هاجسي وافكاري شاغلها غرامه

البارت الواحد والعشرون

طولت كثير اسفه والله

"""""""""""""""""
وكعادة اتخذتها عائلة سعود ومن زمان طويل في كل يوم جمعه لهم تجتمع العائله كلها من بعد صلاة الجمعه في بيت صافيه او في بيت واحد من اولادها

ولكن هذه المره كان المكان اللي بيجتمعون مختلف واختاروا انه يكون في البلاد من بعد ما فرض احمد وناصر العقاب على اللي طلعوا من الديره من غير ما يخاذون شورهم

من بعد صلاة الجمعه وفي اللحظات اللي كان سعود يكلم فيها اريام وصل عمهم ناصر للبلاد وكان يرافقه عياله وبنات اخوه احمد اللي ما كانوا من ضمن العقاب باستثاء ريماس اللي كانت موجوده من قبل

اما بالنسبه للاشخاص اللي كانو في البلاد من الليله اللي قبلها كان اجتماعهم في الخيمه يستقبلون ويضيفون اللي جو من الديره

دخل سعود الخيمه اللي كان فيها عيال عمامه وعمه ناصر بس من بعد ما انهى حواره مع اريام اللي كانت تصد عنه وتتهرب منه

مع انها كانت تتجاهله وتحاول تخفي مشاعرها عنه بس كان لحظتها سعيد انها جت وبادرت له حتى بلحظة بزعلها اللي ما قدر يفسره كان مبسوط منها

تقدم يسلم على عمه ناصر لكن ما كانت غمزات وهمسات ماجد ومازن تخفى عنه استغرب سعود من نظراتهم له وابتساماتهم اللي كانت تتوزع له

قال ماجد من بعد ماصار يغمز السعود اللي كان يسلم على راس ابوه : " ماشاء الله عليك يا ابو زيد اشوفك مروق اليوم"

رفع سعود حاجبه وهو يحاول يخفي ابتسامه كونه فهم توه قصدهم ومن بعد ما سمع صوت مازن اللي قال له : شوي شوي على وجهك لا ينشق يا الحبيب وانت مبتسم "

رد ماجد على مازن وهو يتنهد: "الله يرزقنا"

جلس بعدها سعود جنب مازن وهو يبتسم من غير ما يرد عليهم لكن التفت على عمه ناصر بعد ما قال لمازن وماجد: " وشفيكم انتم ؟"

كتف سعود ايدينه على بعض وهو يرد على عمه :" ما عليك منهم ياعم الاثنين عليهم قل صحه"

قال مازن وهو عابس شفايفه" طيب سعود ابي اكلمك "

التفت سعود على مازن كونه كان جنبه وشاته برجله على خاصرته وهو يهمس له:" عيدها وشوف وش يجيك

صرخ مازن وهو ماسك جنبه اللي صار يالمه وهمس السعود حتى ما يسمعه عمه ناصر : "جعل رجلينك للكسر ياسعود"

تجاهله سعود و سالهم حتى يغير الموضوع :" وين راح نايف ما اشوفه ؟"

رد عليه ماجد بعد ما تمدد وفتح جواله يقعد عليه :" ابوي قال له يروح ينقي لنا قعود حتى تسويه لنا انت يا الحبيب مفطح

قال سعود" انا اقول.."

وفي اللحظه اللي كان سعود بيكمل فيها كلامه انقطع صوته بسبب دخول البنات بس ماكان هذا هو السبب اللي وقفه من حديثه