هاجسي وافكاري شاغلها غرامه

البارت الثالث والعشرون

"""""""""""""""""""""

مرت ساعه ومرت ساعتين وانقضى نهار هذا اليوم بطول وثقله على اريام اللي كانت طول اليوم عيونها على جوالها تنتظر مكالمه او حتى رساله من سعود

ومن بعد طول النهار غربت شمس اليوم ومازالت اريام في غرفتهم تنتظر خبر من سعود يطمنها عنه كونه مختفي من لحظة ما سافر وترك لها الديره خاليه من دونه

تا فتت اريام بطفش وهي ترمي جوالها على السرير بغيض وتجلس جنبه وهي تتافف من قلقها على سعود خافت ان فيه شي او صار لها شي بالطريق الشي الوحيد اللي كانت تبيه منه انها تطمن عليه

رفعت اريام جوالها من على السرير تحط شاشته قدامها كون جوالها كان مقلوب على ظهره ولا تقدر تشوف مین ارسل

رجعت شعرها على ورا بعد ما فتحت محادثتها مع سعود وكتبت له تحت مية رساله رسلتها له اليوم: ليش ماترد علي من الصباح وانا ارسللك طمني عنك فيك شي؟ "

مارد سعود هذه المره ولا المرات اللي قبلها على رسايلها اللي ارسلتها له نزلت اريام راسها للاسفل بعد ما غلغلت ايدها بين شعرها تفرك راسها اللي بدا يوجعها من شدة تفكيرها و توترها

رفعت اریام راسها بسرعه بعد مادخلت الترف الغرفه تقول : "باقي سعود مارد عليك"

نفت اريام براسها وهي تربط شعرها اللي دايم يتعبها من نعومته لفوق وقالت لها الترف :"طيب لا تجلسين طول اليوم بالغرفه وحدك ترى يحسبون فيك شي تعالي اجلسي في الصاله عمتي سعاد تسال عنك"

اومت اريام براسها للترف وقامت بعدها من على السرير وهي تسحب جكيت ثقيل من الدولاب تلبسه على تيشريتها الخفيف ولحقت بعدها الترف اللي طلعت قبلها

اول ما شافت سعاد اريام لوت وجهها و قالت بصوت عالي حتى تسمعهل اريام اللي توها دخلت الصاله : انا ما احب البنت اللي ماهلا متخندسه داخل الغرفه اكيد انها تهرج الله
لا يبلانا"

رفعت اريام حاجبها باستغراب بعد كلام سعاد ناظرت بعدها في الترف اللي رفعت كتفها هي بعد دليل على انها ما فهمت وش تقصد سعاد

ضحكت رنيم اللي فهمت مقصد عمتها باحراج وقالت لاريام اللي جلست جنبها تحاول ترقع لها كلام عمتها : عمتي سعاد تقصد انك قاعده في غرفتك بس"

قاطعت سعاد رنيم تقول : " لا ما قصدي كذي انا قصدي واضح ماله داعي تستغبي وتسوي نفسها مهب فاهمه

انصدمت اريام من اسلوب سعاد معاها وردت عليها تقول :" انتي شايفه علي شي شفيك تتكلمين معي بهذه الطريقه "

كتفت سعاد يدها ورفرفت لامها اللي صارت تقرصها في جنبها وتاشر لها حتى تسكت لكنها قالت: ما شفت شي لكن ما تقعد الوحده في الغرفه وحدها الا ان عندها بلاء ولا قاعده تكلم واحد معها"