هاجسي وافكاري شاغلها غرامه

البارت السادس

اخذهم الوقت بسرعه وجلسو على قرب العشاء جلسو بعدها في الصاله ينتظرون سعود حتى يجي ياخذهم

كانت اريام لابسه فستان اسود ماسك الى تحت الركبه شوي وحاطخ مكياج ناعم بس عطت وجهها اكثر بالروج الاحمر ومسويه شعرها ويفي
والترف لابسه مخور امارتي
طويل ومسويه شعرها كيرلي ومكياجها بعد ناعم وبسيط

ارسل سعود للترف انه ماراح يقدر يجي ياخذهم وواحد من عيال عمه بيمرهم هو
واهله ياخذهم معهم

الترف : شوفي اعتقد انه هذا ولد عمي سيارته واقفه عند الباب يلا
اريام : بس اول شي اسأليه يمكن مو هو

خرجو الترف واريام من البيت بعد ماكانو يراقبون من شباك الغرفه اي سياره تجي وتاخذهم

بعد ماشافهم ماجد خارجات من البيت دخل السياره يقول لاخته فاتن تنزل وتكلمهم

فاتن : السلام عليكم اهلين بنات كيفكم
ردو عليها الترف واريام ورا بعض وسألوها عن حالها سألتها بعده الترف :انتي بنت عمي ؟
فاتن : اي تعالو اركبوا يلا عشان مانتأخر

بعد ماركبو السياره رد السلام ماجد عليهم ومسك خط البلاد حقهتم جلست فاتن بعدها تقلب بالراديو تدور على اغنيه

فاتن : بنات تبون تسمعون شي
الترف : شغلي على راحتك
فاتن : عاد على راحتي بشغل نانسي
ماجد : فكينا بالله من ذا الخايسه
فاتن : اقول اهجد لا اعلمهم وش تسمع
ماجد همس لها :خلاص بهجد
اريام همست للترف : مو قادره اتنفس من رمية الطرحه الثقيله
الترف : تكفين حتى انا بدوخ من الكتمه

بعد دقايق وصلو البلاد نزلو البنات ومشو ورا فاتن بعد ماوصلو مجلس الحريم فسخت فاتن عبايتها قبل تدخل

فاتن : فسخو عباياتكم هنا وعدلو مكياجكم اذا تبون ترا اذا دخلتم بتطبون على الحريم على طول
اريام : ماعندي مرايه اشوف شكلي فيها
ف

اتن : انا عندي خذيها

بعد مادخلو المجلس رحبت فيهم صافيه وحريم اولادها وحفيداتها جلسو البنات معهم وبدو ياخذون معهم
فاتن : ياحلوكم بنات ماشاءلله تهبلون
اريام : تسلمين والله انتي الزين كله
فاتن : خير سمعينا صوتك من اليوم وانتي ساكته
الترف : يعني مستحين وكذا
فاتن : تعالو اعرفكم على بنات عمي وخواتي بتنبسطون معهم
ريماس : فاتن وين المسجل نبي نلعب اليوم خطوه
فاتن : شوفو ذي الهبله رموس بنت عمي احمد الكبير وعندها اربع خوات المراهقين الي هناك قاعدات وثنتين اكبر منها متزوجات وانا عندي اخت بعد معهم المراهقات قاعدات
الترف : وش سالفتك مشخصنتها مع سن المراهقه
فاتن : ماطيق ذا السن تكفين لا تذكريني 
اريام : وانتم كم اعماركم ؟
ريماس : انا في ثالث ثانوي
فاتن : انا معكم بالجامعه بس اكبر بسنه
الترف : صح ليش ماتداومين معنا