ثنيان مظلوم يا سياف

البارت الخامس عشر؛

العاصمه الرياض... الساعه ١٢:٢٠ الضهر.....
درعم سعود على غرفه العيال بقوه؛ قممم انت وياه..... حاول فيهم مرتين وثلاث لكن لا حياه لمن ينادي عندهم...... مسك رأسه بصبر وصرخ؛ صلاه يا عباد الله......
فز سلطان من الصراخ ورمي عليه المخده؛ شتبي ياخي.....؟
سعود؛ قم صل...... ولا خلاص جيت هنا يعني ترتاح من دينك.....
سلطان؛ لاحول ولا قوة الا بالله قايم قايم.....
مشي سعود تارك سلطان يصحى ثنيان..............صلي ثنيان وسلطان صلاه الضهر وتوجهو طالعين من المسجد للعماره إلى ساكنين فيها............
فتح سلطان الباب ودخل ووراه ثنيان ونطق بستغراب؛ علامك....؟
سعود؛ استنيكم بنطلع......
هزو رأسهم بتفهم ومشو ورا سعود...... فتح باب السياره وناظر لهم؛ بنمشي كلنا مع بعض....
ركب سعود وجنبه ثنيان وورا سعود سلطان............... لهم فوق الساعه ونص يتمشون مو عارفين وين يروحون تكلم ثنيان بسخريه؛ جاين سياحه....
ضحك سعود؛ فوق خمسين مطعم احترت....
ثنيان؛ وقف وقف....
وسع سعود عيونه؛ وش بتسوي......
ثنيان؛ وقف ياخي...... وقف سعود على  جنب ونزل من مكان السائق ونزل ثنيان معه..... بدل كل واحد فيهم مكانه وحرك ثنيان متوجه للمكان إلى شافه........ وقف عند مطعم *****
وقف السياره عند المواقف ونزلو كلهم منها.......تكتف سلطان ونطق؛ ماهو عاجبني شكله...
سعود؛ يقول لك لا تحكم على الكتاب من غلافه......
سلطان؛ بس ذا ماهو كتاب ياعم..... ذا مطعم فيه حياه وموت الشهداء.......
ثنيان؛ شدخل الشهداء انت وراسك امشي بس.....
سلطان؛ نصير شهيدين على الاكل قبل الموت.....
مشي سعود ورفع صوته؛ امشي يا قانون...... مشي سلطان وكعادته لازم يتحلطم ولا مايصير سلطان.................. طلب ثنيان لهم اكل وسعود اختار جلسه..... جلس ثنيان بألم من بطنه ونطق؛ سياف له يومين مختفي......
تنهد سعود؛ حتى بسالفه مناور ماهو فيه.......
سلطان؛  وهزاع مختفي من قبله ياحبيبي......
ثنيان؛ الله يستر وش مسوين.........
جاء النادل ومعه الأكل واكلو وحركو ل المستشفى يطمنو على ثنيان..........
...........................................................
.....................................
الديره........
يمشي بتعب مواصل له ثلاث ايام عيونه ماذقت النوم استغرب سياره سعود وثنيان ماهي موجوده ناظر لساعته وكانت تشير لساعه ٢:٤٧ الضهر..... استغرب أكثر وين بيكونو تجاهل الأمر وفتح باب البيت يسمع صراخ الجدال وعمته الريم........
الجدال؛ أكثر من مره اقول لا تحطون رز مع لحم.....
الريم؛ جدالوه تقلعي ابرك لك..... فاضين حنا...؟
الجدال؛ الله يعين أحمد عليك.....
الريم؛ وشدخل أحمد ذحينه....؟
سياف؛ هيه اهجدو صوتكم لآخر الديره......
الريم بعصبيه؛  اذلف انت واختك عني قبل لا اطس ذا بوجهكم...
ناظرته الجدال وشقهت؛ سيافوه وجهك......
تقدمت له وحضنته من الجنب تمشي معه..... سند راسه على أخته وغفى..... ضحكت الجدال وهي تشوفه نايم مشت فيه الين غرفته وساعدته ينام فيها ومشت طالعه من الغرفه تخلص اشغالها...............
...............................................................
سلطان؛ قايل مامنه فايده....
سعود بقهر؛ على إلاقل جبتكم هنا وانت ش مهنتك.....؟
سلطان؛ خاطرت بحياتي عشان اقش قشك....؟
ثنيان؛ خلاص تكفون رأسي صدع....
جلس سلطان بجانب ثنيان ونطق؛ والحينه وش السوات..؟
أشر على سعود ونطق؛ مو قايل ناقص أغراض...؟
سعود؛ ايه أغراض الشقه....
ثنيان؛ أجل امشي تقضي......
سعود؛ امشي معي وشوله وحدي....؟
سلطان؛ وانت ياغبي شايف معنا سياره....؟
سعود بسخريه؛ لا ابشرك انعميت من نورك الساطع.....
ابتسم سلطان بحياء ونطق؛ كنت ادري ادري....
ضربه ثنيان على كتفه؛ ولد ارفع علومك....
سلطان بخوف؛ سم..
هز سعود راسه؛ سماجته تذبحه.......... ركب الشباب بعد ما تطمنو على حال ثنيان متوجهين عند محل الأثاث ياخذون ل الشقه إلى ساكنين فيها.......
...........................................
بنفس الوقت وفي الرياض وتحديداً بيت نايف.....
سليمان بتحلطم؛ هو غصب يعني غصب مو شرط ياخي البسه انا شخص يحب يلبس بنطلون وتيشيرت لبس الرسميه ذا ماحبه ابعده عنه ياخي بقوه اتحمل البسه ف العزايم نايف تكفى افهمني ياخوي......
نايف إلى كان ماسك بيديه ثوب وغتره ونطق ب إصرار؛ لا وشو انت ورع البسه يلا....
سليمان؛ ماحبو انكتم منو...
نايف؛ ورع عدل كلامك...
سليمان ب عناد؛ ماحبو مو شرطو....
فسخ نايف نعاله ونطق ب تهديد؛  ركز نظرك عليه ..... ياتلبس لا يطير بذي الجبهه....
هز راسه بتفهم واخده بهدوء....... سكر باب الغرفه ونطق؛ هو يعني ضروري...؟ احس مو ضرورى..... مو شرط نروح ونلبسه... اخ بس لو ماهددني......
مرت دقائق وطلع سليمان من غرفته وناظر ب نايف ببراءة...... ضحك نايف عليه وكيف انه يحاول يخليه يرفق ولو شوي...... نطق وهو نازل من الدرج؛ امشي ياخوي امشي......
مشي الاثنين طالعين من بيتهم متوجهين ل شركه نايف......
.................................................................
عند سعود والباقين.......
ماسك سلطان بقوه؛ ياخي ماتعرف تهجد انت وش فيك اليوم هاه...؟
سلطان؛ ثنيانوه فكني فكني عنه.....
سعود؛ ههاي تعال ياروح عمك تعال....
سلطان يحاول ويحاول انه ينفلت على سعود إلى استفزه وكثير لكن ثنيان مثبته.....
جاء لهم أحد الموظفين وكانت بنت وقمطو العافيه هنا...
الموظفه؛ معليش تبون شي....؟
هجد سلطان وصد عنها ونطق؛ لا اختي شكرا....
استغربت ليه كلهم صدو عنها ووش فيها ناظرت ف لبسها ومافيه شي واستغربت أكثر ونطقت؛ اشوفكم تتهاوشون..؟
سعود؛ ماعليك أهل.....
الموظفه؛ اها تمام...... مشت وانظارها عليهم انصدمت يوم شافت سلطان ضرب سعود  ونطقت؛ غريبين والله......
عند سلطان استغل انشغالهم وضرب سعود على راسه وانحاش.... سعود مسك رأسه بألم؛ اوريك وربي ما اصير عمك إذا خليتك.....
تنهد ثنيان بقله حيله منهم أحيانآ مايعرف العاقل فيهم.......... ونطق؛ امشي ياخي اتركه عنك
سكت سعود ومشى مع ثنيان.......
..............................................................
عند سياف....
صحى من نومته وناظر ساعته وكانت تشير ل ٤:٠٠ فز يدخل الحمام يتروش على السريع وطلع منه ركض طالع من غرفته ل غرفه سعود وفتح الدولاب وانصدم مافي ملابس غير ملابسه... فتح الجهه الثانيه وبرضو مافي شي فتح الدولاب كله ومافي شي انصدم وين ملابسهم...... أخذ له ثوب ولبسه بسرعه وحط شماغه على كتفه وركض طالع من الغرفه ل برا البيت........
ناظرته سوير وصرخت؛ سيفوو...
التفت لها سياف ونطق بسرعه؛ بعدين بعدين مو فاضي...... فتح باب البيت ونفس الشي سياره العيال مو موجوده الا سياره سلطان......خاف وكثير خاف انهم راحو خاف أن ثنيان عرف وعارض يجلس خاف يفقده........ ناظر ابوه إلى يصرخ ويقول؛ لابارك الله فيكم جعلكم تنتهون وينكم عن الحلال هاه وينكم..... الجده أمنه؛ البخ يامحمد....
وسع محمد عيونه ونطق؛ يمه وشوله...؟
الجده أمنه؛ تدعي على احفادي...؟
محمد؛ محد منهم موجود يمه....
الجده أمنه؛ وانهم مو موجودين قم انت وافتح..... ولا نسيت وش سويت فيهم  غربلتهم يامحمد....
سكت محمد ومشى طالع وناظر سياف وصرخ عليه؛ وانت عاجبك إلى يصير...؟ تحرككك.....
قمط سياف العافيه ومشي وهو ساكت......
فتح ابوه المحل وجلس سياف عنده يرتب البضاعه الجديده................ جاهم ابو صويلح ونطق؛ غريبه فاتح الحينه....؟
ابو ثنيان ؛ ماهو غريب ولا شي يامناور....
ابو صويلح؛ ايه على خير..... مشي ابو صويلح ونطق سياف بكره؛ لو يترك هرجه.....
ابو ثنيان؛ استغفرالله العظيم كمل شغلك ياولد.... إلا اخوك وين...؟
سياف تذكر ملابسهم وسياراتهم ماهي موجود ونطق؛ وش عرفني عنه.....
ابو ثنيان؛ دق عليه شوفه...
سياف؛ ابشر..... أخذ جواله من مخباه يدق علي سلطان...... مارد عليه وناظر ابوه؛ يبه مايرد...
ابو ثنيان بستغراب؛ ابك وينه ذا....
سياف رفع كتوفه ب معنى (معرف)...... وكملل شغله...........
.................................................
الرياض؛
جالسين كلهم ف الحديقه يناظرون الناس ويسولفون..... فجأه رن جوال سلطان وناظر الاسم التفت ل سعود ونطق؛ سياف يدق...
سعود بورطه؛ لاترد خليه.....
ثنيان وليه..؟
سعود؛ ذا نفس محمد نسخ لصق خليه الحين لا ترد.....
سلطان؛ تم.....
رمي عليهم احد البزوره الكره وطاحت على ثنيان... تألم ثنيان من الكره بحكم ان جروحه للحين ماتعافت....
الولد ركض لهم ونطق؛ اسف ماقصد ارميها عليكم...
أخذها ثنيان ورماها له؛ عادي....
ركض الولد الثاني لهم وضرب اخوه على راسه ونطق؛ منيف قلت لك انتبه وناظر الشباب وكمل؛ اسف آخر مره.... سحب اخوه من بلوزته ومشى تاركهم يضحكون عليهم ونطق سلطان؛ يشبهك ياسعود.... متحمل مسؤولية....
شهق سعود؛ احلف احلف والله مايشبه غيرك مهبول.....
سلطان بغرور؛ شهاده اعتز فيها....
سعود؛ الله يخلف عليك بس......
ثنيان؛ ياعيال خاطري شاهي كرك...
ضرب سعود سلطان ونطق بسرعه؛ قم جب له...
مسك سلطان مكان الضربه ونطق؛ من وين اجيب...
سعود؛ دبر عمرك...
مسك  سلطان أذن سعود  وسحبها ومشى هارب منه   وسع سعود عيونه ونطق بألم؛ ماحترمني..؟
ضحك ثنيان؛ لا... شد حيلك عليه....
وقف سعود وربط ثوبه على خصره ويده ماسك فيها شماغه وعقاله وركض ورا سلطان...
ضحك ثنيان عليهم الاثنين وانسدح ينتظر واحد منهم يجي بعد المجزرة إلى بتصير....
عند سلطان... كان يركض ويشوف وراه قمط العافيه يوم شاف سعود قام وركض وراه حاول يركض بسرعه قبل سعود يمسكه ويدعسه...... ركض سعود وراه مابقى غير كم خطوه وصرخ؛ وقففف والله لا اذبحكككك.....
شاف سعود مجموعه شباب تمشي ونطق؛ امسكوووه تكفوون.....
ناظر الشباب سلطان إلى يركض ووراه سعود وركض واحد منهم يوقف سلطان... صرخ سلطان بوجهه؛ تكفى وخرر بيذبحني....
ضحك الشباب عليه ووصل سعود بسلامه وأخذ عقاله ونطق وهو يحركه؛ أجل عمك وتسحب اذني وين الاحترام والتقدير ياسلطع....
سلطان يحاول يحتمي ورا الشباب ونطق؛ هاه تقول لي سلطع وتبيني احترمك تركته ل ثنيان المنبطح هناك.....
سعود؛ قايل مامنك رجاء اصلآ....
سلطان؛ انا فوجهكم ياشباب...... ضحك الشباب عليهم وتقدم واحد عند سعود ونطق؛ خلاص هو فوجهنا...
ناظرهم سعود بعجز؛ والله مايستاهل اتركوه عنكم.....
وليد؛ خله خله تكفى...
سعود؛ ابشر عشان تكفى اتركه....
وليد؛ حبيبي والله..... طلع سلطان من وراهم ونطق؛ خلاص دام ساعدوني يلا نتعرف...
سعود بصدمه؛ ولد أعقل...ماعليكم مهبول ذا العقل طار منه...
ضحك وليد وقال؛ لا والله انه ونيس حبيته.. على العموم اسمي وليد وانتم..؟
سلطان بحب؛ جعلك تحب الكعبه .... سلطان وذا عمي المقرود سعود....
رمي سعود العقال على سلطان بعصبيه؛ توب ياخي توب.....
عرف كل واحد من الشباب عن نفسه ونطق واحد منهم وكان اسمه عبدالله؛ انت عمه..؟
سعود بندم؛ اي....ابتليت بعيال اخوان مصاريع...
عبدالله؛ بس انت تبين صغير....
سلطان؛ ياطويل العمر ذا عم بس صله القرابه ولا تراه واحد منا ومهبول أكثر منا.....
ضحك وليد؛ أحمد ربك عندك عم نفس عمرك....
سلطان ناظر سعود ثم ناظر وليد؛ لو سمحت ياوليدو عيد حساب كلامك....
ضحك الكل عليه ونطق سعود بصدمه؛ نسينا ثنيان....
ضرب سلطان راسه بصدمه؛ ابك امش امش...
مشي سلطان وسعود ومعهم الشباب يسولفون..... ثنيان بذا الوقت كله غلبه النوم ونام..... وصل الشباب كلهم وتكلم سعود؛ ذا ماهو نايم أمس....... حك سلطان راسه ونطق؛ ماخليته ينام...
سعود؛ ليههه ياغبي....... تكلم وليد؛ خله عنك واضح تعبان...
سلطان؛ اي توه طالع من غيبوبه وعيا يجلس في البيت....
وسع عبدالله عيونه؛ خطر عليه كيف يطلع....
ضحك سعود ونطق؛ ذا سبعين روح على قولت خالد مايجي له شي....
وليد؛ ماشاءالله
.............................................................................
تمر عليك مشاكل وهموم... تهد جبال ماتنهد.... الخاطر وده سعه الصدر والضحوك....
لكن وين يانفسي ... طحتي على وطن ماهي وطنك...
....................................................................