سعود همس بصوت مسموع له : بس لا اجل عينت خير يابو زيد ضاع الوضوء "
حست اريام بصوت بس مافهمت وش يقول
انصدمت يوم شافت سعود واقف وراها
اريام : معليش نسيت البس جلالي
سعود بربكه : لا عادي خذي راحتك....
سعود :الله يهبها في وجه الشيطان وش الي خذي راحتك شكلك والله انك مضيع
كلم سعود نفسه بعد ماطلعت اريام تجري من المطبخ وقف بعدها مفهي وهو يتذكر شكلها ومعالم جسمها الي طيرت عقله
سعود : اعوذ بالله العظيم وش جاني مهب علومي
رجعت اريام وهي مستحيه حاطه الشرشف على شعرها وجلال الصلاه مغطي جسمها
وقفت توزع البانكيك الي سوته في صحون تقسمه بينهم وبينه لفت نظره المناكير الاحمر
الي حاطته على أصابع يدها البيضاء وزادها فتنه مسح سعود على وجهه وهو يستغفر
اريام :سويت لك فطور بانكيك بس ماعرف اذا بيعجبك ولا لا دورت نوتيلا بالثلاجه بس ماعندكم
سعود : وشهو البانكيك؟
سألها سعود وهو مستغرب من الي حاطته بين يده قعد على الكرسي وهي قدامه تضحك
اريام : كنت راح استغرب اساسًا لو عرفته
سعود : افا تراني طباخ اعرف اسوي ازين من ذا الي مسويته
اريام : طيب ذوقه اول قبل تنتقد
سعود : خل اسمي بالاول شكله مايبشر بالخير
قعدت اريام بالكرسي الثاني بحماس بعد ماشافته يسحب قطعة من البانكيك يذوقها
اريام : ها كيف يويلك لو تنتقد
سعود : لا زين طلع يجي منك مع ان شكلك مايوحي على انك تطبخين
اريام : لسا ماشفت الوافل والمكرونات الي اسويهم تاكل اصبعك وراهم
ابتسم سعود على نبرتها المتحمسه وعفويتها
يوم تحرك يدها وهي تشرح كيف تسويهم له
الترف : الله اريام بقيتي لي نفسي فيه
قالت اريام اي لكن سعود قاطعها قبل تكمل : لا مابقت لك سوي لعمرك فطور
الترف : حرام عليك وربي مشتهيه اكله
سعود : حطيه لي بالعلبه باكله بالخط وانا راجع
جت الترف تحاول تسحب قطعه من صحنه بس ضربها على يدها بالخفيف وسحب الصحن عنده
سعود : لا تقربينه تراها مسويته لي
طالعت الترف في اريام وشافتها تضحك : وربي انك خاينه يا اريام قولي له شي
سعود : خلاص كليوم سوي لنا ذا القرصان الصغار دخلت مجازي
الترف : يسمي البانكيك حقك قرصان وربي مستحيل تتخطين
اريام : لو تخطيتها ماراح اتخطى مجازي
رد سعود وهو يضحك : اقول احشموني طقطقو علي وانا مب قاعد مهب وجهه بوجهه
أنت تقرأ
هاجسي وافكاري شاغلها غرامه
Random" ياسعود حبيت واحد من ديره غير ديرتي عشقته لين صار هو كل همي"
