ثنيان مظلوم يا سياف

البارت السادس والأربعون؛

تنهد أسر وناظر خالد ونطق؛ الواضح لي إنك حنيت..
خالد بغباء؛ على وش..
صفقه أسر على راسه ونطق؛ على ذي..
حك راسه خالد ونطق نهيان؛ وينه..
لف راسه أسر له ونطق؛ داخل..
مشى أسر ومشى الاثنين وراه... انصدم خالد من منظر شهاب.. لف راسه ل نهيان لأجل يشوف رده فعله لكنه صدمه ب الإبتسامه إلى على وجهه.. تقدم نهيان من شهاب وكله حماس ونطق؛ مافيا روسيه..
ضحك منافي وأسر على تعبيره وأكمل نهيان؛ كم له هنا..
تنحنح منافي يحك  رأسه؛ اربع إيام وشوي..
ضحك نهيان بحماس ونطق؛ الله.. لف ل أسر ونطق؛ تكفى أخلص عليه أنا..
هز أسر راسه ب الموافقه له.. وتقدم نهيان يمسك فخذ شهاب إلى مجروح ب الكامل.. صرخ شهاب بوجع من لمسته.. وضحك نهيان بصخب ونطق؛ والله إنه ولا شيء.. والله إنه ولا شيء..
ناظره شهاب وحاله يشفق عليها.. لكمه نهيان بنرفزه  على بطنه ونطق بحده؛ عينك لا تطالعني بها.. لك وجه بعد إلى سويته تطالع يا*********..
جلس أسر على الأرض ورفع راسه ل خالد إلى مصدوم للحين.. ضحك على رده فعله تجاه شهاب.. تقدم منافي من خالد ومسك كتفه ونطق بهمس؛ وش جاك يا خالد..
لف خالد له وبلع ريقه من هول المنظر ونطق برجفه؛ ح.. حرام..
شد منافي على كتفه وهمس بحده؛ الحرام أنه عايش وهو قاتل..ماشفت شيء للحين..
رجع أنظاره ل نهيان إلى يضرب شهاب بوحشيه ويشتمه ب جميع الكلمات القذره.. وش يشفى غليله.. وش يخمد ناره إلى تحرقه.. وش يهدى باله.. وش يطمنه.. ومن ينسيه حزنه وضيق صدره وتفكيره أنه مقصر وكثير بحق أخوه وأبوه..
أبتعد عن شهاب من حس ب ألم بمكان العملية.. ناظره شهاب بهدوء ونطق والكلمات يالله تطلع منه ؛ لو.. فج.. فجرت.. راسك.. كان.. الحين.. ان.. أنت عند.. أبوك و.. أخوك.. شد نهيان على فكه وتقدم منافي بكل عصبيه من كلامه بيضربه لكن نطق نهيان؛ أبعد..
وقف أسر من جلسته وهو يضحك.. سحب منافي معه وجلس على الأرض ومنافي جنبه.. أما خالد واقف مصدوم من نهيان إلى يكابر.. مسك الغتره إلى كانت على رقبته وربطها حول بطنه لأجل العملية إلى توجعه..
شهاب؛ أنا.. أنا قاتل أبوك.. ولا.. ولانيب بندمان.. على قتلي له..
صرخ نهيان بوجهه؛ أنت قاتل شخصين يا ********.. قتلت أبوي وقتلت ثنيان.. تقدم منه يمسكه من رقبته ويخنقه ويصرخ؛ ثنيان.. ثنيان مظلوم.. ليه قتلته.. وش سوا لك لأجل تقتله.. تهاوش مع أخوك شهم.. قتل أبوك عبدالرحمن.. سرق حلالك.. سرق ورث أبوك آل ******..
وش سوا لك.. وش ذنبه.. وش ذنبه تقتله..
تقدم خالد بسرعه يمسك نهيان من كتوفه من بدأ شهاب يفقد وعيه بسبب خنق نهيان له؛ نهيان يكفي..
تراجع نهيان شوي للوراء بسبب خالد إلى يسحبه.. صارخ يحس أحبال صوته تتقطع؛ لا توقف معه...فكني يا خالد... هو قاتل قاتل.. قتل أبوي وأخوي ولا يعترف بشيء ولا ندمان..حرمني من أخوي.. حرمني منه ليه.. ليه يوم بدأ يتعافي من مرضه قتله.. وش غايته وشهي.. فك نهيان نفسه من خالد ومسكه من رقبته يخنقه بكره لأنه وقف بطريقة.. فز أسر ومنافي يمسكون نهيان إلى بيقتل خالد..يحاول يبعد يدينه عن رقبته لكنه فشل.. مصدوم من قوته الكبيره.. حس أن لحظات حياته الأخيره هي الحين.. ناظر عيون نهيان.. عيونه إلى كلها حقد وانتقام وكره.. عكس ثنيان إلى كان متسامح.. صح كان متناقض مابين يرد لهم الصاع صاعين.. لكن طيبته دايم تغلبه.. وأخيرا فك نهيان خالد.. لف راسه ل شهاب إلى نطق بسخريه له تحديداً؛ أبوك قاتل.. وأنت قاتل مثله والدليل أنك بتقتل خويك . وش يضمن أن أخوك ماهو قاتل مثلكم بعد..
نطق بحده ونظراته للحين على شهاب؛ أنا ولد قاتل.. أي ونعم به..  مير طلعت الحقيقه وأنه ماهوب القاتل.. أنت وش شعور ولدك  لا دري أن أبوه قاتل شخص بريء..
انصدم شهاب ونطق؛ من.. منهو ولده.. وش تهذري أنت..
ضحك نهيان ونطق يبعد يدين أسر ومنافي عنه؛ ولدك إلى مسفره ل البلاد الاجنبيه.. تحسب مابدري.. أبشرك أدري ب إسمه وعمره ووش تخصصه الدراسي.. ودك أقول لك هم لأجل تصدق..
ألتفت أسر ل منافي بصدمه.. ثم ألتفت ل خالد إلى ماسك رقبته بوجع.. وش ولده.. وش يقول نهيان.. شهاب متزوج ميلان بنت عبدالله آل فيصل.. لكن ماعندهم أولاد.. وش يخربط ذا..
تنحنح نهيان يحسب معلومات ولد شهاب على يده؛ إسمه ريان.. عمره خمس وعشرين سنه..
يعيش بروسيا له سنتين عايش هناك.. السنه الأوله تعليم لغه والسنه الثانيه تخصصه طب الأسنان..كل أسبوعين يرسل له جده عبدالله مصروف خاص.. ضحك بخفه ونطق؛ يارجال أنا مارسل لي ريال واحد.. والحمد لله ماكنت بحاجه منه.. ولدك ريان أخذته من أمه وخليته مع خويك إلى يعيش ب تبوك.. وكنت تسافر ل تبوك كل أسبوعين مره وترجع حائل.. سجلت شهاده الميلاد حقته مع عيال أخوك شهم.. على أنه من أم  ثانيه غير عن أمهم إلى هي زوجت أخوك شهم .. وسع شهاب عيونه بصدمه.. وش يدريه ذا عن ريان..ومن قاله عنه.. ووش سوا له.. ألتفت نهيان على أسر ومنافي ونطق؛ أعترف من أول ولا ساكت..
هز منافي راسه ب ايه وأخذ جواله يسمع نهيان التسجيل..
.. بعد أسبوع رجع لنا شهيب وحالته حاله.. كان خايف ومتوتر وإلى فهمته منه أن مناور وضارب تهاوشو بسببه وهو خاف منهم..
ناظر نهيان منافي بحده ونطق؛ وأنت مصدق إلى يقوله.. ثم لف راسه ل شهاب وأشار بيده عليه؛ذا إلى يخلق عذر واعذار..  من يصدقه.. مناور مغتصب امي.. وأبوي تهاوش معه لأجلها.. لأجل أنه يحبها.. وصرخ؛ ولو أنه يحبها المفروض أنه يتزوجها على سنه الله ورسوله.. لكنه ماهو برجال.. لو أنه برجال تزوج ولا اغتصابها.. تقدم بسرعه يدف الكرسي برجله.. وطاح شهاب على الأرض بسبب الدفه.. صارخ نهيان عليه؛ أعترف الله *******.. أعترف ياخي وأترك عنك الكذب.. وش سوا لك أبوي.. وش سوا لك تقتله.. انت نفسه.. والله وبعزته وجلاله أنك نفسه نفس مناور ولا يبتعد عنك شيء.. هو قتل أخوك.. وأنت قتلت أبوي.. وكلن على طبعه يجد.. أخفيتم قتلك أنت وياه سنين.. واليوم انكشفتم.. مير لا فات الفوت ماينفع الصوت.. وش أستفدت وش لقيت ووش إلى اجنيته.. فلوس.. جائزه.. كرامه.. أجر.. محبه.. منصب.. وصارخ بكل صوته؛ وشو.. وشو غير الذنب.. والكفر بالله...
سكت شوي ثم نطق بصوت مهزوز ومجروح؛
الله لا يسامحك لا انت ولا مناور.. جعلك تتعذب بدنياك وب الاخره.. والله والله لو يكون بيني وبينكم باب الجنه ما أسامح.. ما أسامحك على قتل أبوي ولا قتل ثنيان.. أخوي إلى سنين أبتعدت عنه ولا لقيته الا آخر عمره..
سكت من حس بغصه كبيره.. لف ل أسر ونطق؛ يتحاكم مع مناور..مشى بعد كلامه الأخير.. آه ياكبر وجعه وآه.. آه ياضيق صدره وآه.. الدنيا كلها مقفله معه..
مسح دموعه بكم ثوبه.. رفع رأسه ل السماء ودعاء برجاء وتعب؛ يارب العالمين يارب يا سامع كل شيء وعالم كل غيب وظاهر تأخذ بحقه منهم يارب.. يارب تعبت يارب.. ماعاد به حيله ولا به قوه.. يالله..
ناظر ل خالد إلى مسك كتفه ونطق؛ هانت يا نهيان هانت..
ضمه نهيان ونطق يشد عليه؛ آسف ياخوك.. ماقصدت..
طبطب خالد علي ظهره ونطق؛ ما عليك شرهه ياخوي..هونها على نفسك بس..حقك منهم بتاخده قريب.. ان الله مع الصابرين يا نهيان..
أبتعد نهيان عنه ؛ ونعم بالله..
...
بعد ساعات...  الرياض..
داخل المجلس الخارجي ل بيت نهيان..
جالس هو وضارب الصغير بعد ما نزل سعود من السياره ودخله هنا.. مسح على وجهه من قله صبره..
ينتظر من ساعه رجوع سياف من بيت عمته الريم.. هو علم سياف عن سحر سعود وأنه يشك بشيء.. ووده يتأكد عنه..وقال له يأخذ أمه وعمته بيت الريم.. ويترك ليلى بعذر أن سعود جاي وبياخذها معه بعدين..
فز بسرعه من دخل سياف ونطق؛ وصلتهم..
مشى سلطان ولبس نعاله ونطق؛ أمشى معي..
مشى سياف معه بهدوء.. دخل الاثنين البيت.. والهدوء إلى به ونطق سلطان؛ بطلع لها أنا وأنت خلك عند الباب..
هز راسه ب لا ونطق؛ بدخل معك..
سلطان؛ أجل طيب... طلع الاثنين الدرج إلى يوصل ل الدور الثاني.. ناظرو باب غرفه سعود إلى مردود شوي منه.. تقدم سلطان شوي لأجل يشوف منه.. ناظر من الباب ولكن ما به أحد.. استغفر بداخله من الشيء إلى بيسويه لكن كله لأجل سعود.. دخل الغرفه ودخل سياف معه..
سمع الاثنين صوت المويا من داخل الحمام.. ناظر سلطان ل سياف.. هز سياف راسه له وتكي على الجدار.. استغفر سلطان أكثر من مره.. لف بجمسه بيطلع من الغرفه ما يتحمل يجلس أكثر من كذا شعوره وضميره مايسمح له يدخل على بنت ما تحل له والأهم رجولته تمنعه من الشيء ذا .. لكن وقفه صوت فتح باب الحمام.. وطلعت لهم ليلى وهي لابسه ملابسها.. صارخت برعب من وجودهم ب الغرفه.. تراجعت بتدخل الحمام مره ثانيه لكن سبقها سياف إلى ركض يمسكها من ذراعها ويرميها على السرير.. شهقت ليلى ونطقت بخوف كبير؛ وش سواتك انت وياه .. مسكت الحاف تدخل داخله وتغطي نفسها منهم..
رفع رأسه سلطان وتنهد بقل حيله ثم نطق يناظر عيونها؛ وش سويتي ل سعود..
سكتت ليلى تناظر عيونه الحاده.. بلعت ريقها بخوف منه وخوف كبير من سياف إلى تهجم عليها بنظرها..
نطق سلطان بحده وصبر؛ أسألك أنا ردي علي.. عمي سعود وش مسويه له أنتي..
ماردت عليه ليلى ونطق سلطان ك محاوله أخيره؛ سعود وش سوا لك لأجل تسحرينه..
طلع سياف كرتون السجائر من مخبأه وأخرج سجاره وحطها بفمه.. أخذ الولاعه وشغل السجاره بهدوء يناظر ليلى وسلطان.. عصب سلطان من عدم الرد منها ونطق بصوت مرتفع شوي؛ أسألك يابنت مناور جاوبي على قد سؤالي.. سعود وش سواته لك.. ليه تسحرينه.. ليه ودك بموته.
فزت ليلى من صوته ونطقت ؛ م.. م. سويت شيء..
صارخ سلطان وجنونه بدأت تجيه؛ وش إلى ما سويتيه.. مين مين بيسحر سعود مين.. أبوك.. أخوك.. مين.. دامه أبوك ساحر هزاع.. أنتي منتي بعيده عنه..انطقي يابنت مناور انطقي ليه ساحره سعود..
هزت رأسها ب لا ونطقت؛ والله ما سحرته أنا..
صارخ سلطان أكثر؛ لا تكذبين لا تكذبين... انتي كافره كافره..
ليلى؛ أطلع برا.. أطلع..
قرب سياف من سلطان والسجاره بيده ونطق بهدوء ؛ خانك.. تركك.. ولا ماحبك اصلآ..
ناظر سلطان ل سياف ثم ناظر ليلى إلى بدأت تبكي.. ارتفع ضغطه من سكوتها ونطق؛ والله ما أفرق بينك وبين الرجال.. لا تحسبين أنك حرمه ما بلمسك.. والله لا اقتلك ولا أحد يدري بك..
ليلى بصراخ وبكاء؛ ساعدوني.. ياسوير.. يا الريم.. احد يساعدني..
تقدم سلطان بجنون منها.. مسك فكها بعصبيه وشد بقوه عليها ونطق؛والله والله ما يفكك مني إلا الموت.. يا تنطقين ليه ساحرته.. يا أرجعك ل أبوك جثه..لف راسه من سمع صوت جوال.. تقدم سياف ل جهه الكومدينا وناظر جوال ليلى.. أخذه يناظر الرساله ونطق جاهل ل الرمز الخاص به؛ كم الرمز..
ناظرها سلطان بحده ونطق؛ كم الرمز يقول لك..
تأوهت بألم من مسكته لها ونطقت؛ ٥٥٣٩٧٩..
فتح سياف الجوال ودخل على المحادثه.. عقد حواجبه من الرساله وفز سلطان يترك ليلى ويأخذ الجوال منه..ناظر ل محتوى الرساله وإلى كانت من..صويلح أخوها..
هزاع وأنسحر
سعود وأنسحر
وسوير جيبي لي شيء يخصها.. ودي أتزوجها يا ليلى.. وبسحرها لأجل توافق..
..
طاح الجوال من يده بصدمه من شكوكه إلى أكدها.. تمنى لو أنها ماهي هي.. وش شعور سعود لو درى عنها..
ناظر ل سياف إلى هجم على ليلى وخنقها من رقبتها بكره وصارخ بعصبيه؛ أيا ***********.. وش انتي بعيده عنه.. بنته بنته وبنفس طباعه.. عمتي سوير وش مسويه لك هاه.. سعود وش مسوي لك.. ضربت ليلى صدر سياف ويدينه من بدأت تختنق.. مسكت يده بيدها اليمين ويدها اليسار على رقبته تحاول تبعده عنها.. لكن وين هي ووين سياف.. كان قوي البنيه عليها.. ألتفت الاثنين بصدمه من الصوت إلى سمعوه.. كان صوت سعود صوته وهو يطلب منهم أنهم يتركونها..
ترك سياف ليلى بصدمه من وجوده وتلبيه ل طلبه.. ناظر ل ضارب الصغير إلى ورا سعود يناظر له بنظرات هو عجز يفسرها.. نظرات طفل أمه أمام عيونه تحتضر..
تقدم سعود منهم وهو شاحب الوجه.. هزيل الجسم.. وضعيف البينه.. شعره إلى كبر.. عظام وجهه من نحفه برزت.. نطق بصوت مبحوح؛ خلوها لي.. مسك سلطان راسه من الشيء إلى كان ماوده يصير.. الشيء إلى تمنى أنه هو يحله قبل سعود يدري به.. يدري أن سعود بيقتل ليلى لا محاله اليوم.. يدري ب شعوره تجاهها.. ومن الخذلان إلى بيجي له..
تقدم يمسكه ونطق بغصه؛ سعود..
ابعد سعود يد سلطان إلى متمسكه ب ذراعه ونطق؛ سلطان.. سلطان..
سلطان؛ تكفى يا سعود.. حن نتصرف حن..
هز راسه ب لا ونطق؛ سلطان أبعد ياولد أخوي.. أبعد..
ضمه سلطان يشد عليه ونطق بصوت عالي؛ تكفى يا سعود تكفى طالبك تروح وتخليها علينا..
بكى سعود بقهر ما يتحمل أبد فكره انها هي إلى سحرته من بين جميع الناس.. قهر على نفسه وقهر على هزاع..وقهر على ثنيان إلى ما نسيه.. وقهر على سياف.. وقهر على صقر..  وقهر على نهيان.. وقهر على الصغير إلى وراه مايدري وش سوات أمه.. وقهر على حالهم كلهم.. بكى بحرقه وقلب مكسور ومخذول.. ضرب ظهر سلطان بوجع من الثقل إلى يحس به.. ثقل كبير على قلبه.. وشعور عظيم بصدره.. آه منك آه.. الكلمه الوحيده إلى نطقها سعود ل ليلى.. أنرخى جسم سعود على يدين سلطان وصارخ سلطان بكل صوته؛ سعود..
فز سياف يمسك جسم عمه إلى طاح على الأرض مغمى عليه بسبب السحر إلى يزيد سوء كل يوم.. صارخ سلطان على ضارب الصغير إلى يناظر لهم بدون أي رده فعل؛ جب مويا..
ركض ضارب الصغير ينزل ل المطبخ يجيب لهم مويا.. ناظر كراتين المويا وأخذ علبه المويا وركض ل الدور الثاني.. مدها ل سلطان إلى أخذه منه بسرعه وفتحها يكبها كلها بوجه سعود..
ضرب سياف وجه سعود بخوف.. بعد مده قصيره فتح سعود عيونه وناظر الشباب إلى فوق رأسه.. غمض عيونه يحس بحرقه بها.. وكان مويا حاره أنكبت عليه.. تنهد سلطان براحه انه فتح عيونه.. رفع رأسه ل ليلى إلى تبكي وتشاهق فوق السرير ونطق؛ خلي عنك بكى الحمير والبسي عباتك..
ماردت عليه ليلى وصارخ سياف؛ قومي قامت عليك جنازه..
فزت ليلى تلبس عبايتها ومسك سلطان وسياف سعود من يدينه الثنتين ورفعوه من على الأرض.. مسك سياف سعود من يده اليمين وحطها على رقبته وحط يدينه واحده على خصره والثانيه فوق يده نطق؛ خلك وراها.. ما منها أمان ذي..
لف سلطان راسه لها وناظر شكلها وهي لابسه العبايه.. مشى سياف وسعود معه.. ناظر ل ضارب الصغير ونطق؛ أمشى قدامي..
مشى ضارب الصغير قدام سياف وأبوه .. وليلى وراهم وسلطان وراها يتأكد أنها مارح تهرب..
..
حائل..
جالسين بجانب سياراتهم يسولف كل واحد على الثاني.. نطق نهيان ب استغراب ل أسر؛ مو كنت رايح الديره..
ناظر أسر ل نهيان ونطق؛ مير نمر قال عيال عمه كلهم ب الديره..
خالد؛ وش سواتهم...
أسر؛ الوكاد مناور مخبي شيء كبير..
منافي بضحكه؛ والوكاد على قولك نكشفه..
ضحك أسر معه ونطق؛ حمد وراه..
..
الديره..من ثلاث ساعات وهم جالسين يراقبون آل خليفه إلى دخلو بيت مناور ولا طلعو منه..
مصعب؛ جوعان..
نمر؛ وأنا والله..
حمد؛ الله يغربلك يا مناور.. غربلت غيرك..
مصعب؛ الله ينكبك يا ذا الوجه..
برق؛ ماهيب حاله ذي والله..... ناظره  نمر بنص عين ونطق؛ هذا أنت عسكري وتتذمر ياشينك ياشيخ.. 
برق؛ العسكري ذا إلى تدلع عليه يساعدك..
ضحك مصعب ونطق؛ والله لو كنت مادريت أن به مخدرات ماجيت ..
هز برق راسه بضحك.. بعد مده قصيره..
ناظر الأربعه ..فادي ولد عم شهاب الصغير يطلع من البيت وحده ومعه شنطه سفر صغيره.. أشر برق ل عساكر متنكرين على أنهم مدنيين.. تقدم العسكري الأول من فادي لف رأسه فادي له ب استغراب تكلم العسكري ب جواله وهو يتعديه ؛ الحين جاي يا بابا..
نز أنظاره ل الشنطه ب توتر ومشى ل السياره.. ركبها وحرك.. تقدم ثلاث عساكر يمشون مع بعض ويسولفون طبيعي.. إلين ما تعدو بيت مناور و ركضو ل سياراتهم إلى موقفينها بعيد شوي عن منظور بيت مناور..
سمع برق العسكري الأول يعلمه أنهم يلاحقوه ورد عليه؛ امسكه.. حول..
بعد مده.. نطق العسكري من اللاسلكي؛ سيدي مسكنا المشتبه به.. والشنطه كلها ممنوعات.. حول..
صفق برق يدينه بحماس ونطق؛ بدخل انا..
هز نمر رجلينه بتوتر من الوضع.. وطلع برق من السياره إلى كان يراقب بها ال خليفه ومناور.. رفع سلاحه ونطق ب صراخ ل جميع العساكر إلى أخذهم معه؛ جميع العساكر يدخلون الآن.. حول َ..
ركض العساكر كلهم يدخلون البيت وهم لابسين بدله الحمايه.. وبرق وراهم يمشى بهدوء..
..
بعد ما خالد فتح الشنطه إلى مناور كان مخبيها ب البيت المهجور.. وكان داخلها نوع من المخدرات الجديد على قول منافي.. تناقش الشباب ب الموضوع وبما أن أسر ماهو موجود ب الديره ومنافي معه.. وهذال متقروش مع سعود وسلطان.. قرر نمر أنه يدخل برق ب السالفه..
وتدخل معهم برق ورفع سعود قضيه تجاه مناور والمحامي حمد وبرق بيأكد أنه مروج مخدرات بعد ما شاف مقاطع الفديو إلى معهمم والشنطه وبصمات مناور عليها... واليوم هو اليوم المنشود اليوم إلى انتظر الجميع جيته.. طيحه مناور بيدهم.. طيحته وأخذ الحق من وسط عيونه..
..
كان جالس هو وعيال عم شهاب آل خليفه.. يوزعون المخدرات والحبوب الممنوعة بعد ما دقو على شهاب ومارد عليهم.. دخل عليهم مجموعه من العساكر وبرق خلفهم... نطق العسكري بحده؛ أرفع يدك أنت وياه..
انصدم ابو صويلح منهم ورفع يده بصدمه وصمت.. رفع كل الحاضرين يدينهم بصمت وخوف من العساكر.. تقدم خمس من العساكر وكلبشو يدين ابو صويلح.. وهادي أخو فادي وعيال عمه مختار ومهدي ومهند..
ضحك برق ونطق وهو يناظر الحبوب والمخدرات ب كل أنواعها؛ والله وطحت ومحد سمي عليك يا مناور.. جلس برق على الكرسي ونطق؛ التعاطي له خمس سنوات.. والمروج وش قولك عنه.. طيب خل المخدرات شوي.. القتل وش عقوبته.. الاغتصاب.. والاعتداء.. والسرقه..
هز راسه بضحك ونطق؛ استغفر الله العظيم.. والله مو من عاداتي أضحك واسولف مع المجرمين.. بس أنت ياخي حياتك كلها أكشن ب أكشن..  ما رد عليه ابو صويلح مصدوم..
يعني وش.. خلاص.. أنكشف.. راحت كل ألسنين هبا منثور.. راح كل تعبه.. انتهى كل شيء هو جاهد عشانه.. فلوسه كلها بتروح.. همه الوحيد الان هو تعبه وفلوسه..
وقف برق من على الكرسي وطلع وطلع العساكر معه وآل خليفه وابو صويلح وراه..

ضحك برق ل نمر إلى كان ينتظر وينتظر معه مصعب وحمد إلى ماسك الجوال ويصور من أول ما دخل برق البيت والعساكر.. يصور إنتصار لهم.. يصور توثيق ل الشخص الوحيد ألى كافح.. الشخص الوحيد إلى عصف الدنيا ومافيها لأجل أخوه.. لأجل يأخذ بحق أخوه وأبوه.. أبوه إلى سنوات العرب كلها تشهد ضده.. كلها مقتنعه أنه هو القاتل والمغتصب والظالم.. نهيان..
تقدم نمر وحضن برق بقوه ونطق بفرحه وهو ماهو مصدق أن مناور خلاص أنكشف؛ الحمدلله الحمدلله الحمدلله..
ضحك برق على رده فعله وشد عليه ينطق؛ جاكم الفرج..
أبتعد نمر عن برق ومسح عيونه بفرحه؛ الحمدلله على كل حال الحمدلله..
لف ل مصعب وركض مصعب يحضنه.. يحضنون بعض بفرحه.. ركض حمد يحضنهم ما يتحمل أبتعد نمر من نطق برق؛ الدور الأكبر ألحين لك يا المحامي حمد..
هز حمد راسه ب ايه وناظر ل مناور إلى يناظر لهم ونطق؛ لو ما كان عقابك القصاص ما أكون حمد بن تميم..
صارخ نمر ومصعب ب وجه حمد؛ ونعمممم وسبع انعامم..
غطى حمد أذنه بوجع منهم ونطق؛ وصمخ يصمخك..
لف برق ل العساكر ونطق؛ خذوهم المجرمين للمقر..
دق العساكر تحيه ل برق وركبوهم السيارات وتحركو ل الرياض..
..
حائل..الفندق..
نزل هذال ومعه شنط سعود وسلطان.. وحطهم ب سيارته.. ناظر الشباب إلى طلع كل واحد منهم ومعه شنطته بيده.. وثيابه فوق رأسه..
ضحك على شكل نهيان إلى كان يمشى ولا ماخذ معه شيء.. ونطق؛ مرتاح هاه..
ضحك نهيان ونطق؛ خليتها ل خالد..
تقدم خالد إلى كان شايل بيده اليمين ورافعها على راسه وماسك سبع ثياب.. وبيده اليسار شنطتين يسحب بها..
انفجر الشباب ضحك على خالد إلى تزحلق من درج الفندق بسبب نعاله وطاحت كل الثياب عليه وشنطه على الأرض وشنطه على رجله.. رفع يده ل السماء ونطق؛ يارب والله إني متحمل فوق طاقتي...
تقدم أسر يساعده ويطقطق عليه.. وقف وأخذ الثياب ورماها داخل السيارة بعصبيه وأخذ الشنطتين ورماها برضو.. ولف ل نهيان ونطق؛ وأنت ارميك ولا تركب..
ضحك نهيان على عصبيته ونطق؛ اركب اركب.. الله ياخذ عدوك..
ركب نهيان وركب أسر سيارته ومنافي معه وشهاب إلى مربط ب شنطه السياره.. وهذال ب سيارته .. وحركو متجهين ل الرياض..
..
اليوم الثاني.. الساعة ١٠:٢٣ صباحاً
..
نجمه فضلاً وليس أمر