هاجسي وافكاري شاغلها غرامه

البارت الثلاثون

"""""""""""""""
وعتمة الليل ماخلت اريام تلاحظ سعاد اللي كانت واقفه في وسط الصاله تراقبها وهي واقفه في غرفة صافيه تسولف مع سعود من غير ما تلاحظ سعاد اللي كانت واقفه وهي تبتسم بشر بينما اذونها كانت تسمع فيها صوت ضحكة سعود وهو يتكلم مع اريام

خرجت اريام من الغرفه وهي تضحك وتسكر الباب قبل لا تجري لغرفتها من غير ماتشوف سعاد اللي كانت تؤمي براسها لها كتهديد

مرت هذه الليله ومرت الليله اللي بعدها واللي بعدها ومر الاسبوع كله بشكل بطيئ على ناس وسريع على ناس ومن بينهم فاتن اللي ماكان دوامها في هذا الاسبوع اعتيادي مثل عادته كان دوامها مختلف كونها كانت كل يوم تقابل مازن في الصباح وفي المساء لا رجعت من الجامعه

وما كانت مكتفيه فى لقائه بس كانت كل يوم تشبع نظرها بشوفته وهو جالس على يسارها وبالقرب منها حتى تقدر تتأمله وتتنفس من ريحة عطره لين تمليه صدرها منه

ولا كان هذا الاسبوع بطيئ بعد على سعود واريام اللي كانت تستغل كل لحظه تختفي فيها صافيه من البيت حتى تقابل سعود فيها

ولكن يوم الخميس كان متخلف عليهم كلهم ومن بدايته ماكانت اريام موجوده مع البنات في طريقهم للجامعه ولا في رجعتهم منها كونها كانت غايبه وماكان مع مازن في السياره الا فاتن والترف

تعذرت اريام بتعبها الوهمي حتى ما تداوم مع الترف اللي داومت وتركت اريام متمدده على فراشها بملل

جلست اريام على جوالها تقلبه وهي تتقلب على فراشها بعد لكنها فزت من مكانها بعد ما سمعت صوت باب البيت انفتح

ابعدت الستاره من على الشباك وابتسمت باتساع بعد ما شافت صافيه اللي خرجت من البيت وتوجهت لبيت احمد ولدها

وقفت اريام قدام تسريحاتها وبدت تعدل شكلها وتنثر شعرها على كتفها من غير ما تغير بجامتها

سحبت جوالها من على السرير وهي تتوجهه لغرفة صافيه تدخلها من غير ماتدق باب الغرفه كونها تعرف ان ما يسكنها الا سعود اللي تعود على زيارتها لها طول الاسبوع

شغلت فلاش جوالها على السرير وهي تضحك بعد ما شافت سعود نايم على بطنه

تقدمت من اللمبات تشغلها وهي تضحك بشر وهي تشوف ملامح سعود اللي شد على عيونه بقوه بسبب الضوء

ضغط سعود وجهه على المخده وقال بنبره ثقيله بسبب نومه اريام

قربت اريام منه وهي تلوي شفايفها وتضحك : "كيف عرفتني ؟"

ضغط سعود باصبعه على عينه من غير ما يلتفت عليها حتى يمنع نظره عن ضوء اللمبات اللي احرق عيونه:" مين يشغل اللمبه علي وانا نايم غيرك؟"

ابتسمت اريام وهي تؤمي براسها و تجلس على حافت السرير بجنبه تقول : "سعود كل هذا نوم؟"

مارد عليها سعود وبدت تهز جسمه وهي تقول: "يا الله قوم تراني مو مداومه عشان اجي اسولف معك"