نايف: والله يعني كلام امك صاح😂😂😂من زمان م بتدخل بيناتكم انا انتو حرين 😂😂
ريفان: يشهد الله انها دي حقارة و افتراء منكم 🙄🙄🙄
نايف و ياسمين قعدو يضحكو 😂 و حسام فكاها
ريفان: م كان تفكني عليك الله 😒كان تشيل معاك الرقبة و تتبعها بالقفص الصدري تفصلهم من مكانهم
حسام: شايفين اصلا د عدم الدق 😂😂🤝
ريفان اتحركت و هي ماشة على غرفتها حمرت ليهو من فوق لي تحت باست نايف و ياسمين بعداك مشت 😂👋
بعد خلصت من استحمام لي صلاة لي غيرو وصلت تلفونها في الشاحن و بقت تتونس في الواتس مع البنات 🤍🤍
فجاة حرفيا فجاة و من دون اي سبب الباب اترزع و اتفتح قامت ناطة
ريفان: وووووب علي 😳😳😳
حسام بس وقف في الباب حق الغرفة عاين في الغرفة كدة مساااافة
ريفاان: حسام!!!؟ 🙂
بقى بلفلف في الغرفة كدة و وقف قدامها
ريفان: اها اتفضل 🙂🙂😂
حسام م اتكلم ولا عمل اي حاجة و لزاها من راسا لمن رجعت في السرير لي ورا و رجعت قعدت
ريفان: والله انت شافع م طبيعي ابدا 😂😂👋
حسام: شافع؟؟
ريفان: لالا لالا خلاص 😂😂😂👋ارحمني عليك الله م عندي اي طاقة اتضارب انا
و من دون م يرد اصلا طلع 😂😂
ريفان: اقفل الباب ي ابني اقفل الباب 🙂🙂
و حسام ولا كانها بتتكلم واصل في مشيهو 😂😂
ريفان: ي رب ي رب تصبرني 🙄🙄زي م اديتني حسام تديني معاهو الصبر ي رب 🙄
و قامت قفلت الباب و رجعت رقدت و مسكت التلفون ...
بس مع مسكتها للتلفون جاتها رسالة من هوازن ..
اول م فتحتها ريفان دي هوب قامت و بقت متربعة في نص السرير و بتعاين للتلفون عشرة عشرة
و رسلت الرسالة لي هوازن طوالي
ريفان: هوازن؟؟ جادة ؟؟ نزلو الكلام د وين؟؟
هوازن: قروب الدفعة 🙂
ريفان: هوازن انا م جاهزة نهائي لي اي فاينل والله 🙂😭و الفترة الفااتت دي كلها انا كنت مركزة مع الفعاليات و حاجات الجمعية و الجري فيها اسوي شنو !!
هوازن: عايني بتتجازف خلي نقعد بكرة مع باقي البنات و نشوف ال بحصل شنو تمام؟؟ 😂😂هسي حاليا كدي نومي و لي بكرة يفتح الله
ريفان: م بقدر ي هوزي والله م بقدر 😭
هوازن: ال زول لمن يقعد مع الشفع د ال بحصل 😂😂🤝قلنا لي بكرة خلي العبط يلا بنلحق بنلحق لسة عندنا مدة اسبوع كامل 😂🤍
