بعد مرور سنتين ***
ريفان: يووسف !! وين انت !!
وبقت عاملة نفسها بتفتش في الكنب و بتتلفت كانها م شايفاو
يوسف : ماما م ح تعرفي
ريفان: انا لو قبضتك ح اكلك
يوسف: م ح تقدري م ح تقدري
و ج طالع من ورا الكنبة
يوسف: وه
ريفان عملت نفسها اتخلعت و هي اصلا كانت شايفة اصابع رجلينو طوالي نطت في السرير و شهقت
بعداك قامت عليهو و عملت يدينها الحركة بتاعت انها عاوزة تكلكلو دي و جات عليهو
ريفان: انا قلت ليك باكلك صاح
يوسف( بي صواريخ ممزوجة بي ضحك) : ماما ! ماما
و صوت ضحكتو ملا البيت كلو قبل اصلا م تصلو اول م وصلتو و بقت تكلكل فيهو و هو خلاص ح يموت من الضحك قاطعهم صوت
ياسمين : ريفان سهم د برا يلا
ريفان طوالي عدلت قعدتها مع انو ضربات قلبها مع اسم سهم اشتغلت زي دلوكة انصاف 👋 بس قدرت تسيطر على الوضع و على نفسها كانت لابسة بنطلون اسود over size مع قميص كاروهات كحلي بي اسود .. مسكت يد يوسف و طلعو على كدة ..
______________________________
*فلاش باك*
بي جهة سهم***
خليل: الليلة يوسف جايي !
سهم: ايوا لي في حاجة !!
خليل اكتفى بي انو يطلع ليهو نفس طويل شوية و يلف عيونو
سهم: يلا ي الغالية اشوفك بعدين كويس
سميرة : فكر ي ولدي في الموضوع ال قلتو ليك كويس عليك الله و م تغلبني معاك انت الوحيد عندي و م نفسي اشوفك كدة
سهم(بي ضحك) : مالي انا هسي ي امي !! انتي بس عاوزة تجهجهي لي راسي د و خلاص !
سميرة : م عاجباني حالك كدة والله
سهم: امي والله انا كويس و فل الفل و مبسوط شديد م تشيلي هم كويس !
سميرة : لكن ي ول .....
سهم(مقاطع): يلا فوتك بي عافية .
باس راسها و جري طلع
______________________________
*رجعنا للواقع*
ريفان.طلعت هي و يوسف و في يدها شنطة صغيرة فيها حاجات يوسف المهمة و اللي ممكن يحتاج ليها وقفت اخدت نفس طويل شديد رسمت ليها بسمة خفيفة على وشها و جات طالعة قالت بي لطافة بسيطة
ريفان : السلام عليكم
مع الكلمة دي سهم طوالي رفع راسو و برضو رسم ابتسامة في وشو بس م على جهة ريفان على جهة يوسف اللي جاهو جاري و سلم عليهو .. قعد جمبو
