بعد اسبوعين **
ريفان في الكافيه و بتتكلم مع سهم بالتاب ..
ريفان: يعني خلاص كدة مسافر بكرة !!
و دنقرت راسها ..
سهم(بي ضحك): م نفسي اقول ليك اي على الاقل المرة الفاتت انا كنت قاعد اي نعم فضحتينا و شرطتي عينا لكن م مشكلة
اخد نفس و طلعو و ظهر فيهو الضيق شوية بعداك واصل
سهم: لكن حاليا لو بكيتي هناك و في زول شاف وشك كيوت ح يجي طوالي يتكلم معاك
ريفان: نعم !!
سهم: احم م قلت حاجة
ريفان(بي خباثة): كيوت قلت لي !!
سهم:اها الشغل ماشي كيف ..
ابتسمت مسافة لكن قررت انها تعمل رايحة بالرغم من انها سمعت عشان دي اللحظات الاخيرة و و داع و كدة ♡
ريفان: اممممم بكرة ح نلاقي واحدة صحبة حسام و ح تساعدني القى الحاجات بي طريقة اسرع و كدة م عارفة لي هو مصر انو يعرفني عليها تفتكر في حاجة بينهم! 🌚
سهم: انا عارف الوش د
عاينت ليهو بي استغراب
سهم: لا ي ريفو م ليك دعوة بي حياتو الشخصية
ريفان : لي !! والله حماس
و قعدت تضاحك هو ضحك شوية معاها بعداك رد بي جدية
سهم: لالا خليهو اذا في حاجة يظبطها براهو بعدين انتي براك قلتي انو بحكي ليك صبر يبل الابري ماف
ريفان: والله تحديدا في الحاجات ال زي لا يبل الابري لا يبل كركدي
سهم: تحبي الامور ..م عندك موضوع بس
ريفان: انا بس ح اشوف الاجواء عاملة كيف اذا لقيتو محتاج مساعدة 🌚
سهم: ريفان لا
اكتفت بي انها تصر وشها و تقبل منو بالجمبة
_________
عند سهم***
باب غرفتو فتح ..
سميرة : سهم يلا ي بابا المواعيد قربت ♡
سهم: خلاص تمام ..
سميرة طلعت و قفلت الباب ..
سهم: عايني م تساعدي ولا اي حاجة احتمال هو م عاوزها م تستعجلي الاحداث و شوفي يعني ال بحصل عليهو
ريفان: اصلا ح اعمل كدة بس الصراحة بحب الدراما شديد
سهم: انا حقيقي يوم ح اتكافت معاك بي تصرفاتك دي
ريفان(بتحاكي فيهو ): ح اتكافت معاك
بهناك هو قعد يضحك مسافة بعداك وقف و فضل يعاين ليها و هو مبتسم ..
