*
بعد مرور سنة و نص ..
ريفان : انا كدة خلصت بكرة برجع و انت اهتم لي بي موضوع الشحن بتاع الحاجات و اقيف فيهو تمام !!
حسام: خلاص ظابط لكن دقيقة
ريفان: اها !!
حسام: انتي ح ترسليها بي الشركة حقت مزن !
ريفان: ايوا منها انها مضمونة و بتوصل لي حاجاتي لغاية عندي و منها انو اكون عميلة عندها و كدة لي مالك !!
حسام: م عارف يعني لسة الشركة جديدة م مفروض تضمني ..
ريفان (ابتسمت بعداك ردت): قلق ابوي د م داير تخليهو !!!
حسام سكت مسافة و كانو الاجواء شوية اتشحنت بالتوتر لكن طوالي ريفان غيرت الموضوع ..
ريفان: تمام انا طالعة .. ماشة الكافيه
حسام: خلاص تمام اذا لقيت نفسي فاضي بلحقك ..
ريفان بعد م لملمت حاجاتها اللي شايلاها معاها الكافيه وقفتت قدام حسام و هو كان بلملم في باقي الحاجات ال فضلت من التغليف ..
حسام( بي استغراب ): مالك !!
ريفان: م ناوي ترجع السودان !! م تعبان من الغربة !!
حسام: انا م صدقت هربت .. انتي م فاهمة انا للان احساس الذنب بواصل و بجيني انو انا السبب في كل حاجة ..
ريفان : حسام !! نحن اتفقنا لكن ! اذا عملت كدة ماما و بابا ح يرجعو تاني لي نقطة خلاف نحن قلنا خلاص ح نرمي كل شي ورا ضهرنا و ح تكون ذكرى مريرة لكن ممكن نتخطاها بالذكريات الحلوة 🤍..
حسام: م قادر ي ريفو والله م قادر انا اصلا من هناك كنت مقرر و مخطط اني اطلع و تاني م اجي نهائي لكن انتي عارفة انو عندي مسؤولية تجاهكم انا م ح اخليها .. و م لانها مفروضة علي لكن لانو انا عاوز المسؤولية دي تكون عندي ..
ريفان اخدت نفس طويل و طلعتو ... عيونا كان دمعو شوية لكن هي لحقتهم ..
ريفان: خلاص تمام في النهاية زي م بتشوف انت و مرتاح اعمل 🤍 و انا كدة كدة معاك في اي حاجة بتقولها ..
حسام اكتفى بي انو يسرح مسافة و ريفان طوالي طلعت ..
الكافيه م كان بعيد من البيت و دي الحاجة ال راعى ليها حسام اول م اتنقل الشغل بتاعو هنا
انو يكون قريب من المستشفى و انو يكون قريب من كافيه عشان ريفان لمن تجيهو م تضطر تقطع مسافات بعيدة عشان تصل لي قهوة ..
ريفان اول م وصلت طلبت القهوة و قعدت في التربيزة المعتادة حقتها
ثبتت التاب حقها و وصلت السماعة لكن م عشان تحضر المسلسل المرة دي ..
