ثنيان مظلوم يا سياف

البارت السابع؛

الجده بطفش؛ وصمخ ياسليطين قول...
سلطان حضن جدته واشر على الباب؛ ذا ياجده بيدخل منه شي جميل..!
ناضرته الجده وضربته على صدره؛ ووجع ياسلطان ماتبطل انت اهرج وش علمك
دخل ثنيان على آخر كلام جدته ويحاول يدف العربيه بيدينه.. ابتسم وصرخ؛ ياجدهههه
فزت الجده من صراخه ومسكت يدها وعيونها تطلع شرار؛ أعقل يا ولد وين علومك
استوعبت الجده انه ثنيان ومشيت له وحضنته ودموعها على خدها؛ ثنيان ياحفيدي الحمدلله على سلامتك وانا جدتك...
ابتسم ثنيان بحب كبير ونطق؛ يجعلني ما انحرم منتس....
سوير طلعت من المطبخ وبصراخ؛ ثنيانننننن.... ركضت له وحضنته مع امها وبكت؛ الحمدلله الحمدلله على سلامتك خطاك الشر
طلعت ام ثنيان من المطبخ والجدال وراها ركضت أم ثنيان لولدها وتحمدت له بي السلامه
وقفت الجدال بصدمه بدون حركه ابد مب مصدقه إلى قدامها أخوها.. ناضرها سلطان وبسخريه؛ هيه انتي ترا بس تصاوب أجل لو دخل السلك العسكري وش تسوين مالت عليتس.
لف نضره لي عمته وأمه وكمل كلامة؛ وانتم خير تراني جنبكم احضنوني وتحمدو لي ولا بس ثنيان موجود...
ام ثنيان تقدمت له وحضنته؛ تعال تعال
فز سلطان وحضن أمه وشد عليها؛ ياجعلني ما انحرم ياناس
ثنيان ابتسم؛ تعالى ياجدال الروح تعالى واحضني ثنيان القلب... ركضت الجدال وحضنت ثنيان وبصوت مهزوز؛ خفت تروح ياثنيان...
ثنيان؛ موجود لك موجود ياروح ثنيان.. سأل ثنيان سؤال لي سوير....
ثنيان؛ وين جدي وابوي.؟
سوير؛ ابوي وابوك في المحل شي ثاني..؟
ثنيان؛ الرخمات وينهم.؟
سوير؛ الرخمات إلى تتكلم عنهم في العزبه..
ضحك سلطان؛ عز الله سياف ودع من سعود....
ثنيان؛ رحمته والله...
ضربت الجده ثنيان بكتفه وسلطان برأسه وبعصبيه؛ اعقب وانا بنت ابوي تتكلمون على عمكم قدامي يالي ماتستحون..؟
سوير بسخرية؛ وين يمه العم وهو وين...
ضحك ثنيان متناسي ألم بطنه وتمتم بألم من جرحه...
ام ثنيان؛ اليوم عمك جسار جاي جهز نفسك ياسلطان وارتاح ياثنيان...
ثنيان؛ ارحببب عمى جاي والله ما ارتاح ولا اذوق راحه....
................
ثنيان بزعل؛ اصلاً محد يفهمني غير نفسي.....
ضحك سلطان؛ امي تهجدك...
ثنيان بنفس زعله؛ ياخي قمم تقلع...
سلطان؛ لا والله اني أنام جنبك...
بعد كلام ثنيان لي أمه حلفت عليه يدخل ينام  في المجلس ويرتاح الين  يجون الرجال ويكون ثنيان مرتاح شوي.........
...........
نرجع قبل وقت في العزبه....
خلص سياف من الذبح وخلص سعود من السلخ... وأحمد يتقهوي فوق الونيت ويطالع فيهم بهدوء شاش رأس أحمد فجأه وغنى؛ امانه يانضر عينى.... حبيبى ويش اسوى له
كمل سعود معه؛ وشليتي من الشبان... والشيبه سرا الليله
ردد سياف وراهم؛ وأمانه يانضر عينى... حبيبي ويش اسوى له... وشليتي من الشبان.. والشيبه سرا الليله...
ضحك أحمد بهدوء؛ دوم ياعالم
سعود مسح عرق جبينه بسبب الشمس؛ سرينا يارجال
سياف؛ قداممم
.................
العصر....
دخل سعود وبيده صحن لحمه؛ ياهل البيت...
خرجت له سوير؛ ارحب  يا سعودي يامن له القلب يهلي
ضحك سعود على كلامها؛ البقى ياروح سعودك مد لها سعود الصحن وكمل كلامه؛ خذي ذا باقي بجيب الصحون... دخل سياف وبيده صحن
سوير بتعب؛ ماعد لي حيل ومحلول والله...
سياف؛ لا بالله انتي بس تطبخين وحنا نذبح ونسلخ وشو عذرك.؟
سوير؛ سيافوه لا تهارج بشي ماتعرفه اسكت
سياف مشى متجاهل كلام عمته شهت سوير بقوه؛ يخسي إلى يتجاهل بنت سياف
سعود؛ ويعقب بس الشمس لعب ام الإعدادات حقته...
ضحكت سوير وراحت تجهز قدور اللحمه....
دخل سياف المجلس وانصعق من المنضر إلى يشوفه..... ثنيان مربوط بحبل عشان لا يهرب وسلطان منسدح جنبه... دخل سعود ورا سياف وانصعق معه؛ ابك ذا حقيقي
سياف حول نضره لعمه؛ بدريي عليه
مشى سعود بخطوات بطيئه ولمس ارجل سلطان؛ ذولا صدز
سعود؛ هيه سليطين...
لا رد من سلطان..
وصرخ سياف؛ ولددد
فز ثنيان بخوف وألم؛ يمه وش فيي..؟
سعود بنرفزه؛ ايوه سيد ثنائية اهرجي وش طلعك..؟
سياف؛ اصدمني وقول هربت.؟
ناضرهم ثنيان وتلحف في لحافه بدون جواب لهم... انقهر سياف وسحب لحافه وبشبه حده؛ انطق لا اتوطي فيك..
زفر ثنيان بملل؛ ياخي وخر عني برتاح شوي
سعود؛ ترتاح في المستشفى وشوله قالط هنا هاه..؟
درعم هزاع عليهم؛ سلام إلى قوم لم يهتمو لأمرك... شهق من منضر ثنيان وكمل؛ اخو العيال ذا ثنيان.؟
ثنيان تحت لحافه؛ والله اني اتوطي فيك انت وهو تقلعو يلا....
هزاع؛ ابي حياتي مالي دخل فيكم تخيلو ابوي يجي ووجهي مشوه يمامي..
سعود؛ ايه الحين تتذكر واحنا من اول نكرف..
سياف؛ امشو نضبط الخيمه...
هز هزاع وسعود رأسهم بتفهم....
..........  بعد المغرب.......
ثنيان ينسف شماغه سعود يعدل كبك سلطان سياف يجهز البخور..
أبتسم ثنيان بهدوء؛ ولو أن جرحي طرى بس لعيون عمي فدا..
سعود بقلق؛ تحس انك تعبان لا تكلف نفسك..
ثنيان؛ لا والله اجي... أخذ ثنيان عصاته وفز سلطان؛ والله ماتتكي عليها ووراك سلطان...
ثنيان؛ ونعم ياخوك..
دخل ابو ثنيان محمد معصب؛ اعجل انت وهو الناس جايه وانتم خامدين..
نطقو الشباب مع بعض؛ جايين
توجهه الكل لي خيمه ال مطلق... سعود يجهز فحم المبخر.. سياف يضبط القهوة والشاي
سلطان يرص علب المويا في الثلاجه وهزاع يشيك على أغراض العزومة. ثنيان جالس جانب جده يناضر الشباب بهدوء . دخل صقر عليهم وهو كاره عيال عمه محمد تقدم وبأس رأس جده ونضرات كره وحقد يوجهها نحو ثنيان...جلس صقر بعيد عنهم... انتبه محمد لي صقر لكن فضل انه يطنشه...
........
وصل العم جسار ووراه بعض رجال ألديره  بعد مده قصيره صف رجال ال مطلق كبيرهم الجد سياف إلى اصغرهم هذال  صف واحد ونطقو بصوت جمهوري؛
يامرحبا واهلين بأهل المواجيب...
عد الثمر وإعداد برق السحابه...
الله يحييكم على العز والطيب...
ياللي لكم يوما الملاقا مهابه...
من عادتي للضيف أزيد الترحيب...
والا الردي مآني حاسب حسابه...
في شوفتكم تبرى جروح المصاويب...
والذيب يطرب لالقاله ذيابه...
اقولها ترحيبه العز والطيب...
اللي حضر في بيوت ال مطلق مرحبابه....
ردد رجال ألديره ؛ البقى،الله يحييكم، ونعم يا آل مطلق..... ومنها من الردود الاخرى....
شد ثنيان على كتف سلطان إلى واقف على يساره لف له سلطان بخوف وهمس؛ فيك شي
ثنيان بألم؛ سلطان بطني تتقطع ...
فز سلطان؛ اطير بك المستشفى..
ثنيان؛ لا عيب نترك الرجال ونروح عيب بحق عمي...
سلطان؛ انا على يسارك إذا توجعت..
ابتسم ثنيان بحب لي سلطان....
الجد سياف؛ أقلطو يارجال...
جلس الكل.. ولف ابو ثنيان يناضر اخوه وعياله بفخر.. سعود بيده المبخر يبخر الرجال سياف وراه بيده دله القهوة والفناجين هزاع وراه بدله الشاهي ووراهم سلطان بصينيه التمر... ثم ناضر ثنيان وصد عنه من تذكر اخوه وقال بهمس وحرقه؛ وينك ياخوي تشوف بكرك.. .
تعامل محمد مع ثنيان قاسي لكن حنيته تغلبه بعض الأوقات وصعب يبين الشي ذا قدام ثنيان
قلبه رهيف لكن مايبي يضعف له...
انتهى العيال من الضيافه وجلس كل واحد فيهم في مكانه دخل حمد وخالد مع بعض القو التحيه على المتواجدين في الخيمه وصل حمد عند ثنيان وصد وجهه عنه ما استغرب ثنيان ابد تعامل حمد له الآن...
خالد بقهر؛ لا ماشاءالله قلنا ذيب بس تطلع ثاني يوم ذي مره أوفر
ضحك ثنيان على كلام خالد واكتفى بهز راسه فهم خالد انه مايبي يتكلم وسحب حمد معه وجلسو بجانب سعود....
ابو صقر جسار رفع مستوى صوته؛ انا يبه تقاعدت من المستشفى والحمدلله عيالي وراي يورثونه...
ابتسم الجد سياف؛ ابد خذ راحتك ياجسار...
بدأ سوالف الشيبان عن ايام زمان وجيلهم القديم وسوالف أخرى
خارج الخيمه ملتمين حول بعضهم.. سعود، سياف، سلطان، هزاع، ثنيان، صقر، حمد، مصعب، خالد وبعض عيال ألديره
نطق صقر ساخر من ثنيان؛ أشوفك ياولد عمي بسبع أرواح...
رفع رأسه له بهدوء وهو يلعن الساعه إلى جا فيها هنا ألمه مايقدر يتحمله أكثر من كذا ودق صقر الكلام له؛ ونعم فيني لا يكون ياصقير حاسد..
صقر؛ وليه من انت.؟
ضحك ثنيان؛ انا بكر محمد بكر سياف ال مطلق..!
صفق خالد بي إعجاب لكلام ثنيان؛ ونعممممم فيكمممم
صقر؛ اوه تشرفنا.. ناضر اخوه هزاع ونطق؛ قم ياهزاع ورانا أشغال...
التفت له هزاع بكرهه عارف كلام اخوه وكثير قام وراه لكن استوقفه كلام سعود.؛ دامك بين رجال تحترم نفسك ياصقير واخوك مانت مسؤل عنه دامني موجود
ضحك صقر بسخريه؛ اف اف العم سعود هنا ماعرفت... تحولت ملامح وجهه لغضب؛ لمات ابوي انت ولي أمره ياسعود...
وقف سعود بغضب وسياف وراه؛ اعقب تتفأل على ابوك يارخمه...
تجاهل صقر عمه سعود وقلبه يغلي من ثنيان وبدأ يخطط كيف يدمر ثنيان ومشى تاركهم بجلستهم..
تنهد ثنيان بضيق اجتاح صدره فجأة ناضر سلطان كان بيتكلم لكن سلطان كان مندمج وبقوه مع  قداح...
ضحك حمد وقال؛ تدرون وش نفسي ياعيال
لف الكل له ونطق عبد المحسن؛ اهرج لا بارك الله في عدوك
حمد؛ انت عدوى تدري
خالد ضحك؛ اسحب كلامك يامحسن...
سلطان؛ رحمتككك والله
ضحك سياف؛ اسلم وش هرجك ياحميد
ناضر حمد ثنيان ونطق بي احراج؛ والله اني محرج يابو محمد لكن ودي بشعرك...
صفر مصعب وقال؛ اسلمممم والله انك كفو..
ابتسم ثنيان؛ يخسي الاحراج عندك يابو نايف ابشري لكن نبي بعدها عودك..
هز راسه حمد بتفهمم لطلب ثنيان..
حس ثنيان أن ذي الأبيات تمثل شعوره الان ونطق؛
ياليت ماعندي مشاعر واحساس...
ولا قلب يتأثر بكسر الخواطر....
من شان لاجاني مراجع من الناس...
اصبر وعديها على طيب خاطر.....
.......
تخالفت ردود الشباب بين؛ صح بدنك، صح لسانك،
ناضر سعود ثنيان بحزن على حاله وتذكر اخوه في ثنيان وصد عنه....
ثنيان؛ الحين دورك ياحمد..
حمد ابتسم؛ ابشر ردو وراي ياشباب.. بدأ حمد يصفق بيدينه والشباب معه ونطق؛
ماعرفتك ماعرفتك ياحبيب العمر بدري....
والتقينا والتقينا في ليالينا الخوالي....
العذاب إلى جراء لي ماجراء لي ماجراء لي...
قبل لا اعثر اعليك
ردد الشباب الأبيات وراه.... انتهت سهر الليالي وترحيب ال مطلق بعوده جسار بعد غياب عام ونص عنهم....  سر نضرات محمد وأخوه سعود لثنيان وليه محمد يقول عنه بكر غيره صد سعود عن ثنيان وراه أسباب كثيره
سخريه صقر لي ثنيان وأفكاره وين بتوصل............

( هاي حلوين قلبي اتمنى اعجبتكم الروايه طبعا اول روايه لي ف اتمني تعطوني رايكم واسفه على أي خطأ صار بدون قصد مني  اخخ بدت الأحداث تطلع حماسكم ياحلوين
في امان الله وحفظه أينما كنتم 😌❤️❤️