ثنيان مظلوم يا سياف

البارت الثالث؛

سعود بتعب وتكلم؛ حلفتك بالله انك صادق... ناضر فيه سلطان وقال وهو يناضر في اخوه ثنيان ويأشر بي اصبعه على سعود؛ ذا من يوم جيت وهو يتحلطم ذا عم منجد..؟
ثنيان فطس ضحك وقال؛ ياخي يموت يموت إذا ما فضفض سعادوه ياروحي فضفضي نسمعك ههههههههههه
انقهر سعود من عيال اخوه وأخذ نعاله وركض بيضرب ثنيان بس ثنيان هرب قبل يمسكه عمه سعود ويحطه ذبيحه.....
بقى بس سلطان في مكانه وقال وهو مصدوم؛ اخو ثنيان وانا اخو له ذولا هجو وتركوني وحدي
ناضر في الغنم وكمل حلطمه؛ ابوك يا الورطة وذيلا كيف اسوي بهمم يمهه تعبت يمهه
بعد حلطمه سلطان ناد لي العامل وراح عند شبك الغنم وأخذ ثلاث أغنام بعد مضاربات مع الغنم إلى تهج عنه وإلى تركض وراه وإلى تمطحه والخ......
سلخ سلطان الذبايح واخذها بيت جده...

بيت الجد....
يتقهون في المجلس الحريم...قالت العمه ريم لي امها؛ يمه سعود ليه ما نزوجهه صار كبير
الجده ناضرت بنتها ثم ناضرت ام ثنيان لمياء؛ يالمياء ذا السعود شنسوي عليه
لمياء وهي تصب قهوه لي اختها ام صقر؛ والله ياعمتي مادري العلم علمتس
الجده؛ ابخطب له بنت متعب يازينها زيناه حليوه وسنعه وسمعتها بين الحريم منتشرهه
قالت سوير بشهق؛ وش تقصدين يمه.. ناضرتهم الجدال بضحك وقالت؛ يعني ياعميمه
انتس رفلا... قالت الجده بتاكيد كلام الجدال؛ ايه ايه ولا مكان جالسه على قلبي
شهقت سوير وقالت بزعل؛ افا يمه ماتبين بنتك هين ابوي يجي ونسمع الهرج عنده
قامت سوير وراحت المطبخ ناضرت فيهم الريم وقالت؛ عمتي زعلت ولا اتخيل...
الجده؛ خليها خليها مردها لنا ماعليك

نروح عند ثنيان وسعود...
بعد ما مسك سعود ثنيان وجلده بنعال قال بقهر لسا ما برد قلبه منه؛ من سعادوه ياولد..؟
ثنيان بضحك؛ خالتي سعاد خالتيييييي مب انت
ناضر فيه سعود بنص عين؛ احسبب .
ثنيان؛ ياعم نسينا الذبايح قممم ارجععععع
سعود انخلع قلبه من صرخه ثنيان وهبده بنعال مره ثانيه؛ ثنيانوه ماتتوب انتتت هااااا...؟
عند سلطان؛ وصل البيت وقال بصوت عالي؛ ياولد
سمعته سوير وقالت له ؛ تعال مافي احد دخل سلطان وبيده صحن ذبيحه ورجع اخذ الثاني والثالث وسوير تناضر فيه بصدمه؛ لمين كل ذا ياسليطين..!
سلطان بضحك وغباء؛ عزيزتي عميمه خطبت وذي عزيمه لي
شهقت سوير بقوه وضربت سلطان؛ ولد ولد خطبت من متى ليه ماقلت
ناضر فيها سلطان وبنص عين؛ انتي تستغبي اتأكد الغباء وراثه في ال مطلق  سوير وتوها تستوعب؛ الله يسلط عليك قل وش في اليوم... سلطان وهو رايح؛ ابد العلم انه في رجاجيل جايين والعزيمة لهم ارتحتي يا سويره
وراح لي حلال جده وهو يتحلطم من وضعه وتعب من الكرف إلى يصير فيه....
ركضت سوير ونعالها وصل قبلها وطاح بصينيه القهوه  شهقو كلهم بفجع من الي طار قدامهم وقالت الجده بحده؛ ياسوير روحي جعلك إلى مايتهني قولي أمين قولي  كتمت الجدال ضحكتها من عمتها إلى طارت شوشتها من الجري وشكلها يضحك؛  قالت سوير وهي مب مهتمه  يمههه يقول لتس سليطين أن في عزيمه لي الرجال؛ قالت الجده وهي تقوم؛ وش تقولين وش قال عزيمه وشو ومتى يابنت؛
ناضرو البنات في بعضهم والأمهات وقامو كلهم يرتبون البيت وإلى تسوي الغداء وإلى اسوي القهوه والشاهي وإلى تسوي الحلا