ثنيان مظلوم يا سياف

البارت الثالث والأربعون؛

يبتسم له بخبث ونطق؛ الزله عليك.. لو أنك ماسك نفسك ماهو أهون..
شهاب بهدوء؛ ما عاد يفرق..
أسر؛ محد يضيع وراك غير أبوك ولا أخوك معك ..
شهاب؛ مابه خلاف..
أسر؛ بايع نفسك يعني..
شهاب؛ دام ضارب ميت وولده لاحقه وش ودي أكثر..
أسر؛ تدري إن ب كلامك ذا يزيد عقوبه السجن عليك..
سكت شهاب ما يرد عليه.. منافي إلى جالس مع عبد الرحمن ويشرح له سوء الظن من أوله..
منافي والقرآن بيده والأدلة إلى أخذها نهيان من ابو صويلح.. حط يده فوق القرآن ونطق؛ والله وبالله وتالله.. وإلى انزل الوحي وخلق السموات والأرض وما بينهما وعنده علم الساعة وإليه ترجعون.. أن كل شيء بقول لك الآن لا هو كذب ولا هو من تأليف الشباب.. وإذا أنت مب مقتنع الادله عندي.. عمي ضارب رحمه الله عليه ماهو قاتل ولدك.. والله ياعم.. أسمح لي أناديك عمي ل الإحترام بس.. والله إنك ظنيت سوء به.. وأخذت ذنب عظيم عليك.. ظلمته وقتلته بغير حق.. والحين ولده المسكين إلى جاك لأجل يصلح الخلاف إلى بيننا وتصاوب عندك.. أنت تدري ب آل فيصل انسابك صح.. الجد عبد الله تدري إن نهيان ولد بنته الثانيه هاجر زوجت ضارب.. ونهيان هو نفسه سليمان إلى كان يعيش مع صبري.. هو ولده الأصغر.. عنده ولدين ثنيان رحمه الله عليه ونهيان.. ثنيان مات قبل شهور قليله بحادث.. كان به شخص يكره ويحقد عليه.. رغم أنه كان يحب الخير ويساعد الناس.. إلا أن الشخص ذا يكره كره ماهو طبيعي ياعم وشوه سمعته .. وسامحه والله إنه سامحه.. ودك تدري منهو ذا الشخص..
هز عبد الرحمن راسه وأكمل منافي؛ مناور بن علي آل موسى.. إلى تعده أنت خوي وصاحب لك.. هو الى يحقد على ثنيان ويكره وغير سمعته وازيدك بيت شعري.. بسببه انطرد من الديره وعاش أخر حياته بعيد عنها.. ذا المناور إلى انت تنشد به الضهر هو إلى قاتل ولدك.. وإلى محرض على قتل ضارب.. و أزيد بيت ثاني أنه متعاطي مخدرات وطيح ثلاث من شباب ال مطلق معه.. ودك دليل.. اسمعك صوت واوريك مقطع.. إلى ودك به يجيك.. ودك كتابه تقرأ اعطيك كل شيء..
سكت محتار من الكلام إلى يقوله ومصدوم بنفس الوقت... مستحيل يكون يكذب مستحيل اصلآ والقرآن الكريم بيده.. حالف عليه.. وعنده دليل كتابي وصوتي ومقطعي.. وش إلى يحده يسوي كذا.. هل هو فعلاً ظالمه.. هل فعلاً قتل ضارب بظلم..
وصل سعود وهذال وشهم بنفس الوقت وقام منافي من عند عبد الرحمن ونطق؛ إلى عندي ياعم وقلته.. أن ودك تصدق صدق وأن ما ودك لا تصدق.. القضيه بتنرفع علي ولدك شهاب اليوم..
صرخ شهاب بوجهه؛ مالك حق ترفع على قضيه وهو ما طلع للحين..
تقدم سعود منه وصرخ؛ عمه موجود.. والمحامي موجود والضابط موجود والدليل موجود.. ورا الشمس يا شهاب تروح..
هذال؛ لا تحسب ساكتين لك المره الأوله يعني الثاني نسكت زيها.. والله لا تندم على كل شيء سويته.. أن ما حطيناك بين السجون انت وإلى معك كلهم مانكون رجال ال مطلق..
كان شهاب بيرد عليه لكن سحبه أسر ومنافي بقوه يطلعونه من البيت.. ويدخلونه السياره حقت أسر.. سعود إلى لف نظره ل عبد الرحمن ونطق؛ السموحه منك ياعم.. أندري أن مابه يد لك ب السالفه.. لكن عيالك وعيال إخوانك كلهم متورطين.. أبعد أنت عن مناور والله لا يسحبك ل حفرته وأنت غافل..
ومشى بعدها سعود ومشى هذال وراه.. ونطق شهم بصدمه؛ يبه..
عبد الرحمن؛ ما يجوك يا شهم وإلا واثقين أنهم على حق..
شهم؛ يبه والله إني مصدق.. لكن شهاب اخذوه..
عبد الرحمن؛ سمعت وش إلى قاله..لا تهتم ل أخوك أهتم لنفسك أنت..
..
سياره أسر..
يكلم سعود إتصال جوال.. منافي؛ وأنا مجنون أتركه..
سعود؛ وين رايح به..
لف منافي راسه ل شهاب إلى ربطوه ونطق؛ على ديره الضباب والحافظ الله..
هذال بصدمه ؛ ولد لا ترجع وحدك.. ناسي أنهم مراقبينا..
ضحك منافي ونطق أسر يرد عليه؛ أفا يا ولد العم.. نسيت أن معكم أسر.. والله لا يطلع كل الكلام إلى مخبيه..
سعود؛ على القوه يا شباب..
منافي؛ الأخبار أول ب أول يا سعود..
سعود؛ أبشر.. قفل بعدها منافي..ومسك خط هو وأسر ل الديره..
..
سياره هذال..
هذال؛ آل خليفه وطاحو بيدنا..
سعود؛ لا تستهين بهم.. علومهم خبيثه..
هذال؛ مناور وقده بيطيح.. ال فيصل..
مسك سعود راسه بصداع ونطق؛ شيب راسي وعيوني يا هذال.. سوالفهم تشيب الواحد فوق شيبه..
ال خليفه ماهم ساكتين عن شهاب.. ومناور وراه سوالف للحين ما نكشفت.. ال فيصل أحسهم متفقين معه.. ونطق بضيق؛ آه يا ثنيان آه..ليته موجود كان حل كل شيء..
هذال؛ الله يرحمه..
فجأة صارخ سعود بدون أي سبب ومسك هذال أذنه اليمين بخرعه من صراخه.. ولف بسرعه السياره على الخط اليمين ووقف.. لف بصدمه ل سعود ونطق؛ علامك..
مارد عليه سعود وحط يده على عيونه وضغط عليها وصارخ مره ثانية.. هذال إلى مايدري وش إلى جاه فك حزامه ونزل بسرعه ومشى ل جهه سعود.. فك باب الراكب وفك عن سعود الحزام ونزله ونطق؛ سعود.. علامك يا سعود..
نزل سعود عيونه وثم رفعها وناظر ل هذال بهدوء وكأنه ما يدري من هو.. هذال إلى انصدم من لون عيون سعود إلى تحولت ل الأحمر وكأنه دم..ونطق؛ بسم الله الرحمن الرحيم عليك.. سعود وش إلى جاك يا ولد..
ضرب سعود صدر هذال بيده اليسار ويركض يبعد عنه و أنحنى بجسمه يستفرغ كل إلى ببطنه .. انصدم هذال وبقوه منه.. وتقرب لأجل يقرأ عليه وأبعد سعود ونطق وصوته تغير شوي؛ تكفى تكفى لا تقرب مني..
هذال؛ سعود علامك..
مسك سعود راسه مره ثانيه بوجع ونطق؛ راسي راسي يوجعني..
وتقرب هذال يحاول يسأل؛ من متى..
بكى سعود فجأه ونطق يمد يده ل هذال ؛ من الصباح.. بس تكفى لا تقرب يا هذال..
عانده هذال وتقرب منه أكثر ونطق؛ بسم الله عليك..
صارخ سعود؛ لا تقرب يا هذال ناخيتك.. بمشى وحدي وحدي..
وقف هذال مكانه ما يستوعب وش إلى جاه سكت شوي يفكر وثم نطق؛ ترجع وحدك..
سعود إلى عيونه للحين محمره وتدمع؛ بمشى..
هذال بصدمه؛ وين تمشى المستشفى بعيد..
هز سعود راسه ونطق؛ بمشى بمشى..
رجع هذال ل الوراء ونطق؛ أجل امشى.. ركب سيارته لأجل يلحق سعود بها.. مسك جواله ودق على سلطان..  رد عليه سلطان بعد الرنه الرابعه ونطق هذال؛ تعال ولا حد يدري بك..
سلطان؛تمام..
قفل جواله بعد ما رسل له الموقع وناظر ل سعود إلى يمشى وحرك سيارته يمشى بعده ب هدوء.. وتنهد بضيق على حالهم إلى انقلب ..
..
سلطان إلى دق عليه هذال.. قفل جواله وناظر ل ضارب الصغير إلى ممسك ب ثوبه وواقف جنبه.. وثم لف نظره ل الشباب.. حمد إلى جالس فوق جواله ويكتب.. وخالد جنبه يناظر معه.. ثم نطق؛ ضارب جوعان.. بروح أجيب أكل له ولنا..
هز خالد راسه ونطق يعدل جسمه؛ بخاوي..
مد سلطان يده ل ضارب الصغير ونطق؛ لا بروح وحدي.. خلك هنا وقول لي أن طلع..
خالد؛ انتبه لك..
مشى سلطان  طالع من المستشفى وضارب الصغير معه.. ناظر ل نمر إلى يكلم ب جواله ومعصب.. تركه ومشى ل سيارته وركبها وحرك..
..
عند نمر.. إلى كان يكلم ولد عمه برق..
نمر بعصبيه؛ يا برق تفزع ولا أترك عنك الهرج..
برق بهدوء؛ ياخي أعطني السبب.. وأبشر بهم كلهم..
نمر؛ وأن قلت لك خاص وش بتقول..
برق؛ أفا ياولد.. تخفي عني..
نمر بحده؛ الواضح لعب فراس بعقلك..
برق بنرفزه؛ داق علي تقول ودك ب ضباط يراقبون.. سألتك لمن تقول خاص.. تحسب الشغله مزح ولعب يانمر..
مسح نمر على شعره ونطق؛ السالفه طويله يا برق طويله..
تنهد برق ونطق؛ أسلم..
نمر؛ تخص ثنيان..
برق؛ ثنيان..
نمر؛ اي.. بدأ نمر يحكي له السالفه كلها.. وصدمات برق كل شوي تزيد..بعد مده؛طال عمرك ذي السالفه كلها ..ودك ترسل ضباط ولا كيف..
برق بضيق على حال ثنيان؛ لأجله تم.. بس تكفى كل ذا به..
نمر؛ والخافي أعظم..
برق؛ لاحول ولا قوة الا بالله.. خلاص بكره يجوك ثلاث..
نمر؛ انشهد أنك رجال ولد رجال..
برق؛ ماعليك زود..
..
عند سلطان.. قرب يوصل للموقع وهوجس ب سياف وكلام أسر له.. حس أن الكلام إلى قاله غلط له.. وبدأ تأنيب الضمير يشتغل عنده وثم نطق كلامه ل ضارب الصغير؛ ضاربوه..
لف له ضارب الصغير ونطق؛ سم..
سلطان؛ بسألك.. الحين لو شخص أنت تحبه تمام.. تمام.. وغلط عليك ب الكلام انت بتسامحه..
ضارب الصغير؛ كلام عيب ولا كلام ثاني..
سلطان؛ كلام يجرح.. مثل يعني أنت محد يحبك ومحد وده يكون معك..
ضارب الصغير؛ بزعل..بس لو أحبه بسامحه..
سلطان؛ يعني لو انت تحبه مره تقدر تسامحه..
ضارب الصغير؛ أي بس أول شيء لازم يعتذر مني.. بعدها اسامحه..
سلطان؛ رجال وآلله...سكت الاثنين من بعدها.. واستوعب سلطان أنه كان يتكلم مع ضارب الصغير.. إلى عمره ست سنوات انصدم وبقوه ولف راسه له وثم ناظر الشارع مره ثانيه.. ونطق بينه وبين نفسه؛ أبك انجنيت انا.. وش بي أهرج مع ذا الورع.. بس والله كلامه واقعي..
ناظر ل سياره هذال إلى قدامه وتتحرك بشويش.. أستغرب وضرب له بوري لأجل يمشى.. أما هذال إلى سمع صوت البوري.. مسك جواله ودق على سلطان.. ورد عليه سلطان ونطق؛ علامك تمشى كذا..
هذال؛ سعود يا سلطان به شيء غريب..
سلطان؛ وشو..
هذال؛ ماتشوفه..
سلطان؛ وين أشوفه..
هذال؛ ياولد قدم قدامي..
لف سلطان الدركسون لليسار يتعدا هذال بشوي.. وانصدم من شاف سعود يمشى وحده ونطق؛ وش به.. ليه كذا..
هذال؛ كنا نهرج إلا فجأة قام يصرخ ويمسك عيونه ومدري كيف.. وقفت السياره ونزلته وشفت عيونه محمره كان الدم كله بها.. سميت عليه إلا دفني واستفرغ جيت بقرب منه قام بسرعه وصارخ على لا أقرب ويمسك راسه ويقول يوجعني ولا تقرب مني أكثر وبمشى..
سلطان إلى قلبه خاف ونطق يبعد الشك عنه؛ سميت عليه واستفرغ بعدها..
هذال؛ أي..
سلطان؛ أجل أرجع وخذ للعيال معك أكل.. كذبت عليهم وجيتك..
هذال؛ متأكد يا سليط..
سلطان؛ أرجع يا هذال وانا وراك..
هذال؛ تمام... قفل سلطان الاتصال وناظر ل سياره هذال إلى مشت بسرعه من جنبهم.. وقف سيارته ونطق ل ضارب الصغير؛ لا تنزل..
هز ضارب راسه له.. ونزل سلطان وسحب من تحت الكرسي خشبه صغيره... وقفل الباب ومشى ل سعود وصرخ؛ سعود..
لف سعود له وقرب أكثر سلطان منه ونطق سعود بسرعه ؛ لا تقرب..
سلطان بصراخ؛ وليه..
سعود؛ تكفى يا سلطان تكفى..
ماسمع له سلطان وتقرب منه أكثر وهو يردد آيات من القرآن بصوت عالي.. مسك سعود راسه بقوه ونطق؛ أسكت أسكت..
نطق سلطان يختم شكه؛ بسم الله الذي لا يضر مع اسمه شيء في الأرض ولا في السماء وهو السميع العليم.. أعوذ بالله من الشيطان الرجيم.. جلس سعود على الأرض وبدأ يستفرغ أكثر من قبل... تقدم سلطان بسرعه وضربه على راسه ب الخشبه إلى معه.. مصدوم أن شكه كان ب محله.. وكيف ما يشك وهزاع كان مثله.. وطاح سعود على الأرض مغمى عليه.. ناظر سلطان ل وجهه وكيف بدأ يعرق..شمر اكمامه وربط ثوبه على خصره.. وشال سعود من على الأرض.. وركض بسرعه بسبب ثقله عليه..وصارخ على ضارب الصغير لأجل يفتح الباب الخلفي له.. ونط ضارب الصغير ل الَوسط وفتح الباب له وجلس هو على التكايه.. دخل سلطان سعود السياره وقفل الباب ومشى يركب السياره وحرك.. بدأ يهوجس من جديد.. مين سحره..وليه يسحر.. مايكفي هزاع إلى انسحر وللحين السحر باقي به.. مناور هو والله مابه غيره.. لكن ليه بيسحر بياذيه ويسكت وش يوصله للسحر.. لا أكيد انه شخص ثاني.. ثم لف راسه ل سعود يناظر ملامح وجهه.. ثم لف يناظر الطريق.. ضاق صدره وضاق خاطره.. ما يقوى يتحمل أكثر من كذا.. منظر ثنيان وهو ينظلم ويتعذب.. وأمه وأبوه إلى مايدري وينهم.. أخته الجدال إلى انقطع عن التواصل معها.. عمه جسار وخالته سعاد مايدري وينهم..سياف إلى تهاوش معه وغلط عليه ب الكلام مايدري وين راح.. هزاع المسحور مرمى ب السجن بتهمه التعاطي.. وصقر مثله.. نهيان إلى ب العمليه للحين ما طلع.. ولو طلع بيكون شبه مستحيل يعيش لأن عمليه الكبد خطيره.. والحين سعود إلى متأكد أنه مسحور.. حط يده خلف راسه ويشد على شعره لأجل يركز.. كل الأشياء والأحداث إلى تصير ماهي طبيعيه.. من بدايه دخول ثنيان السجن وهم يدخلون مصيبه ويطلعون من الثانيه.. صح أن من قبل كان حياتهم أكشن.. لكن الحين زاد الأكشن عن حده..
نطق بهدوء بعد هواجيسه ل ضارب الصغير؛ ما بتسأل عن شيء..
ضارب الصغير؛ هو كذا اصلآ..
أستغرب سلطان ونطق؛ كيف هو كذا..
ضارب الصغير؛ كان ب البيت زي كذا..
سلطان؛ ببيت نهيان..
هز ضارب الصغير راسه ونطق سلطان؛ تذكر كيف كان..
ضارب الصغير وهو يحاول يتذكر ؛ كان ينام جنبي ويقول رأسي يوجعني.. بعدين يروح الحمام..
سلطان؛ طيب أمك ليلى تهاوشت مع أبوك ..
ضارب الصغير؛ شفت أبوي يهاوش أمي على البخور..
سلطان؛ أي بخور..
ضارب الصغير؛ أمي تحط بخور ريحته ماهي حلوه.. وابوي يقول ليش تحطه..
صفق سلطان بيدينه ونطق ب عصبيه من الفكره إلى برأسه ؛ وآلله لو أنتس انتي ما ياخذتس مني إلا الموت يا بنت مناور..
..بعد مده..
استراحة المستشفى..
يأكل هو والشباب بعد ما رجع ل الفندق وربط سعود داخل الغرفه وأخذ غرفه ل حمد وخالد ونمر معه.. قام من فوق الأكل وقام معه ضارب الصغير..استغرب الشباب قومته السريعه ونطق خالد؛ أفا يا سليطين.. ما أكلت حتى..
سلطان؛ شبعكم الله.. مشى سلطان ل حمام الرجال لأجل يغسل يده.. ومشى ضارب الصغير معه يغسل.. كانت عاده عند ضارب الصغير إذا أبوه سعود تركه عند عيال عمه وما أخذه معه يجلس طول اليوم وراهم إلين أبوه يرجع ويأخذه.. دخل الحمام وغسل يده وشال ضارب الصغير إلى كان ينتظره لأجل يغسل لأنه صغير وقصير وما يطول المغاسل.. ونطق؛ بك نوم.. هز ضارب الصغير راسه ب لا ونطق؛ مابي نوم..
سلطان؛ أن بك قول لأجل نرجع للفندق..
ضارب الصغير؛ تمام..
مشى يطلع من الحمام وينتظر خروج نهيان من العمليه.. طول وكثير.. دعى ل فقيده ب الرحمه ودعى ل أخوه ب السلامه.. ناظر ل ضارب الصغير وسرح بفكره ل حياتهم مره ثالثه.. لو ما كانت ليلى طاحت قدام ثنيان وش بيصير ذاك اليوم.. كان بيكمل حياته داخل الديره.. ولا سعود ما كان رح يتزوجها.. وضاربوه ما بيجي للحياه ذي.. نصيبه ب الأخير رح ينسى الهنوف وأشكالها..لكن اخاف تكون ليلى مثلها ويدمر سعود..
..
تكلمنا عن سعود ببدايه البارتات عن زواجه الأولى أو عن حبه الأولى.. وكيف أنه ما يتحمل الزواج ولا طواريه.. بسبب الهنوف إلى تزوجها عن حب وعاش معها سنه كامله وبعدها هربت وهي ماخذه كل فلوسه وحلاله..بحث عنها سنوات طويله ولا قدر يلقيها..فقد الأمل بها من بعد ما كانت هي حياته وحبه وزوجته الأوليه صدمته ب هروبها وسرقتها له.. ومن بعدها كره الحب والزواج بكبره.. وليلى ألحين بتكون هي السبب بسحره.. بتكون مثل الهنوف أو لا..
..
وأخيرًا طلع الدكتور من قسم العمليات وتقدم سلطان له ونطق؛ دكتور أنت المسؤول عن نهيان بن ضارب.. ناظره الدكتور ب استغراب ونطق؛ أيوه لكن من أنت..
سلطان؛ولد عمه..
الدكتور؛ لا الحمد لله المتبرع كان جدآ مناسب له.. سوينا إلى علينا وإذا المريض عنده عزيمه ويحب الحياه بيقوم ب السلامه أن شاء الله...لكن بيتاخر شوي...
سلطان؛ طيب دكتور المتبرع من هو..
الدكتور؛ والله المتبرع طلب منا ما نقول إسمه.. يقول ما يبي منكم شيء يبي الأجر ل وجه الله..
سلطان؛ طيب المعذره يا دكتور لو كثرت عليك اسأله.. الرصاصه كيف جته ب الكبد..
الدكتور؛ الرصاصه الله يسلمك كانت ثاني جرح على الكبد.. الكبد كان فيه عمليه ثانيه.. والرصاصه إلى جته فتحت العمليه القديم له..
انصدم سلطان وأكمل الدكتور؛ على العموم بنحطه تحت المراقبه وان شاء الله يقوم بصحه وسلامه.. لكن بنطلب الشرطه لأجل سلامه المريض..
كان سلطان بيتكلم لكن وقفه صوت هذال إلى نطق؛ معاك العقيد هذال بن فياض أل مطلق والشاهد على الحادثه .. وأشر على حمد ونطق؛ وهذا المحامي حمد بن تميم آل راشد.. أن ما صدقت تقدر تبحث عننا أو نتصل لك على ضابط..
الدكتور؛ انا اسف والله.. لكن لازم أطلب..
مسك هذال رأسه بصبر ونطق يمسك جواله؛ تدري ب ضابط انت..
الدكتور؛ الضابط برق بن عبد ال آل نياب..
أشر خالد علي نمر ونطق؛ ولد عمه..خلاص يا دكتور..
الدكتور ب إصرار ؛ لازم اطلبه بنفسي..
مسك نمر جواله ودق على برق وحط جواله سيبكر لأجل يسمع الدكتور إلى رفع ضغطهم.. رد عليه برق؛ هاه يانمرو هاه.. والله لا أدق على عمي وهو يتصرف معك..
ونطق نمر؛ سمعت يا دكتور..
استغرب برق ونطق؛ أي دكتور وأي خرابيط يرحم والديك..
نمر؛ أبد الدكتور الله يجزاه ألف خير مصمم إلا يجيب الشرطه.. والشباب هنا..
برق بصدمه؛ يا دكتور وش شرطته.. هذا أقاربه كلهم ب السلك العسكري.. ولا تخاف ماهم هم إلى اطلقو عليه.. عندك محامي وهو متكفل ب القضيه..
الدكتور؛ تمام يا حضره الضابط برق.. قفل نمر بوجه برق.. ونطق سلطان ل الدكتور؛ سمعته يا دكتور..
الدكتور؛ معليش والله..
خالد؛ لا ماعليك.. مشى الدكتور بعد ما قال إن عنده شغل لازم يخلصه نطق حمد؛ وش قال علي نهيان..
سلطان؛ قال إنه بخير لكن بيحطه تحت المراقبه.. والسبب أن قد فعل له عمليه ب الكبد من قبل..
انصدم الشباب ونطق مصعب ؛ ذي العمليه الثانيه يعني..
هز سلطان رأسه.. ونطق خالد؛ انا بجلس هنا.. ارجعو انتم..
مصعب؛ لا بالله جالسين هنا..
خالد؛ حرام عليكم الجلسه هنا ..
سلطان ؛ خلني اجلس معك..
خالد ب إصرار؛ لا والله محد يجلس هنا غيري..
بعد هواش الشباب من يجلس عند نهيان.. رجع الكل الا خالد لأنه نذر على نفسه..
..
الفندق..
الغرفه إلى كان بها سعود ونهيان وهذال..صار بها هذال وسلطان وسعود..
والغرفه إلى جنبهم.. بها حمد ومصعب ونمر..
نطق سلطان ل هذال ب توتر؛ هذال..
همهم له هذال إلى كان فوق جواله وأكمل سلطان؛سعود مسحور..
ترك جواله بصدمه ولف بجسمه ل سلطان ونطق؛ تكذب صح..
سلطان؛ لا بالله ما أكذب..
هذال؛ سلطان.. أنت داري ب إلى تقوله..
سلطان؛ ما يبتعد عنك ويمسك راسه ويستفرغ الا بذكر ألله..
مسك هذال راسه بصدمه ونطق؛ هزاع للحين به.. وسعود وراه.. لا إله إلا الله..
سلطان؛ ما نتركه.. شاك بشخص أنا..
هذال؛ مناور..
سلطان؛ لا.. لا دريت عقبها حكيت لك..
هذال؛ تكفى يا سليط لا هو هو قول..
سلطان؛ ماهو هو يا هذال ماهو هو..
..
قربنا نختم روايه ثنيان مظلوم يا سياف..