حرفيا الايام زي م بقولو اسرع منها ماف .. حقيقي ماف فجاة ريفان لقت نفسها بتودع في حسام ..
.......
في البيت و بعد خلاص حسام جهز كل حاجاتو و رتب امورو كلها م باقي الا الوداع..
ريفان قبل مواعيد سفرو بي زي يومين كدة اصلا م كانت بتتكلم معاو ولا بتصادفو هي كانت متعمدة انها م تصادفو و لمن يحاول يتكلم معاها بتقفل باب الغرفة بتاعتها و م بتديهو فرصة ..
لمن جاييي مارق خلاص ج و ضرب تلاتة ضربات بالضبط في الباب ..
حسام: ريفان!!
طلع نفس طويل و هز راسو بي معنى لا نظام م حح تودعو كتى الليلة ! ...
ابتسم ابتسامة على مضد كدة و لف مشى كم خطوة و وقفو صوت المفاتيح بتاعت الباب و هو بفتح ..
قبل طوالي في نفس اللحظة قبل لقى ريفان واقفة و ماسكة مناديل في يدها
كانت لابسة ليها بنطلون جينز زيتي 3/4 م over size لكن برضو م skinny حاجة موزونة كدة و تيشرت بالكحلي و عاملة شعرتين عاديات و عندها شوية خصل نازلة ..
قشت انفها بالمنديل و عيونا اتملو دموع ..
حسام: هسي كان في داعي !!
ريفان: غبي .. هسي كان في داعي انت !!
حسام: م ح تودعيني !
ريفان: م دايرة هو انا لاقية يدوب كدة ح اقدر اعيش حياتي و انا مبسوطة ماف اي زول بقدر يسالني حتى كنتي وين ولا جيتي من وين ..و كمان جاتني عربية هدية من الله د ..
و رفعت عيونا عشان تمنع الدموع من انها تنزل ..
حسام (بي استهتار): يعني م ح تتصلي لي كل يوم و تفلقيني بالقصص !!
ريفان: ح اتصل كل ثانية و كدي مرة واحد بس م ترد والله بركب طيارة بجيك ولو م سريعة بجيك بالسمبك
حسام ضحك بالجمبة و ج سلم عليها و ودعها ..
حسام: متاكدة م دايرة تجي معاي المطار !! و تشوفي اخر اللحظات!
ريفان: هو انا م مصدقة انك متخارج.. انت بس اطلع من البيت عشان انا عازمة صحباتي دايرة اعمل حفلة ..
و تاني قشت انفها بالمنديل و زحت الخصل بي يدها ورا اضانها
ريفان: حيوان يلا يلا معسلامة م بحب اللحظات دي انا 👋تعال لينا سرعة ..
و بقت تلز فيهو لغاية م وصلو العربية كان سايقها نايف و جمبو ياسمين حسام طلع العربية و عاين لي ريفان عيونا كانت مليانة دموع و بتقاوم فيها..
اشر ليها بي يدو اول معسلامة ردتها ليهو بي نفس الطريقة تاني عمل ليها الحركة بتاعت اتصلي لي اكتفت بي انها تهز راسها بس ..
