﴿ لا اعلمُ مَن باعَ الوطنْ...لَكنّي رأيتُ مَن دَفَعَ ألثَمنْ ﴾
" صدگ چذب كلنا دازينه بس علمود هالچم فلسطيني ؟"
(هالچم : بمعنى مجموعه قليلة من الناس)
تسائل ستيف بتذمر وهو يحچي عربي لأن ممنوع يحچون يهودي من يرحون لفلسطين وفقا كلام القائد ، يلي هو أبو دافيد و ستيف
" اسكت يابه وانتبه لا يجي واحد يطير راسك"
نطق جورج بهدوء وهو يباوع يمين و يسار بينما يتسللون لمنتصف غزه
اما دافيد فى يعرف اكو چم واحد من جماعه سنان جاي يراقبوهم و ينتضرون اشارة من دافيد حتى يصيح لسنان والباقين يجون يأسرون القادة المهمين من يخففون الدفاع
اما من جهة ثانيه فى چانت الفرق مقسمه كالاتي:
ثلاث فرق من جماعه سنان، الفرقه مكونه من سبع اشخاص
وليد و تامر وغيث ب فريق
مرتضى و سنان و يوسف بفريق
نعم ، يوسف چان وياهم من أنه اجالهم قبل چم يوم حتى يساعدهم ويگللهم على نقاط ضعف القادة والخ
" هذاك واحد من القياديين ماكو يمه حرس ، ياهو هذا ؟"
تسائل مرتضى وهو يباوع لشخص ضخم...بي شبه شوي من دافيد بمعانيه لكن لون عيونه بني و شعره هم مو كلش اشگر ، مائل على البني
" عم دافيد...يصير اخو الرئيس "
نطقها يوسف وهو يركز على هدف لازم هو و سنان يأسرونه ، وإذا ما گدرو يكضونه على الاقل يكتلونه
" مرتضى انت اهتم بعم دافيد ، اني و يوسف رح نتولة هذكول الاثنين الضخمين"
أملى عليهم سنان وهو يباوع گدامه بتركيز
أومئو الاثنين و امتثلو لطلب سنان
تسلل مرتضى من ورا أبيب ( عم دافيد وستيف)
تنهد براحه من راح أبيب بين الشجر بمكان معزول ناوي يدخن جگارة
تقرب منه بالزايد و حط سلاح على راسه من ورا
" جاك الموت يا تارك الصلاه "
نطقها بابتسامه بارزه اسنانه البيض.
من ناحيه ثانيه چان منضره يضحك وهو واگف على اطراف اصابعه حتى يوصل ايده لراس أبيب ، منذ أن فرق الطول بينهم شاسع
" اتذكر أن العرب يسلمون قبل ما يسولفون"
نطق ببرود جاعل من الاخر يستغرب
أنت تقرأ
دمّــي
Action﴿ وَ أن كان دمّي سوف ينزف فِداءَ لكَ، اريد ان اكون أسير لمن يسفك دمائي و أن كان العذاب هو الشرط الذي يجعلني ابقى بقربك ، فى لعنه الله على الارتياحِ ﴾ ! قصة مثلية ( شواذ ) ! / ليس لَها عَلاقة بالواقِع
