بعد مرور سنة و نص**
تالين و سمر اي واحدة عرست و استقرت ..
جيهان قبلوها في المنحة و سافرت هوازن لسة ربنا م كتب ليها القسمة و مزن اتخطبت و ريفان حاليا قاعدة في الكافيه و قدامها ال لابتوب ملامح وشها مقلوبة لانها اتشاكلت مع سهم بالليل كانت لابسة بنطلون اسود و بلوزة قطنية بالاخضر فيها رسمة بتاعت سماعات بالابيض و اسبورت ابيض
فلاش باك
___________
طلعت هي و حسام كانت لابسة overall جينز بالازرق الغامق over size معاهو بي تحت بلوزة بيضاء قطنية بي اكمام طويلة نسبة لي انو الصيف ج و الاولد استار .. عاملة ضنب حصان و لابسة شنطة بالاسود
( للتفاصيل عن ال overall ابحثو في النت . م عارفة اسمو بالعربي لانو بتختلف التسميات بتاعتو من ناس لي ناس .. نحن بنقول ليها عفريتة 😂 ف قلت احسن تبحثو انتو و تشوفو شكلها)
كانت ماشة و مدخلة يدينها في الجيوب و بتدندن
حسام: سايق معاي شافعة !!
ريفان: اسكت م ليك انت طبعا في الموضة
حسام : امشي زي الناس 😒
ريفان : ابيت و بعدين راعي لي فارق السن بينا لو سمحت
حسام(بحاكي فيها): راعي لي فارق السن بينا
ريفان: اتلم نحن في الشارع هسي نضارب يودونا السجن م نعرف نقبل وين
حسام: وهمية 😒
ريفان: سخيف 😒
حسام : سغيلة 😒
و ضربها في راسها بي ورا ختت يدها محل م ضربها و جات تضربو بنية مسك يدينها و لفاهم عكس بعض بقت م قادرة تتحرك
ريفان: فكني
ابتسم بي فخر بعدها ضحك ضحكة استهتار و رد
حسام: م تضربي راعي لي فارق السن
ريفان: خلاص فكني طيب
فكاها و واصلو مشي .. عاينت ليهو مسافة بعداك قامت لزتو عاين ليها بي صدمة بعداك ضيق عيونو و لزاها
بقو ماشين اي واحد بلز في التاني لغاية م قربو من المستشفى . اول م شافت نور من مسافة ضربتو بنية في كتفو و قامت جارية عليها
ريفان: نوور
سلمو على بعض .. نور الاستايل بتاعها في اللبس بوهيمي م عارفة اوصفو اكتر من كدة كيف بي اختصار يعني بتختار ليها هدوم غريبة و التنسيق بتاعها غريب بي الوان كمان غريبة بس في الاخر بتطلع حلوة ♡
كانت لابسة اسكيرت بالبنفسجي (لون كدة خفيف) واسع فيهو تشكيلات غريبة بالكحلي و بلوزة بالابيض فيها تشكيلة صغنونة زي ال في الاسكيرت.. اسبورت ابيض و رافعة شعرها بي مشبك و لابسة نضارة ..
