ثنيان مظلوم يا سياف

البارت السادس عشر؛

ضحك ثنيان عليهم الاثنين ونطق؛ بخير وصحة الحمد الله.... وانت...؟
حمد؛ وين ياحظي.. دامني مع خالد أنسى العافيه.... شهق خالد وصفق حمد على راسه وسحب الجوال منه ونطق؛ كذاب هو الي محاشرني....
ثنيان؛ ياخي لكم فقده...... ضرب خالد صدره؛ والله لا نجيك الحينه....
ثنيان؛ تم....
خالد؛ بس اصبر وشهو طلبك....
ثنيان؛ طلبي انك تجيني....خالد؛ اجيك والله اجيك ودحمه وراي ماعليك......
ضحك ثنيان؛ انتبه أشوف جنونه طايره عندي.... لف خالد نظره له حمد إلى متكتف ينتظره يخلص قمط العافيه وقال؛ حميد قلبي استنى بنتفاهم....... سكر ثنيان المكالمه يعرف ان حمد مارح يرحم خالد...... حمد؛ وشو تتفاهمه انت وراسك ذا...؟
ركض خالد بسرعه قبل يمسكه حمد ويحطه ذبيحه ركض حمد معه وبيدينه شماغه عشان يربطه فيه..... صرخ خالد يستنجد ب شيخ الديره إلى كان يمشي بهدوء.... خالد؛ ياشيخنا تكفى انا في وجهك السمح....
ناظره الشيخ وضحك عليهم مسك خالد وحطه ورا ضهره وقال؛ اترك عنك ياولدي.... حمد بقهر؛ والله ياشيخ جميل انه خكري.....
الشيخ جميل؛ ماعليه نحل مشكلتكم بهدوء.... مد حمد يده ل دقن الشيخ وباس يده ( حركه يسونها الرجال)؛ انفدا وجهك ياشيخ خله والله ما وراه إلا السربته.....
الشيخ جميل ناظر خالد وحطه تحت ذراعه وقال؛ ذا سعادة الديره كلها ياحامد وانتم ياعيالي انشهد ان الديره بدونكم ولا شي....
استحي خالد من كلام الشيخ وباس راسه وحمد كذالك.... ونطقو؛ والله الديره ماتبي لها إلا رجال يشيلها وانت حق وحقوق المرجله ياشيخ.... ضحك الشيخ علي كلامهم إلى كان نفس الشي وكأنهم توأم خبط على كتف حمد وخالد ونطق وهو ماشي؛ الله يحفظكم من كل شر...
حط حمد كتفه فوق كتف خالد ومشو مع بعض وقال خالد؛ تخاوي ل الرياض....
حمد؛ ابشربي....
خالد؛ تبشر بي الجنه والخير واليمن والبركات والسعد والرزق والحلال والبنين ..... حمد؛ دعوات جدتي خوزامه....
ضحك الاثنين على تقليد خالد ل جدتهم إلى كانت تدعي لهم كل يوم بذي الدعوات....
.............................................................................................................
سلطان؛ ياشباببببب انهو طفششش....
سعود؛ البخ ياسليط....
سلطان؛ وش ذي العيشه إلى عايشينها أهل الرياض....
سعود؛ ولد الديره مايبي الا ديرته...
جاء لهم ثنيان وقال؛ المغرب مارين نايف وسليمان...
سعود؛ ماهو ضروري الكلافه والله...
ثنيان؛ كلمته وعيا الا نجيه....
تنهد سعود؛ على خير ان شاء الله.....
انسدح ثنيان بجانب سلطان وقال سلطان ؛ سياف محتل الاتصالات عندي.....
تنهد ثنيان ونطق؛ نرجع لهم ون..... ماكمل كلامه بسبب سعود إلى صرخ؛ مهبول انت ترجع وين عند محمد إلى بيكسر عضمك هاه....
ثنيان بقهر؛ موهو ابوي....؟ رضا الوالدين اهم ياعمي....
سعود؛ عن أي ابو تتكلم انت.... ابوك ضارب إلى ف القبور نايم وتارك وراه سوالف وعلوم....
ثنيان صرخ معه؛ وشش بيديي يعنيي وشش إلى بسويهه ياسعودد لا تحسبن مو شايلل علييهم الا بالله شايل وزود تحسبني ما أشوفف نظرات الناس لي وإلى هب ودب يسأل عن ولد ضارب إلى معرف منهو وكنت انا هو..... بيتكلم سعود لكن وقف ثنيان ومسك ياقه ثوبه ونطق بحرقه؛ ماهو ذنبي اني ولده وماهو ذنبي عشان يعاملني كذا هو قاتل وش سببه محروق ياسعود وحرقي كبير اضحك واتبوسم معك احاول أنسى همومي....
سعود بحزن؛ وش يحرقك ياثنيان.... يحرقك محمد وأفعاله ولا يحرقك ابوك قاتل...؟ وش عرفك انها مو كذبه منهم هاه...؟
ثنيان بقهر؛ إلى يحرقني كلامه ياسعود إلى يحرقني ليه مخبي عني كل ذي السنوات إلى يحرقني جدي إلى يشوفه كيف يسوي فيني ويسكت إلى يحرقني مآني اخو سلطان وسياف صرت استحي اكلم الجدال ياسعود والله محروق وزود......
وسع عيونه سلطان من الكلام الي صدمه وماعجبه بنفس الوقت وصرخ؛ امداك تستحي لا تستحي طق ميانه وأكثر انت اخوي وتبقى اخوي لا هروج تفرقنا ولا ناس تفرقنا مايهم الدم ولا الأم إلى جابتنا إلى يهم خوتك معي وسنينك انت عضيدي ياثنيان وشوله تفكر كذا وشلون يطاوعك قلبك تفكر كذا ياخوك ماهو زين لا تفكر كثير فيه اسفهه ياثنيان اسفه الكلام واصفقه ب الجدار.... مشي سلطان وحضن ثنيان وشد عليه ونطق بقهر؛ والله ثم والله محد يفرقك عني.....
شد عليه ثنيان ونطق بصوت مهزوز؛ جعلك ذخر وسند لي....
خبط سلطان ضهر ثنيان؛ احتزم والله اني لك سند وعون وعضيد ياخوك.....
دمعت عيون سعود ومسحها بقهر؛ اخ ليت اخواني زيكم....
ضحك الكل عليه ومر الوقت واخذتهم السوالف شويه قام كل واحد فيهم بعد كلام ثنيان الي قال؛ امشو تجهزو مافي وقت للرجال وكل عاده ضروري سلطان وسعود يتهاوشون على الحمام حتى لو في عشرين حمام غيره صفق سعود سلطان وكان بيدخل الحمام لكن سحبه ثنيان من قميصه ودخل هو......
بعد مضاربات كثير بين الشباب مابين ذا ثوبي وذا شماغي والخ....
انتهى الشباب من الكشخه المكشوخه على قول هزاع.... وطلعو متوجهين بيت نايف....
...............................................................................
نرجع للماضي شوي....
في الديره وكانت عزيمه ل رجعه احد الشباب من أهل الديره بخير وصحه من الحد الجنوبي...
تهاوش سياف وثنيان على العقال ونطق ثنيان بقهر؛ وخر يدك لا امعطها لك...
سياف؛ وخر انت ذا حقي ماتشوف راسك كم عرضه....
ثنيان سحب العقال من سياف ولبسه بسرعه صرخ سياف وراح صفق سلطان وأخذ عقاله من راسه.... طارت عيون سلطان من سياف ونطق؛ ورع حقي شتبي انت....
سياف؛ البخ بس... دخل عليهم ابو ثنيان وبحده؛ بسرعه انت وياه عرايس انتم ساعه تلبسون....
مشي الكل ورا ابوهم وكان شكلهم أقل مايقال عنه فخامه وهيبه.....
شافهم هزاع إلى تاكي على سياره جده ونطق؛ الكشخه المكشوخه ال مطلق......
ابو ثنيان؛خمم ياهويزع ابرك لك....
هزاع؛ شدعوه ياعمي اكلم جدي شف بس على مكشوخ بالله كيف.... ضحك الكل عليه وكيف انه مايبي هواش من عمه محمد.......
..............................................................................
عند نايف وسليمان......
سليمان إلى متعلق فوق الدولاب يدور ورقة خاصه فيه..... دخل عليه نايف وانصدم من شكله ونطق وهو يسحب رجله؛ ولد انزل وشفيك فوق قرد انت....
سليمان بصراخ؛ فكني ياشيخ بطيح..... طاح سليمان على نايف وصفقه نايف على ضهره؛قم عني ياثقلك ياخي...
سليمان بقهر؛ اوف ياخي كنت باخذها وشفيك....
نايف بصدمه؛ وش الي تأخذه مصروع انت...؟
سليمان ورقتي فوق وكنت باخذها........ نايف مسك رأسه بصدمه من اخوه ونطق؛؛ الله يهديك ورقه ورقه ياسليمان وش تسوي فوق هاه..... ضحك سليمان ونطق؛ أوراقي كلها ارميها فوق....
انجلط نايف وطلع من الغرفه مو قادر يجلس مع اخوه أكثر من ثانيه واحده كل شوي يصدمه بشي جديد..........
مرت نص ساعه ووصل الشباب بيت نايف ونطق سلطان؛ اخس ذا بيته...
سعود؛ امشي وانت ساكت...
دق ثنيان الجرس وفتح له نايف الباب ونطق؛ ارحبو يارجال...
رد الكل عليه ب - البقى-..
دخل الشباب كلهم البيت وتوجهو للمجلس جلسو فيه وقدم لهم الضيافه واخذتهم السوالف الين ماجاء سليمان وكان لابس بنطال.... سلم على الشباب وضحك عليهم وكيف وجههم مصفوقه منه ونطق؛ والله عاد شوفو ماحب الثوب ذا ولا طواريه انا شخص عشت برا السعوديه وكنت دايم البس ذا....
سعود؛ لا يارجال مابه خلاف....
سلطان؛ عز الله لو شافوك أهل الديره حشو رجولك...... كمل ثنيان معه؛ واخذوك رايح جاي...
اخذتهم السوالف مره ثانيه وتأخر الوقت واستاذن الشباب وراحو شقتهم......
.....................................................................................
بعد مرور يومين.....
صحي سلطان من نومه وكانت أول مره يصحى فيها بدري... حس ان اليوم بيصير شي غريب لكن ما اهتم كثري وراح يصحى ثنيان إلى كان نايم معه فنفس الغرفه بحكم انهم ماخذين غرفتين غرفه ل سعود وغرفه له وأخوه وصاله وحمامين ومطبخ... صحي ثنيان مع سلطان وأخذ علاجه... راح سلطان المطبخ وجهز لهم فطور نواشف قبل يروحون الديره......
فتح سعود باب غرفته والضيق ماكله اكل من كلام سياف له.... جلس معهم بدون لا يقول شي وافطر.وقام من السفره ومشى ل الغرفه يلبس ثوبه ورمي غترته علي كتفه وطاقيته وعقاله برأسه.... قام سلطان وثنيان بهدوء ولبسو ثيابهم وشماغهم ومشو طالعين من الشقه أو الرياض بكبره رايحين ل ديرتهم ومصيرهم مجهول وجدا.....
...............
اليوم الاول.. اليل..
رد سعود على سياف إلى يدق عليهم من اسبوع ومحد يرد عليه.....
ابو ثنيان بقهر؛ وينك طاس هاه...؟
سعود؛ ب الرياض.....
ابو ثنيان؛ وماتقول لنا ياسعود..... استخفيت انت خلاص ماعد علينا كلمه عليك ولا وشو...؟ تأخذ الولد معك وتهرب انت رجال انت...؟
سعود بقهر؛ أخذته ما أخذته أظن مالك دخل فيه صح....؟
ابو ثنيان؛ اخس واقطع ذا السان ترادد اخوك الكبير عز الله مابك احترام...
أخذ الجد سياف الجوال من ولده محمد ونطق بترجي؛ ياسعود تكفى ياولدي ارجع ورجعه معك ياسعود لا تبعده عنا....
سعود؛ يبه الله يهديك وش الي ابعده عنك يبه تبيه يجلس بعد كلام جسار له....
استغرب الجد سياف منه ونطق؛ وش كلامه ياسعيدان اهرج...
مسك سعود راسه ونطق؛ يبه يقول له انت ولد قاتل يبه يرضيك إلى قاله....
الجد سياف بعصبيه ؛ خل جسار عنكم وتعالو عرس خويتك قرب.....
سعود؛ أن شاء الله يبه أن شاء الله........
سكر سعود من ابوه مايقدر يرفض له طلب ولا يقدر يرفع صوته عليه.... طلع من غرفته وشاف سلطان وثنيان يلعبون بلوت وضحكهم مالي الشقه كلها.... تنهد ونطق؛ ابوي يقول عرس الريم قرب يبي نحضره ونحل السوالف إلى صارت ياثنيان....
ثنيان؛ حلو انه إلى طلبني.... نروح لهم ونشوف وش الي بيصير....
هز راسه سعود ودخل غرفته ينام وراه يوم طويل طويل مره...... ناظر سلطان ثنيان ونطق؛ ثنيان..
هز راسه ثنيان بنفي؛ ياخوك لاتشيل همي...
سلطان؛ اخاف يجلدك....
ضحك ثنيان وخبط كتف سلطان؛ بسيطه يارجال نعتبرها درس من الدروس الاوله... كمل لعب بس....
.............................................................................................
وصل الشباب الديره وتنهد سعود بضيق..... وقف السياره قدام بيت ابوه ووقف وراه ثن ونزل من سياراتهم الاثنين..... كان مع وصلتهم سياف إلى راح البقاله يجيب أغراض البيت ناظرهم بضيق وعتاب وصد يكمل طريقه ل باب البيت بدون سلام لهم ولا شي... فتح سياف الباب ودخل وراه الباقي.... الجدال إلى كانت تشطف الحوش وسوير معها رمت إلى بيدها وركضت ل ثنيان وصرخت؛ ثنياننن....
ضحك ثنيان على رده الفعل وفتح ذراعينه لها......انصدم سوير وصرخت؛ جعلها ترحب مليون ياسعود وركضت له وحضنته..... اشتاق سعود ل اخته سوير وشد عليها ونطق؛ لك فقده والله...
تكتف سلطان ونطق؛ ايه وانا مالي تحاضين يعني.... بعدت الجدال عن حضن ثنيان وارتمت بحضن سلطان وقالت؛ افا لا يزعل سليط.....
سياف إلى مشي ل المطبخ وحط الأغراض فيه نطق؛ ولدك ثنيان برا يمه.... طلعت ام ثنيان...بكت وحضنته ونطقت بعتاب؛ ليه يمه ليه تروح وتخليني.... ماقدر ثنيان ينطق بشي واكتفى انه يحضن أمه.... أما سعود صد عنهم وراح ينادي أمه إلى كانت في الغرفه تصلي.....
نزلت الريم إلى كانت فوق السطوح تنشر الغسيل بفهاوه ناظرت سلطان وثنيان ورمت عليهم الحبل وصرخت؛ سكنهم ف مساكنهم يارب أعوذ بك من شر ماصنعت.....
ضحك سلطان عليها؛ ابك حكيتس علامه مرجوج.... شهقت الريم وركضت تحضنهم الاثنين
ونطقت ببكي؛ على شحم ياسليط على شحم اشتقت لكم والله كيف تتركوني عند ذولا الحمير والله البيت بدونكم ماتسوا......
جلس الكل ف الحوش واخذتهم السوالف شوي ونطق سلطان بحلطمه؛ يمه وشوله ماتعطيني اكل جوعان يمه.... َ
ام ثنيان؛ انت ماتغديت يمه...؟
سعود إلى كان منسدح على رجل أمه؛ ذا اكل الثلاجه كلها لو بيده أكلنا معها....
ام ثنيان؛ الحينه يجهز لكم الغداء...
ثنيان؛ جعل يدينتس ماتمس النار.....
.............................................................
دخل الجد سياف البيت وسمع أصوات ضحك وسوالف من المجلس... ركض بشوق وفرح يبي يشوف ويصدق إلى سمعه... ايه سمع ضحك ثنيان وسوالفه وسمع حلطمت سلطان ف عمته سوير وسمع سعود إلى يدندن مع امه..... دخل المجلس ووقف الكل خوف من رده فعله لكنه مشي وحضن ثنيان بلهفه؛ ثنيان يابوكك..
شد ثنيان على حضن جده وكأنه لقا امانه إلى ضاع منه..... ابتعد عن جده وباس راسه ونزل يبوس رجله لكن منعه جده يبوسها..... تقدم سعودوسلطان وسو نفس حركه ثنيان.... أخذ الحد كعازه وضرب سعود على ضهره ونطق بقهر؛ كذا ياسعود كذا تساوي تأخذه عني وتهج افا ياسعيدان افا بس يابوك وين المرجله هاه....؟
ضحك سعود وحك حاجبه؛ يبه والله تعرف حالته كيف كانت وانت ادرا بمحمد وطبايعه....
الجد سياف؛ مابه خلاف دامني شايفكم جنبي وحولي ياولدي.....
جلس الكل واخذتهم السوالف مره ثانيه الين جاء لهم ابو ثنيان محمد..... ناظر ثنيان بصدمه... وقهر وغضب....
تقدم له ثنيان وباس راسه ونطق؛ السموحه والعذر منك.... يبه....
ناظره بحزن ثم نطق؛ ليه ياثنيان..؟ ليه تسوي كذا.؟
جا سلطان وحضن ابوه وانفجر بكى على كتفه... انصدم الكل منه إلا ثنيان إلى يعرف مهما سوا محمد يبقى سلطان يحبه هو ابوه والأب مهما فعل يبقى اب.....
انصرع ابو ثنيان من سلطان وبعده عنه وخبطه على كتفه؛ ولد سليط علامك تبكي...
سلطان؛ يبه.. يبه والله مو بيدي يبه مو بيدي اروح واخليك بس يبه ثنيان مقدر اتركه....
هز راسه بتفهم وجلس معهم كلهم..............
..............................................................
مر اليوم بسلام عليهم الكل مستغرب من محمد وكيف انه هجد وماهاوش وصرخ مثل كل مره...
ولا تمثيل ثنيان وسلطان إثر عليه شوي.....؟
مو سهل الأشياء الى مر فيها ثنيان وبعد كل ذا يعرف انه عمه ماهو ابوه ويستمر يعامله كذا..... مارح يسامحه بسرعه حتى لو قلبه ابيض بيشيل عليه بس مارح يبين له بيحاول يجاريه الين يوصل مبتغاه...... بس الايام الجايه والشهور الجايه وش تخبي له ياكثر الأشياء إلى بتهد حيله وحيوله بيقدر يوقف بوجهها ولا....؟
والأهم من ذا عنوان الروايه؛ ثنيان مظلوم يا سياف.... سياف له دور كبير ولا صغير.... هو معروف انهم الثلاثي المرح... بيت ال مطلق يكتمل بشوفه الثلاث..... ثنيان _سياف_سلطان...
وش المفهوم من العنوان يعني سياف بيكون سبب كره الديره ل اخوه أو الأخص ولد عمه... أو سبب ثاني..... غيره.....