هاجسي وافكاري شاغلها غرامه

البارت السابع عشر

""""""""""
نزل سعود من السياره ومن الجهه الثانيه نزلت اريام وهي تشيل بيدينها جزء من عدد الاكياس اللي يشيلها سعود

كان من بينها هدايا لامه واغلبها كان لاخوه العاب و للمولوده الجديده اخته ملابس

وقف قبال باب بيت خالته شقيقة امه وهو يتصل على جوال امه حتى ترسل حد يفتح له

وبعد دقيقه واقل من دقيقه انفتح له باب الحوش من قبل اخوه اللي راح يركض حتى يفتح له بعد ما قالت له امه ان سعود جاء

انحنى سعود بطوله يجلس على الارض وهو يحضن مالك اخوه اللي قال : " اشتقنا لك ليش من زمان ما جيت عندنا

ضحك سعود وسلم على راسه قبل لا يرد عليه  : وانا مشتاق لكم اكثر بعد تعال ندخل لعند امي بعدين عاتبني"

هز مالك براسه وقال : ترى امي زعلانه عليك"

ابتسم سعود وهو يمسح على راسه قبل لا يوقف:" حقها والله تزعل "

ناظر في اريام اللي كانت تبتسم لهم وبعدها ناظر في مالك اللي توه يلاحظ على اريام واستغرب من وجودها

ساله سعود:" في احد عند امي؟"

اومئ مالك براسه وقال :" اي خالتي وبنات خالتي"

سعود : اجل خذ لي طريق يا بطل وتعال"

اشر مالك على خشمه قبل لا يدخل البيت وقال سعود اللي صار يضحك على حركة مالك :" هذا وانت متربي برا"

ردت اريام وهي تضحك :" ابدا مو باين من لهجته انه عاش برا

قال سعود" شفتيه وهو يناظرك ؟"

اومت اریام براسها ورد سعود وهو يضحك على اخوه : ترى كانت نظرات تحليل الحين داخل قد وصلهم طرف علم"

شهقت اريام وهي تحط كفوفها على شفايفها :  " سعود توني استوعب الموضوع وش بنقول لهم"

غمز لها بعد ما شاف مالك ياشر له عشان يدخل البيت وقال:" الحقيني وما عليك مضبط كل شي"

دخلت اريام وراه البيت وهي تنزل النقاب عن وجهها ابتسمت بعد ما سمعت صوت سعود العالي وهو ينادي على امه

خرجت نوره من غرفة النوم بعد ما شافت ولدها سعود اللي استبشر وجهه بشوفتها وراح يحضنها

نوره : حرام عليك تكبرني كم مره قلت لك لا
تقول لي يمه "

باس يدينها للمره اللي معد يعرف كم هي وهو يبتسم " وش تبيني اقول لك لعد خالتي"

تاففت نوره وقالت: سعود حرام عليك جالسه طول الشهرين هذه من يوم ولدت اسوي دايت و اهتم بنفسي واخر شي تجي وتكبرني بهل
الكلمه "

رجع ظهره على ورا وهو وجالس على الكنبه يسحبها بجنبه يضمها وقال:" خلاص ابشري
وش تبيني اناديك"