ريفان سكتت مسافة و هي بتعاين جوا عيونو و طلعت نفس ..
هو م قدر يفهمو خوف ! تردد ! قال الكلام ال في بالها طيب !! متوقعة !!
واصل بعاين ليها ..
سهم : ريفان !!
لو م كانت بتتنفس .. ممكن ال زول يقول انها ماتت بس كانت بتعاين ليهو
سهم : ريفان م تسكتي كدة قولي اي حاجة
قبلت قدامها و اخدت نفس و طلعتو ..
سهم : ريفان !!
ريفان: سهم انا ماشة !!
سهم(بي صدمة) : شنو 😳!! ريفان جادة انتي !! عشان كلامي !
وقفت و شالت حاجاتها حتى كوباية القهوة بتاعتها ..
هو لسة كان قاعد رفع عيونو و عاين ليها مسافة بعداك تاني كرر ..
سهم: ريفان !!
ريفان: لازم امشي لازم
و اتحركت .. قام وراها لغاية م طلعت العربية و دورتها ..
كان واقف بي صدمة و بعاين م قدر يعمل حاجة غير كدة .... لمن هي دورت العربية هو لف على باب الكافيه و خت يدو في راسو و بقى بحاول ينظم في نفسو شهيق زفير ..
نزلت الشباك و ندهت ..
ريفان : سهم
في اقل من لحظة لف و وصل لغاية الشباك و بقى بعاين ليها انها تبرر اي حاجة ..
لمن هو وصل الشباك عاينت ليهو مسافة و بعدها قبلت قدامها ..
سهم: قولي لي 🤍
اخدت نفس و طلعتو و قبلت عليهو ...
ريفان: تمام ..
ضحك ضحكة م مفهومة نوعها شنو اصلا ممكن نقول م بين استهتار و استغراب و عدم فهم ..
سهم: هو شنو هو ال تمام !
ريفان: اوكي يعني ..
قرب حواجبو من بعض و عاين ليها بي نص ابتسامة و هز راسو بي استغراب ..
ريفان : خلاص لي وقت تاني ..
فجاة كانو رجع للواقع مسك في باب العربية ..
سهم: متين يعني وقت تاني !
ريفان: بنتفق !
ضحك و فك الباب و فضل بعاين ليها ..
سهم: تمام 🤍
ريفان : تمام 🤍
و دورت العربية و اتحركت طوالي ..
من جهة ريفان ***
كانت متحركة بالعربية و م عارفة اصلا هي ماشة وين بس لافة و بتتذكر في الحصل ..
تعابير وشها اتحولت لي استغراب ..
ريفان : د شنو الحصل هسي د كمان !!
