ඉරුණු ගවුමක රැළි අතර හිඳගෙන
සින්ඩරෙල්ලා කුමරෙකු ඉල්ලුවේ නැත
ඇයට උවමනා අලුත් ගවුමක පහස
එක් රැයක නිවාඩුව සංගීතය සමග
වැකුණූ දූවිලි විසල් මැදුරක
වැඩකාරියක නොවූවද ඇය
තැළුණු නිසාවෙන් වදන් අතරම
අවැසි විය ඈ හට ආදරය
බිඳී නැති වීදුරු සපත්තුව
පඩිපෙළක අතහැරී ගිය විට
ඔහුත් විය එක් කුමරෙකු පමණක්
වීදුරු සපත්තුව මග හැරී ගිය
සින්ඩරෙල්ලාට කුමරෙකු උවමනා වූවාද
වැටුණු වීදුරු සපත්තුව අහුල ගන්නට
නැතිනම් ඇය ඒ ගැන නොසිතා
ගෙවුණු රැය ගැන තුටු පහටු වූවාද
නොදන්නා කතාවක දන්නා අයෙකු වීම ගැන
සින්ඩරෙල්ලා දැන් ඔබට සතුටුද
ප්‍රින්ස් චාමින් නුවුමනා බව දැන දැන
තවත් මොකටද ඒ වෙනුවෙන් කාලය
_____
2023. 12. 08
VOCÊ ESTÁ LENDO
ඇස්ටර් මල් පෙති | poems
Poesiaසීතල වප් මස උණුහුම් කරන්නට කෝපි කෝප්පයක් නැති කළ සිත නළවන්නට වැළඳගන්න පෙම්බරකු නැති තැන ඉදින් පැමිණිද කවිය මා සනසන්නට
