هاجسي وافكاري شاغلها غرامه

البارت العاشر

"""""
حرك راسه بيأس منها ونزل من السياره يكلمهم بعد مانزلو قدامه : ادخلو انتو لين ادور المحفظه واجيكم

ردت عليه فاتن : لا خلينا ندخل سوا عشان تطلب معانا

رد عليها وهو يفتش جيوب المقعده الخلفيه بعد مانزلوا : جايكم ماتفرق معي بالاكل اطلبو لي أنتم الي بتاخذونه

مشت الترف مع فاتن الي كانت متوقعه اريام وراها لكن بعد مالتفت شافتها واقفه جنب السياره وتأشر لها تروح

اريام رجعت توقف جنب سعود بعد ما تطمنت ان فاتن دخلت المطعم ومابقي الا هي معه

فتحت الباب الي كان على جهتها وهي جالسه في السياره : خليني ادور معاك

طالع فيها وهو يفكر : والله مدري وين حاطها المشكله اني ناسي

سحبت ثوبه الي كان تحت المقعده وجلست على مقعده بعدها جا يسحبه من يدها حتى
يدور داخله لكن بعدت يده

نطقت بنبره واطيه يادوب يسمعها : مو انا الي حصلته؟ انا الي راح ادور بداخله

ابتسم لها بعد ماصارت تفتش في جيوبه وتناظر فيه خرجت بعد ثواني محفظته ورفعتها بيدها

سحبتها داخل شنطتها وهو يناظر فيها بصدمه : خلاص ماراح اعطيك هي لين تصير تحافظ على اغراضك

قرب منها بعد ماكان واقف على بعد مسافه وهي جالسه داخل السياره يحاوط بيدينه السياره ويسد الباب بجسمه : تدرين ان المحفظه والي فيها كله تفداك

ضحكت بنبره ناعمه : قفل السياره وعطني مفتاحها
بعد عشان ماتضيعه

بعد عن الباب بعد ماشافها تحاول تنزل : طيب ماودك تاخذين راعيهم بدال اغراضه

نزل من السياره وهي تأشر لها بيدها : لا مابيه بس اغراضه يلا خلينا ندخل تأخرنا

قفل السياره وشافها تمد يدها له ضحك لها وقال : صامله يعني ماتمزحين

هزت براسها بأي وسحبت المفتاح من يده يمشون سوا لداخل المطعم ناظر لطولها وشكلها جنبه هيئتها واناقتها حتى مشيتها وادق تفاصيلها كيف بكل صفاتها يحس انها لايقه عليه ومخلوقه على مزاجه

بعد ماعرفت ان الجلسات فوق وتحت الطلب نادت على سعود الي كان متوجهه لدرج سعود خلينا ناخذ الطلب ونطلع مرا وحده فوق عندهم بعدين

ناظر فيها وهو رافع حاجبه :لا مهب زين وقفتك هنا حلاص اطلعي انتي عندهم وانا بجيبه واجيكم

هزت راسها بالموافقه طلعت كون خطتها مشت وماراح تشهد عليه هو وفاتن يسولفون قدامها من جديد

كانت الترف جالسه مع فاتن بملل يسولفون والجوع شاغل عقولهم حطت فاتن راسها على الطاوله بخمول : راح نتشارك نفس الوجيه انا وياه