ثنيان مظلوم يا سياف

البارت التاسع عشر؛

خالد والشباب يبنون المخيم.... طاح المخيم عليهم بسبب حمد إلى ماثبت العمود زين....
خالد بصراخ؛ اقتلههه الحيننن انا..؟
سعود مثبت كتوف خالد لا يهبد حمد؛ اهدي يارجال ماصار شي.... خالد؛ سعودددد لا تجنني ساعتين نثبته ويجي ذا الحمار ويطيحه..؟
مصعب؛ ماعليه أهدي انت لا تنصرع علينا.......... انصدم خالد من هدوئهم الغريب ونطق؛ انتم فيكم بلا...
أشر مصعب برأسه ب معنى لا......سعود؛ من كذب عليك وقال بنتركه شوف وانت مخمم.... لف خالد رأسه يناظر ب نمر إلى شايل حمد على كتوفه وهو مربط من كتوفه ورجلينه ورابطه على السياره..... شغل نمر سيارته وفحط بحمد إلى يصارخ يبي احد ينقذه منهم...........
عند حمد قبل وقت.....
طاح قلبه بعد طيحه العمود والمخيم.... هرب قبل يلقم هواش منهم لكن مسكه نمر وربطه... حمد؛ انفداك خلني..
نمر بضحك؛ افا اصبر مابدينا.....
حمد يحاول يفك نفسه لكن ماقدر وصرخ؛ تكفى تكفى لا......... ياناس انا بوجهكم تكفون....
............................................................................................
الجدال؛ احسه لا.....
الريم؛ وليش أن شاء الله..؟ يهبل ماعليك منها.....
سوير إلى كانت ماسكه فستان ازرق بدون اكمام وضيق؛ اوه وبعدين يعني.....؟
الريم؛ خذيه يابنت واسكتي......
بعد هواش بين البنات بين ذا حلو وذا مخيس وذا مايعجبني وذا وذا..... خلصو الفساتين بعد مرور ساعتين ونص.... دق عليهم سلطان وردت الجدال....
سلطان؛ الو...
الجدال محتاسه مع عهد ف الإكسسوارات؛ هاه...
سلطان؛ ووجع خلصتم....... الجدال بعصبيه؛ لا وسكر........ سكرت الجدال بوجه سلطان ووسع عيونه بصدمه من اخته ونطق؛ ابك سكرت بوجهي....
ثنيان يشرب الشاي تبعه؛ ابك رجيت رأسي..... سلطان؛ محد رجني غيركم ناس لهم عشرين ساعه ياخذون فستان ومقاضي وواحد جنبي شفط عشر كاسات شاي.....
ثنيان؛ العين حق وانا اخوك حق... اذكر ربك....
سلطان؛ ماشاء الله عليك...اقول قم بس....
تنهد ثنيان وقام معه؛ الشكوى لله.....
.................................................
سليمان؛ ياخي والله ابيها....
نايف؛ لا...
سليمان؛ وليه...
نايف؛ مزاج..... سليمان؛ يقلع ابوه من مزاج... تكفى يانايف...
ناظر اخوه بعجز هو خايف عليه وكثير ومايبي يرفض له شي؛ سليمان انت تدري بطلبك ولا ماتدري...
سليمان؛ ايه ادري وادري انه مو صعب....
نايف؛ لاتخليني اسوي شي مايعجبك.... سليمان بضيق؛ سويته مايحتاج تقول.....
...................................................................................
عند الشباب خلصو من المخيم وجالسين يشربون شاي يعدل مزاجهم إلى تعكر من حمد واستهباله...
مصعب؛ أحمد وافتكينا منه الباقي متى ودكم...؟
نمر؛ شدعوه ماكلين حلالك...؟
خالد؛ واضح وجدا.ً..
سعود؛ وراك ماتخمم انت وياه....
جاء سياف لهم ونطق؛ انا بمشي....... سعود؛ بحفظه....
مشي سياف وركب سيارته يوصل جدته وأمه والباقي ل السوق.....
.............................................
انتهى الكل من تجهيزات العرس........
ناظر ثنيان الكل ف سيارته والأكياس ف سياره سلطان..... مشي ل سياره سلطان وركب ينتظر سلطان إلى كان عند المحاسب.... حاسب سلطان على أغراضه إلى تعتبر.. قلم وساعه رجاليه...
رجع لهم ووسع عيونه بصدمه من ثنيان إلى جالس بسيارته؛ خير يابوي....
ثنيان؛ وشو....
سلطان؛ اقول طير سيارتك..
ثنيان بضحك؛ والله شوف مغصوب اجيبهم وصدعوني والله خلك عندهم ابرك....... حرك ثنيان السياره وانقهر سلطان منه.... ناظر سياره سياف إلى فيها البنات وتنهد بضيق.... مشي ل السياره وركب بهدوء..... الجدال؛ تبادل أدوار جميل.....
سلطان؛ خمي فمك...
الجدال؛وش سويت لك..؟
سكت سلطان ماوده يهاوش الجدال قدامهم وتزعل..........
....................................................
جاء اليل وثنيان للحين مختفي محد يعرف وين راح ولا أحد كلمه من بعد سلطان....
الكل خايف عليه.....
..... ثنيان إلى أخذ سياره اخوه سلطان وحرك ل ديرتهم الضباب إلى تبعد عن الرياض ساعتين الا ثلاث ساعات ونص.... المفروض يوصل على الساعه ٣ العصر لكن الحين الساعه ١١ ونص مساءً وثنيان مختفي.... يدقون عليه لكن جواله مقفول تماماً..... خايفين كلهم منه وخصوصاً من بعد سالفه ابوه ضارب....
شي عادي انك تعرف الشخص الى تربيت معه وعشت معه على صفه انه أبوك يكون ف الأخير عمك... ومخبي عنك... مشاعر عادي للبعض ولكنها شي كبير ل الثاني... الوجع.. الخذلان.. الكره..والحقد..كان تفكير عائله المطلق سلبي جدآ بخصوص ثنيان.. معروف انه طيب وأخلاقه تنهشد عليها لكن مجنون ومتهور.. مايعرف الصح من الغلط إذا زعل وانقهر... يسوي اي شي يخليه سعيد اي شي يبعده عن الحزن والضيق...
.................................................
: انت متأكد..
:ميه بالميه..
:بس من أهلك..
:واذا من اهلي.. سويها وانت ساكت...
...............................................
مكان بعيد عن الرياض........ أفكاره توديه وتجيبه...
.... ايه ذا ثنيان جالس ف البر ومحتار أفكاره كثيره من بعد الموقف إلى جمعه بولد عمه هزاع المختفي عن البيت من شهور...
نرجع بوقتنا شوي....
نزل من سيارته مصدوم من الشخص الى واقف قدامه.... نطق بوسط صدمته؛ هزاع..؟
ناظره هزاع وهو متغير بشكل كبير وجدا.ً.. جسمه صار هزيل ونحيف بشكل يخوف ملامحه تغيرت كثير اسمرار بشرته وشعره الكبير.....الى يشوفه يقول (مجنون _مسحور)......
مارد هزاع عليه ابدا او ماتعرف عليه نهائياً...
تقدم له ثنيان والصدمه لا زالت عليه ونطق بهدوء؛ بسم الله عليك وش..... ما خلص كلامه بسبب هزاع إلى صرخ بوجهه وانقض عليه ضرب.... خاف ثنيان من صراخه الغريب..... ذكر ربه مره ثانيه وبصوت أعلى شوي.... ضربه هزاع بقوه على بطنه وتألم ثنيان منه وهنا تأكد انه فيه شي.... ردد ثنيان آيات من القرآن وبصوت أعلى من الى قبله وصراخ هزاع يعج المكان... نزل شماغه من راسه وربط اكتاف ولد عمه هزاع.... دخله السياره متألم منه ومن ضربه.... نظراته مخوفه وكأنه قتل عليه شخص عزيز ويبي الانتقام منه... أو شخص يكن له كره كبير وحقد... مثل شخص اذاك وتبي الشر له.... ناظر جواله إلى خلص شحنه وسياره سلطان مافيها شاحن لعن اخوه بنفسه ومن غبائه........ حرك السياره يكمل الطريق إلى قطعه بسبب هزاع....
.................
الساعه ١ اليل...
وصل ثنيان الديره بسلامه... نزل من السياره وفتح باب الحوش الكبير حق بيت ابو صقر جسار.... ودخل سياره سلطان داخه....
وقف الكل يناظره ونطق الجد سياف؛ ثنيان وينك ياولدي...
ثنيان بهدوء؛هزاع معي...
نطق جسار بفرح؛ بذمتك معك...
هز راسه ب ايه وفتح باب السياره الخلفي ونزل هزاع المربوط..... انفجع الكل من هزاع وشكله واستغربو يوم شافوه مربوط...... تقدم جسار له ونطق ثنيان قبل يمسكه؛ أشك دخله جني....
ناظره جسار بنظرات عجز ثنيان يفسرها نطق الجد سياف بصدمه؛ ك.. كيف جني.؟
ابو ثنيان؛ انت صادق...
هز راسه ونطق؛ نطقت بآيات وجلس يصارخ بوجهي.... ودوه عند شيخ يقرأ عليه.... رجع ل السياره وأخذ أكياس البنات.... مشي للباب الخلفي من بيت الجد سياف وحطهم قدام الباب وصرخ؛ يا الجدال اغراضكم هنا.... قال كلمته وطلع من البيت بهدوء....... ركضت الجدال تفتح الباب له لكن مالقت احد غير الأكياس إلى حطها ثنيان...... اخذتهم وراحت عند البنات....
حطت الأكياس ونطقت وعد؛ تسلم يده على التوصيل المتأخر....
ضربتها عهود على رأسها ونطقت بعصبيه؛ على الأقل وصلهم لك اسكتي بس..
اخذت كل وحده منهم غرضها وراحو ينامون......
.............................................................
نايف بصراخ؛ ارتحت الحين ارتحت هاه... قول لي قول أعجبك إلى صار ولالا..؟
سليمان ساكت ولا نطق بشي..... مسكه نايف من ثوبه وصرخ؛ ضروري تهين نفسك ياخوي ضروري.... مايبونك ليه تصر على أوديك وش استفدت هاه اخذت كلام يجرحك ورجعت بيتك.....
سليمان بهدوء؛ على الأقل حاولت قبل اروح..... وسع نايف عيونه؛ وين تروح هاه مهبول انت ولا وشو انت وش بلاك....
سليمان؛ برجع روسيا خلاص....
نايف؛ هيه ورع تسمع وش تقول.... بعد السنوات ذي ترجع....
سليمان صرخ بقهر؛ تبرأ مني قدامهم وقال انت مو ولدي هانوني أكثر من مره وانا احاول أصلح العلاقات لكن يخسون ويعقبون دامه قال ذا ماهو ولدي انا لا أعرفه ولا يعرفني وش ابي فيه يانايف ارجع ل روسيا احسن لي والله تبي تجي حياك على عيني وراسي ماتبي اجلس هنا ولا تمنعني عني شي ياخوي........ أخذ جواله ومفتاح سيارته من فوق الطاوله وطلع برا البيت بقهر..
.............................................
عند ثنيان...
بعد ماطلع من بيت الجد سياف ومعه سلطان وسعود وسياف إلى لحقوه بسرعه.... وقف سيارته ف البر ونزل منها والباقي وراه.....
فرش سياف الفرشه إلى يجلسون عليها كل مره يروحون البر.... ونزل سلطان شنطه العده تبعهم... وسعود يشب النار....كان يطالع فيهم سرحان ويهوجس ماهو معهم ابد.....
جلسو كلهم وبقي هو واقف تكلم سعود؛ اجلس وراك متنح...
ناظره ثنيان وجلس بعد كلامه.... مد له سلطان شاهي يحبه قلبه.... واخذه وارتشف منه....
مرت الدقائق وهم ساكتين وكسر سكوتهم سعود إلى نطق؛ ماودكم تهرجون....
سياف حط راسه  على فخذ سلطان ونطق؛ وش نهرج.....
سعود؛ اي شي عندكم....
عم الصمت مره ثانيه لدقائق وكسره ثنيان؛ تذكرون يوم رمينا الكره على سياره  ابو صويلح...
انفجر الكل يضحك من تذكرو الموقف إلى صار لهم قبل وهم صغار.....
......................................
قبل سنين...
شباب مصروعين ايام المراهقه.... راجعين من المدرسه وكلهم طفشانين ثنيان وسلطان وسياف... راجعين مع بعض مشي من مدرستهم ل الديره... ناظر ثنيان ابو صويلح إلى اشتري سياره جديده ويخاف عليها خوف لدرجه يغمى عليه إذا جاها شي صغير دخل ابو صويلح بيته .... فكر كيف ينتقم منه بسبب محارشته عند ابوه انه يهرب من المدرسه..... راح البقاله واشتري له كره يلعبون فيها هو وإخوانه.... أخذها ورمو شنطهم وبدو يلعبون الكره الين طق برأس ثنيان يرميها على السياره وفعلاً رماها وضرب ف الباب وتركت علامه كبيره عليه..... ضحك بقوه على الضربه وخاف سلطان وسياف من ابوهم لا يجلدهم وصرخ بوجهه سياف؛ ياحمار وش سويت.... ثنيان إلى للحين يضحك على العلامه نطق؛ ولا شي.... سلطان؛ امشو قبل يجي احد..... اخذو الكره حقتهم وشنطهم وراحو بيتهم بسلام وكان ولا شي صار...
......................................
سعود؛ اخ يانه قلب الديره كلها فوق تحت عشان يعرف مين سواها....
سياف؛ يوه ما أنسى يوم يجي بيتنا ويشوفه ثنيان قلبه يطير خوف....
ثنيان؛ اي والله قلبي يطير... مخرعني كان حسبي الله بس ...
سلطان؛ ماعليك لو دري انه انت كان شفته حاقد فوق حقده....
....................................
سعود؛ ثنيان باقي باقي...
تنهد ثنيان بتعب ومن الشمس إلى ضربته...؛ كم ياسعود...
عدهم سعود ولف نظره له؛ سبع...
ركض سلطان؛ هات هات انا أخذهم.......... هز سعود راسه ورمي على كرتون.... أخذه سلطان وركض لبيتهم ورجع مره ثانيه عند سعود ركض..... وصلت لهم شحنه من حائل بشوت وسيوف جديده وبنفس الوقت وصلت كوشه الريم والشباب ينقلونهم.......
خلص الكل وجالسين وبيدينهم شاي وأشكالهم جداً فوضويه........ نطق سياف بضحكه؛ ياخوان هل نسيتم الحلال.... شرق ثنيان ب الشاهي إلى يشربه وناظر سياف بقهر؛ وراك ما تنطم...
تسدح سلطان على الأرض ونطق؛ انا والله صغير اروح عند جدتي واقول ياجديده قليبي تعبوني...
سعود بسخريه؛ ايه وتعطيك فقشه على كيف كيفك....
سلطان بتتهده حب؛ فداها عمري كله...
ثنيان؛ ابوه ماقله كذا....
سياف؛ ابك انت تتوقع ذا يقول لبوي احبك..؟
ضحك سلطان ونطق؛ يحطني ذبيحه بعرس الريم...... لف على سعود ونطق؛ هيه سعيدان وش شعورك..؟
استغرب سعود ونطق؛ وش شعوري..؟
سلطان؛ لا ذا حمار منجد..... اقول لك شعورك كيف والريم تتزوج....
سياف؛ محسسني انها تزوجت من الأتراك .... كمل معه ثنيان؛ ياخوي تراه أحمد المخنز...
سعود؛ استنى اشرح لك شعوري... اولا اكيد بشتاق لها يا تيس.... وثانيا افتكيت منها... وثالثا مثل قول ثنيان أحمد المخنز ماهو شخص غريب يعني تلقيه قالط فبيتك عادي مايستحي....
رابعاً ودي اصفقك ليه لأن أسألتك يا مال ابوها داعي يا سخيفه مثل وجهك انت واخوانك...
سلطان؛ لا ذا ينفع يحطونه مذيع... راديو والله...
رفسه سعود برجله ونطق؛ عمك إذا تذكر....
سلطان بسخريه؛ حشى ومين ينسى كل دقيقه تقول عمك كان محد عم غيرك.....ثنيان؛ اصبر وش انت واخوانك سخيفين ... كمل سياف؛ محد قدنا ياشيخ...
سعود؛ لاعاد تنغر تراك مخيس....... لف وجهه يمين ويسار ويدينه على شنبه؛ ووين المخيس.. والله اني مزيون....
ثنيان؛ الا مشيون...
سلطان؛ احد قلك انك متناقض ياخوك...
سعود قام ونطق؛ قم انت وياه بدل ثوبك والحقوني نرتب البضاعه ضروري اليوم نخلص كل شي....
سلطان بحلطمه؛ ايه الزواج جاء ودعنا الراحه نقعد ننكرف طول اليوم بدون جلسه حشى محسوبين اننا آلات....
سحبه ثنيان؛ قمم وانت ساكت....
..................
بدلو ثيابهم وحطو الثلاث عشر كرتون ف السيارات تبعهم.... وحركو ل محل ( بشوت وسيوف الضبابيه)
وصلو أخيراً ونزل الشباب... فتح سعود الباب ألمحل... وربط ثوبه على خصره والباقي زيه...
قدم ثنيان سيارته قريب الباب وبدأ الشباب ينزلون البضاعه.... كرتون ورا الثاني.... وبعدها قدمو سياره سياف وعلى هذا الحال الين نزلو كل الكراتين وبدو يرتبونها على الرفوف وداخل المخزن.... انتهى الكل من العمل وعلى  أذان الضهر.... مشي سعود ووراه سلطان وسياف للمسجد وقفل ثنيان المحل وراح وراهم.... خلصو صلاه وطول طريق الرجعه يكررون الاستغفار والتسبيح.... فتح سلطان المحل ودخل داخله وتوجه باقي الشباب ل العزبه......
جاء مصعب ل  سلطان ونطق؛ حيه سليط....
ابتسم سلطان له ونطق؛ الله يحيك....
مصعب؛ اشوفك مبسوط الله يديمها....
سلطان؛ مروقين اليوم ماعليك..... مصعب؛  والله انها الساعه المباركه..... افطرت..؟
هز سلطان برأسه ب معنى لا؛ ما مداني والله....
مصعب؛ حتى انا أجل اجيب وناكل سوا....... سلطان؛ تم.....
.............................................................
...............................