သစ်သား တံတားလေးအား ခြေချရင်း မူရာက အရှေ့က ဦးဆောင်ကာ ခေါ်သွားသည်၊ သူတို့အခုသွားနေတာ တောအုပ်အလည် စိမ်းလမ်းစိုပြေနေတဲ့တောအုပ်ရဲ့အလည်တစ်နေရာဆီသို့။ တကျီကျီအော်နေတဲ့ ငှက်သံလေးတွေဟာ တောအုပ်ကို အလှဆင်ပေးနေသလို။
မိုးရာသီသို့ ရောက်နေပြီဖြစ်တာကြောင့် စိုထိုင်းထိုင်းဖြစ်နေတဲ့ ပထဝီမြေကြီးဟာ ရွံမြေသဏ္ဍာန်ရှိသောကြောင့် ဆောင်းဟွန်း သူ၏ ဝတ်ရုံကိုမကာ မူရာ့အနောက်ကို လိုက်ရသည်။
" စောင့်အုံး မူရာ! "
သူ့နောက်ကို ပြေးလိုက်လာတဲ့ ဆောင်းဟွန်းကို မူရာပြုံးလျက် ကြည့်နေမိသည်။
အနည်းငယ် လမ်းလျှောက်ပြီးတဲ့အချိန်မှာတော့ ရောက်ရှိခဲ့တဲ့ စိမ်းလဲ့လဲ့ ရေကန်လေးတစ်ခုရဲ့တည်နေရာ ရောင်စုံဖူးပွင့်နေတဲ့ ပန်းလေးတွေရဲ့ အလည်မှာ လှပစွာတည်ရှိနေတဲ့ ရေကန်တစ်ခု။ သီးခြားဖြစ်တည်နေတဲ့ အရာတစ်ခုလိုမျိုး။
" ဒါက ကျွန်တော်စိတ်တွေရှုပ်ထွေးတိုင်း လာနေကြနေရာ "
နွယ်တွေနဲ့ တည်ဆောက်ထားတဲ့ ဒန်းလေးလဲရှိပြီး လှပတာထက် ပိုသည့် သုခဘုံလို။
အမြင့်ကနေ မြင်ရတဲ့ ရေကန်ကြီးဟာ ပြာလဲ့နေပြီး ဘေးပတ်ပတ်လည်၌ ရောင်စုံပန်းများ ဖုံးပွင့်နေတာကြောင့် နကိုလှသည်ဆိုတဲ့ ရေကန်ဟာ အဆမတန်လှပနေ၏။
" မင်းသားပတ်ခ် စိတ်ကျေနပ်ရဲ့လားခင်မျာ "
အခုတလော မူရာက ဆောင်းဟွန်းကို အရင်တုန်းကလို 'ဆောင်းဟွန်း' လို့မခေါ်တော့ပဲ 'မင်းသားပတ်ခ် ၊ ဟွန်းလေး' စသဖြင့်ခေါ်လေ့ရှိတယ်။ တစ်ခါတစ်လေ 'ဟွန်း' လို့လဲ အဖျားစွတ်ခေါ်သေးတယ်။
အဲ့လိုခေါ်တိုင်း ဆောင်းဟွန်းရဲ့မျက်နှာက လှပစွာ ပြုံးရယ်တတ်လို့လေ။ ဆောင်းဟွန်းရဲ့ အပြုံးက စိန်ထက်ရှားတယ်၊ ပြီးတော့ စိန်ထက်လဲ အဖိုးတန်တယ်။ ဆိုတော့ မူရာက စိန်တစ်လုံးလို တန်ဖိုးထားရမည်မဟုတ်ပါသလား။
" လှလိုက်တာ "
" ကြိုက်တယ်ဆိုရင် ဒီနေရာကိုအချိန်တိုင်းလာလို့ရတယ် ဒီနေရာက ကျွန်တော်တစ်ယောက်ထဲ ပိုင်တဲ့နေရာ ဟွန်းကြိုက်ရင်အချိန်မရွေးလာလို့ရတယ် "
YOU ARE READING
𝗧𝗵𝗲 𝗦𝗼𝘂𝗻𝗱𝘀 𝗼𝗳 𝗛𝗲𝗮𝗿𝘁𝗯𝗲𝗮𝘁 | 𝗛𝗼𝗼𝗻𝗸𝗶✓
Fanfictionအိမ်ရှေ့စံ မူရာ့ရဲ့ နှလုံးခုန်သံက ဘယ်သူနဲ့မှ မတူဘူး သီးခြားတည်ရှိနေတဲ့ အရာလိုမျိုး။ ပဒုမ္မာ တစ်ပွင့်လို နှုတ်ခမ်းနဲ့ အသားရည်ကို ပိုင်ဆိုင်ထားတဲ့ ဟွန်းကို ပဒုမ္မာတစ်ပွင့်နဲ့ တင်စားဖို့ မေ့လျော့နေခဲ့တဲ့ မူရာ့ရဲ့ အချိန်အချို့ကို နှမြောမိပါတယ်။
