ليه بحجابها من ديما كايميل للصحابات الحجاب واخة عمرو بغا شي وحدة و لا دار علاقة من قبل طيلة حياتو بنت وحدة لي عجباتو شافها غير بالصدفة عاماين هادي و وجهها ماتمسحش من عقلو
آيات صيفطات لهاجر ميساج علماتها توجد امورها و لي خاصها باش يتلاقاو غدا قريب من القهوة لي عارفاها هاجر فين جات
صبح الحال و هاجر فاقت بكري بعدما نفسيتها ولات شوية على البارح لبسات عباية فالاسود و دارت معاها فولار بيج و صندالة سامبل فنفس اللون ،اكتفت بأنها طلع شفارها بماسكرة شفافة و مرطب شفاه يحيد ليها الجفاف هي تجمع وراقيها و خرجات ثايقة فراسها و متأكدة من جمالها لي عطاها الله لدرجة تقدر تخرج بلا نقطة ماكياج و تستغنا عليه لأيام ماعندهاش مشكل
شوية و كانت وصلات على آيات تسالمو و مشاو متوجهين للكافب فين كايتسناهوم ذياب شخصيا
أنت تقرأ
🕯عفاف قلبي🕯
Romance#قـــصة_قصـــيرة: 🕯️عـــفـــاف قـــلـــبـــي🕯️ ✒️كـــتـــابـــة و تـــأليـــف :𝐷𝑜𝑢𝑎𝑒 𝐵𝑒𝑛𝑖𝑠𝑠✒️ "كلهم محطات و أنت المقر " 🎷 انك تخسر شي شخص ماكايعنيش النهاية... الحياة ماكاتوقفش على شي حد كيفما كان حيت قليل لي غايبقى معاك حتا للخر و ل...
