ابتسمت له ودخلت البيت بعد ماسمعت الترف تناديها
وقف يتأملها وهي تمشي مبتعده عنه يحرك ايدينه بشعره وهو يضحك بصوت واطي من جرائتها قدامه كووها تسولف معه بشكل طبيعي بدون خجل ولا مغطيه وجهها حتى
" بنات المدن الله يستر منهم بس "
"افلحت ابها اسبوع وعودت بمره معك لو مخلينك شهر بتعود انت وسفانك"
خرج من سهوته ماجد ولد عمه الي كان يراقبه وهو يكلم اريام
ضربه سعود بمسبحته على جبهته بعد ماجته الجمده يوم سمع صوت ماجد يحسبه واحد من اعمامه
" الله ياهبها في وجهك هذي من اهل زوجة ابوي مهب مرتي "
مسح ماجد جبهته بعد ماعلمت بسبب ضربت
سعود
" الله اكبر كيف تنازلت عمتك وجات الديره "
" ماجت هي جات بنتها وبنت اختها عشان يدرسون وكان من النشاده "
رد عليه سعود ودخل البيت بعد مادق الباب عشان اريام تاخذ حذرها
" البنات في المطبخ تعال تعال"
صاحت عليه صافيه وكانت بالمطبخ تتغدا مع البنات
" بدخل غرفتي اخذ اغراضي وانظف الهنقر عشان البنات ياخذون راحتهم "
اقترح عليها بعد ماتذكر وصية ابوه ان يترك البيت لهم
" اذا بغيت شي يايمه ادعيني "
دخلت المطبخ تكمل اكلها مع البنات الي كانو يسولفون عن الجامعه وخططهم لها
دخل سعود غرفته بضيقه من الي صار له اليوم مع ابوه ماحب كيف ابوه عامله قدامهم وخصوصا قدام اخته الي ماقد شافها الا في صغره
تقدم من التسريحه وشاف عقد رقبه ابتسم يوم عرف انه لاريام لانه شافه بالصوره الي بجوالها
حطه ب جيب ثوبه نوى يحتفظ به بدون سبب وكمل بعدها يجيب اغراضه الي بالغرفه كلها وقف من شغله صوت دق الباب
" سعود عادي ادخل؟ "
" حياك يالترف "
عرف انها اخته الي جته الباب كون جدته تدخل عليه من غير ماتطق الباب
"هذا غداك جدتي قالت لي اعطيك اياه "
كانت شايلها الصحن وهي متسحيه منه كونها
ماقد تعاملت معه ولا دار بينهم حديث
قرر سعود انه يبادر مع اخته
"جعل يدها ويدك تسلم كبرتي يالترف"
ماعرفت الترف وش ترد عليه طغى عليها الخجل وحطت الصحن فوق الكومدينه وقبل تطلع سألها سعود
"متى بتداومون "
" من بكرا "
_
______________________
قبل اذان الفجر كان سعود مستقبل القبله ويصلي لربه الوتر طبق سجادته بعد ماخلص ومشى يخرج من الهنقر الي صار مكان نومه
الجديد بدل غرفته الي استحلوها البنات
أنت تقرأ
هاجسي وافكاري شاغلها غرامه
De Todo" ياسعود حبيت واحد من ديره غير ديرتي عشقته لين صار هو كل همي"
