ثنيان مظلوم يا سياف

البارت الثاني؛

سوير وهي تفصفص معهم؛ على كلام الحريم انخطبت مدري عاد وش الكلام
الريم بنعاس؛ احس يبنات تسذب ما اصدقها من يوم السالفه إلى سوتها مع بنات جمعان
الجدال بحماس؛ يوههه كفو كفو بنت جمعان بردت خاطري فيها والله بنت اصل وربي
سوير وهي مصدومه من الجدال؛ اقول وراكم ما تطيروي تنامو ها..؟
نروح عند الشباب تحديدا غرفه سعود؛
سلطان وهو يتحلطم؛ ليه ليه الا انا دايم وانت ياثنيان أكثر واحد تحارش.
ثنيان وهو متلحف في لحافه( البطانيه) قال؛ انطم لا ازيدك جلد يكفي ابوي هبدك..
سياف منفجر ضحك على اخوه سلطان؛ ياولد وجهك ما اشوفه متأكد بس وجهك إلى انضربت فيه هههههه
جاء سلطان بيرد عليه لكن سبقه سعود بي الكلام؛ والله والله اذا ماتترقد انت وهو لا اذبحكم نامو ناسين وراكم شوفه على الحلال ها...؟
سلطان رمى المخده على سعود؛ كيس النوم شعنده يهرج..؟
سعود واصله معه الين خشمه.؛ سلطعون ان جيتك هبدتك اسكت وتلحف...
سلطان يتحلطم مره ثانيه؛ اصلاً محد يفهمني غير نفسي مالت عليكم من ناس
نامو الشباب بعد حلطمه سلطان وهواش سعود فية (طبعا.ً أصغر عيال الجد هم سعود والريم وسوير عمر سعود ٣٣ الريم عمرها ٢٩وسوير ٢٨ميانتهم جدا كبيره مع عيال إخوانهم كونهم بنفس العمر)

.. الصباح...
الجده بصراخ؛ ياسوير اخلصي ماصار شاهي ذا وينككك سوير وهي تركض بي دله الشاهي والفناجين وتقول؛ هاني يمهه جيتك شفيتس
الجده بعصبيه؛ ساعه نحتريك على الفطور وينك ها مغير تسولفين مع السلق ذيلا
الجدال وهي جايه بصحن الشكشوكه؛ افا شفيها امون زعلانه هاه..؟
الريم؛ هيهيهيي ياجده امونه شفيتس علينا مب حنا حفيداتك..؟

عند الجد سياف دخل على العيال بعكازه وضرب الباب بقوه؛ قم انت وهيا لابارك الله في عدوك قم قامت عليكم جنازه
صحى سعود بسرعه لأن نومه جدا خفيف؛ سم يبه الحين جاين
الجد؛ قم يا سعود خمس دقايق وانت مب عندي محطتك بذي العكاز انت وياه
سعود بخرشه من ابوه؛ سم سم الحين عندك.... خرج الجد سياف وهو يتحلطم منهم
سعود وهو يحاول يقوم ثنيان وإخوانه؛ ولد قم ابوي لا يخلينا بين الشمس ننشوي
صحى سياف وسلطان بعد محاولات من سعود قال سياف؛ الحمار ذا مين يقومه ها...
سلطان وهو يركض للحمام ويصارخ؛ مالي دخل فيكم أهم شي ما انمحط من جدي
سعود وسع عيونه؛ ولدددددد وخررررر والله لا اجلدككك
سياف وهو يحاول في اخوه ثنيان يصحى بس مارضي رفع يده وهو يدعي؛ يارب طلبتك يارب ترزقني صبر على ذا الحمار ماعد ادري مين الكبير يارب.....
صحى ثنيان بعد ما هبده سياف هبد الكل مجتمع على سفره الفطور الجد وعياله وإحفاده؛ قال؛ يا هزاع ابوك ماخلص من شغله ..؟
هزاع وهو ياكل؛ لا ياجد باقي له اسبوعين
الجد بتفهم على شغل ابنه وقال: الله يعينه ويقويه(طبعا ابو صقر جسار يشتغل دكتور جراحه ويشتغل في المدينه بعيد عن ابوه وأهله بحكم انه يجي لهم كل اجازه)
قام ثنيان  وقال؛ اشبعكم الله بروح عند المحل توصون شي...؟
الكل ناضر فيه نطق ابوه.؛ روح ياثنيان روح الله معك
ثنيان وهو طالع لي أمه؛ فمان الله
راح ثنيان لجهه الحريم وقال بصوته الجمهوري.؛ يمه تبين شي اجيبه لتس
ردت عليه أمه وهي تشرب من الشاي؛ لا ياولدي الله معك وانتبه لك
نقزت سوير عند الباب وهي تقول؛ افا ثنيان ياحمار ليه ماتسال عمتك سوير ياولد..؟
ثنيان بسخريه؛ ماسمعت وش عيدي..؟ عمتي مين معرفها انا اصلا.....
سوير بشهق وهي تطالع امها؛ سمعتي حفيدك وش يقول لي سمعتي يا امون
الجده أمنه؛ وذا الصدق انتي من..؟ سوير وهي تمثل الزعل؛ روح ياثنيان روح الله يسلط عليك انت وسلطان...
شهقت ام ثنيان وقالت؛ بنت ياسوير علامك تدعين شسو لك ها يرضيك ياعمه تدعي على حفيدك
الجدال وهي تشرب شاهي؛ يمه شقالت ماقالت الا الصدق....
ثنيان بضحك؛ سوير ياسوير سلطان وش حشره معي... قولي شتبين اجيب لتس.....
الريم تكلمت بحماس؛ ثنيان جيب معك ذاك الاندومي إلى جبته آخر مره.
قرصتها امها سعاد على فخذها؛ عيب استحي شوي
سمعها ثنيان وقال بسخريه؛ ياعمه وش تستحي ذي مافي لها ذره حياء
العمه سعاد؛ ماعليك ياولدي روح تأخرت على محل جدك روح
ثنيان؛ فمان الله اجل
راح ثنيان محل جده إلى هو عبار عن سيوف وبشوت وجلس عند الباب يشرب شاهي كرك ويسمع طلال مداح( ماتقول لنا صاحب) ويطالع الناس الي تدخل المحلات وتطلع منها  قرب منه خالد خويه وهو يغني مع طلال مداح (......
ماتقول ماتقول ماتقول لنا صاحب فينه زمان غايب......
نسأل عليه واجب وكان العشم أكبر الا كان العشم أكبر......
ضحك ثنيان على خالد وقال؛ أشوف مروق الأخ هههه دايمه ياحب
خالد وهو يسحب الكرسي الثاني ويجلس جنب ثنيان بجهه اليسار ونطق؛ ابد شفت لك علاوي ينجلد من مرزوق ياه ياه قلبي فراشات والله
... ثنيان  مصدوم من كلام خالد وقال؛ ولد تتكلم منجدك علاوي ينجلد ومن مينن التريله مرزوق لا لا
خالد ناظر ثنيان. وصب له شاهي معه؛ اهيب عليك كان واحد كب مويا بارده عليك ايه اقول لك مرزوق جلد علاوي فية شي ياولد
ثنيان شرب شاهيه وقال؛ ابد بس صدمتني من متى علاوي ينجلد خالد بضحك على الموقف إلى شافه؛ ياخي ياريت صورته والله عجبني ذا المرزوق
دخل زبون لي المحل وقال لي ثنيان؛ ياولدي ابي ذا السيف قام ثنيان وناضر على إلى أشر عليه الزبون؛ ابشر
ناظر الزبون في ثنيان وشبهه في واحد لكن فضل يسكتت شوي  جاب ثنيان السيف لي الرجال وقال له؛ ذا ياعم سعره ثلاث الف جديد توه نزل
قال الرجال؛ هاته هاته بشتريه منك
ثنيان وهو يحطه في الكرتون المخصص لي السيوف قال؛ شسمك ياعم عشان اكتب لك فاتوره
الرجال ابتسم وقال؛ معك ابو مازن ياولدي
خالد تكلم وهو يقوم رايح لي محله؛ ولد ثنيان بمشي اترزق الله معك
طالع فيه ثنيان وهو يكتب الفاتورة لي ابو مازن؛ اليوم بعد المغرب في الديوان لا تنسى
خالد وهو رايح ورفع صوته عشان يسمعه ثنيان؛ تماممممم
ابو مازن؛ ولده مين انت...؟. ثنيان وهو مخلص من الورقه يعطه ابو مازن؛ ياعمي انا ولد محمد بن سياف
طالع فيه أبو مازن بصدمه؛ تتكلم جد ياولد انت ولد محمد بن سياف ال مطلق..؟
ثنيان وهو أول مره يشوف ذا الرجال وبي استغراب منه؛ اي ياعم ولده أمر وش بغيت..؟
ابو مازن؛ والله جدك وابوك اخوياي ياولدي
ابتسم ثنيان ونطق؛ ياعم قهوتك اليوم عندنا حياك الله قلل ابو مازن؛ لاتعزم ولا شي والل
قاطعه ثنيان وقال؛ لاتحلف يارجال والله اليوم غداك وعشاك عندنا وابشر بي الى تبيه
ابتسم ابو مازن وقال؛ الله يسعدك ماتقصر ابشر اجيكم اجيكم
راح ابو مازن وقفل ثنيان المحل وركض لبيت جده بحكم ان الديره بيوتها ومحلاتها جنب بعض
وصل البيت وهو يتنفس بصعوبه من الركض وراح لي المجلس عند ابوه وجده؛ يبه يبه
ابو ثنيان؛ وصمخ علامك تصارخ
ثنيان بصراخ عناء لي ابره؛ يبهه في رجال جاء واشتري مني سيففف وقال انههه ابو مازن وهوووو خويككك وعزمتههه علييي الغداء والعشاء يبههههههه
ابو ثنيان فنجال القهوه بيده رماه على ثنيان وبهواش؛ ولد انت ماتعقل ها وراك تصارخ نسمعك ترا
ضرب الفنجال بصدر ثنيان لكن مااهتم ثنيان له وقال؛ يبه الرجال جاي وانت تهاوش
قال الجد سياف؛ ونعم فيك ياثنيان رجال من يومك وطالع ولده محمد ولد يامحمد تهاوش ولدك وضيفك جاي قم اختار الذبايح قم
طالع محمد في ابوه وقال : يبه العيال موجودين ليه اروح وناضر ثنيان بحده ونطق؛ روح عند عمك واختار الذبايح تفهمم
انخرش ثنيان من ابوه وقال؛ ابشر ركض ثنيان ياخذ مفتاح سيارته الشاص وراح لي الحلال
عند الحلال سعود وهو يحلب الناقه؛ يارب يارب وش ذا العذاب يارب
سلطان جاي وسمعه وقال بينه وبين نفسه؛ ذا عم ذا الي يشوفه يقول انا عمه
وصل ثنيان وقال؛ ياولدددددددددد رحبو فيني
سعود شهق بخوف من السياره إلى كانت رح تدعمه وطاح سطل الحليب وبصراخ وقهر من دخول ثنيان المفاجئ؛ الله ياخذك قل امين شف وش سويت ساعه اتطاحن مع الناقه ذي وتيجي انت وتكبه جعلك بي إلى يتعبك ياورع قول آمين
سلطان بضحك من الي صار وقال؛ افا يسكتك سعود بدعوه يا ثنيان اخس بس
ثنيان بزعل؛ جاي لك من هواش ابوي وتيجي انت ياخي وش سويت لكم اعترفوا اني ولدكم؟؟
سعود بقله صبر من ثنيان وغبائه؛ ولد انت كم عمرك ٢٧ متأكد ها متأكد بالله... الله يسعدك يا سياف وين ما كنت روح جعلك الجنه شف تعلم من اخوك ليه انت غريبببببب
سلطان بسخريه؛ شف شف طلع عرق العم إلى فيه بالله اسكت لا تدعي احسن لك
ثنيان تكلم وهو كان ناسي ليه جاي اصلاً؛ صححح تذكرتتتت جيت اقول لك ابوي يقول جهز ذبيحه جاي لنا ضيوف..............

مره اسفه حبايبي على الحوسه إلى صارت لكن اوعدكم اني اعوضكم عنها)
ادعموني وحفزوني بنجمه وتعليق.. ❣️❣️