هاجسي وافكاري شاغلها غرامه

البارت الثاني والعشرون

""""""""""""""
في بيت صافيه وتحديدًا في الغرفة اللي كانت السعود في وقت سابق او في الوقت اللي كان يسكن البيت هذا وحده هو صافيه فقط

من غير ما يشاركه احد في البيت او يشاركه احد في مشواره او يشاركه احد في شعوره او حياته اللي كانت هاديه في بيت هادي يخلو من الحياه

من قبل لا تصير هذه الغرفه محتله من قبل اخته وبنت خالتها اللي ماكان يعلم سعود بوجودها بالدنيا من قبل وفجاه من غير اي مقدمات احتلت على قلبه وزرعت فيه الحياه مثل ما زرعتها في غرفته و اطراف بيته كله

كانت الترف متمدده على بطنها في الفراش وسماعتها مشبوكه في جوالها بينما رجولها كانت تحركها على ورا وقدام

وهي تنتظر فاتن بنت عمها في لعبة بيجي بعد ما قالت لهم انها بتطلع من اللعبه حتى تكلم سعود اللي ناداها وترجع لهم

وفي هذه الاثناء كانت الترف مع ماجد وحدها باللعبه بعد ما ارسل ماجد لميس اخته وقال لها تطلع هي بعد من اللعبه من غير ماتحس عليه الترف

قالت الترف بملل لماجد اللي كان ساكت : "وين ميس لا يكون هي بعد انشغلت ؟"

رد عليها ماجد يقول : "لا" هذه انا عاد مصرفها"

عدلت الترف سماعتها على اذنها وهي رافعه حاجبها وتقول له : سلامات ليش تصرفها ؟"

مارد ماجد عليها في بداية سؤالها كونه ضرب جبهته بسبب غباء لسانه اللي نطق من غير اي تفكير

رجعت الترف تكرر سؤالها عليه من جديد ورد عليها ماجد يقول: "علق عليها النت وطلعت
وش تبين فيها ما اكفيك انا "

ضحكت الترف له بسبب ترقيعته بس ما امداها تختم ضحكتها الا وفزت من مكانها بخوف بهل اللحظه بسبب باب الغرفه اللي انفتح عليها بقوه

دخلت اريام الغرفه بعد ما فتحت الباب بقوه و حطت الترف ايديها على جهة قلبها من شدة خوفها وهي تسمي باسم الله واستتبعت حديثها تقول: "خير ان شاء الله مجنونه انتي
وشفيك داخله علي كذا طيرتي قلبي"

سكرت الترف المايك بعد ما شافت وجهه اريام كان احمر ولاحظت عليها انها كانت ترجف خفضت بعدها الترف من نبرة صوتها اللي كانت مرتفعه وسالت اريام اريام شفيك صاير لك شي"

ماردت اريام على الترف وبعد ما حست ان الترف لاحظت عليها انها كانت تبكي سكرت على طول لمبة الغرفه حتى ما تشوف الترف شكلها

استغربت الترف من تصرف اريام كونهم ماينامون بالعاده في هذا الوقت

شغلت الترف فلاش جوالها على وجهه اريام اللي فهمت انها تسالها من جديد عن حالها وقالت اريام بصوت منخفض وهي تحاول تخفي صوتها المكتوم : " تعبانه شوي و عندي
اسم"

تاففت الترف كونها تبغى تسهر واريام خربت
عليها بس رجعت تعدل جلستها و تفتح المايك من جديد تقول لماجد ماجد خلنا ندخل انا وانت قيم بدون خواتك اجل لان حتى فاتن شكلها بتتاخر"