هاجسي وافكاري شاغلها غرامه

البارت الثامن عشر

"""""""""""
جلست نوره على الكنب وهي تضحك بعد ما سمعت كلام بنت اختها مشاعل اللي لقبتها بالخاينه كونها غدرت في زيد واختارت فهد عليه

استغربت اريام من ردة فعل نوره توقعت انها بتهاوش او تصيح بس دخلت عليهم وهي تضحك ولا اهتمت للموضوع كثير

جلست نوره بينهم وهي تنثر شعرها بغرور : مدري ليش دايم يقولون اني خنت زيد ويحسسوني انه شخص مظلوم وطيب واني انا الشخص الشرير في القصه كلها مو ضحيه"

نطقت مشاعل بخوف من خالتها :" بس يا خاله انتي خنتيه صدق مع فهد"

ردت نوره وهي متنرفزه : انا كنت احب فهد من قبل لا يغصبوني اهلي على زيد ويبلشوني فيه حتى امك كانت تدري بحبي لفهد

رفعت اريام حاجبها باستغراب بعد ما قالت لها نوره: لا تصدقينهم ترى انا ما خنت ابوك هو اللي استغل ان اهلي ما عندهم شي وعارف
بيوافقون عليه وظلمني معه "

ردت عليها اريام: شلون استغلك ابوي"

قالت لها نوره تحكيها : "كنت احب فهد ولد جيرانا وانا صغيره كنت اعرفه من قبل لا اعرف ابوك وحتى اهلي كانو معطينه المواففه لانه كان شبه خاطبني بس ابوك مره كان عنده شغل هنا وشافني مع واحد من خواني عجبته وقتها وخطبني"

لوت شفايفها اريام وسالتها بتردد: " وفهد اللي تحبينه ليش ما خطبك وقتها"

تنهدت نوره وقالت:" سافر فهد يكمل دراسته بعد ماتخرج من الثانوي برا وابوي وخواني يوم شافو ان ابوك معه فلوس ومحلات طمعو فيه لان ما معهم شي وزوجوني ياه"

کملت نوره بعد ما شافت نظرات البنات المتحمسه ويبونها تكمل لهم :" بعدها عاد تزوجت زيد الصدق كان يحبني بس ماحبيته "

التفت على اريام تقول لها : ادري ماترضين على ابوك بس ماكنت اتقبله الصراحه"

ضحكت اريام لانهم مصدقين كذبت انها الترف

حطت يدها على شفايفها تحاول تخفى ضحكتها

بعد ما سمعت صوت نوره اللي كملت : " حملت في سعود وانا عمري ١٦ سنه وقتها رجع فهد من بريطانيا وعصب وزعل اني تزوجت حاولت ابرر

له واتصل عليه بس ماكان يرد علي حتى"

قالت حنين تقاطعها : " اي يا خاله بس كشفكم زوجك وقتها صح ؟"

کشرت نوره وقالت: "ترى اذا ما سكتي والله لاقوم وما اكمل "

اشرت لها اريام لحنين حتى تسكت وقالت: لا تكفين كملي وش صار على سعود بعد ما ولدتيه"

مسکت نوره شعرها ترفعه فوق وقالت : " الصدق ماصار شي له بس انا اللي صار لي جاء فهد ديرتكم وشافني ابوك معه ضربه ابوك لين عض الارض بس انا ماقال لي شي انتظرني لين اولد ورماني مثل الكلبه عند الباب"