អព្ភូតហេតុស្នេហ៍ | PerthChimon

Part 1

បញ្ជាក់តិចចចចច
New = លោកតារបស់ Chimon
Tay = លោកតារបស់ Perth
—

⛅️⛅️⛅️⛅️

Perth បង្ខំខ្លួនឯងឱ្យក្រោកពីព្រលឹមព្រោះឪពុក​របស់គេ​បាន​ប្រាប់​ថ្ងៃ​មុន​ថាគេត្រូវទៅទទួល​អ្នក​ជំនួញ​ដ៏​សំខាន់​ម្នាក់​ដែល​មក​ពី​ទីក្រុង​ London នៅ​ព្រលាន​យន្តហោះ។ គេគួរតែទៅទីនោះម៉ោងប្រហែល 10ព្រឹក ព្រោះយន្តហោះរបស់អ្នកជំនួញម្នាក់នោះគ្រោងនឹងចុះចតនៅម៉ោង 10:30។
ដូចសព្វមួយដង គេបានទៅផឹកស៊ីជាមួយមិត្តភ័ក្តិកាលពីយប់មិញ ដើម្បីអបអរការចូលទៅកាន់ពិភពអាជីវកម្មថ្មី។ ពួក​គេ​មិន​ដែល​អស់រឿង​ដើម្បី​អបអរ​ឡើយ ពេលខ្លះ​ពួកគេ​គ្រាន់តែ​លើក​ហេតុផល​​មួយដើម្បីអាច​ជប់លៀង។ មិត្តភ័ក្តិរបស់គេសុទ្ធតែជាអ្នកដែលនឹងចាំទទួលមរតកក្រុមហ៊ុនរៀងៗខ្លួនរបស់ឪពុកម្តាយ, មួយៗតែងតែខ្ជះខ្ជាយលុយឪពុកម្តាយទៅលើមនុស្សស្រី។

Perth គឺជាអ្នកចុងក្រោយដែលចូលធ្វើការដូច្នេះការប្រារព្ធពិធីនេះគឺ កាន់តែពិសេសបន្ថែមជាងមុន
តាមការរំពឹងទុក គេបានជួបនារីស្រស់ស្អាតម្នាក់ដោយចៃដន្យនៅក្លឹប ហើយបានបញ្ចុះបញ្ចូលនាងឱ្យចំណាយពេលមួយយប់ជាមួយគេទៀតផង។
(f boy តា៎ពិននឹង)

ដោយដឹងថាគេមិនមានពេលច្រើនមុនពេលជំនួយការមកយក Perth បានងូតទឹកយ៉ាងលឿន ហើយស្លៀកពាក់។ Perth ឮ​សំឡេង​យំ​ស្រទន់​មក​ពី​លើ​គ្រែ ពេលគេយក​សំលៀក​បំពាក់​ពី​ឥដ្ឋ នារីម្នាក់​នោះ​ភ្ញាក់​ហើយ​ដើរ​រក​ Perth។

«ឆាប់ទៅណា?» នាងសួររួចរំកិលភ្នែកទៅមើលមុខរាងក្រាស់។ រូបរាងខាងលើរបស់នាងត្រូវបានលាតត្រដាងទៅ Perth ដើមទ្រូងទទេររបស់នាងកំពុងតែស្វាគមន៍ Perth ពេញៗភ្នែក។

"អឺ-" Perth មិនបានចាំឈ្មោះរបស់នាងទេ រឿងតែមួយគត់ដែលគេចងចាំគឺរបៀបដែលនាងស្រែកហៅឈ្មោះរបស់គេ។

"ខ្ញុំ​មាន​ការងារ! ខ្ញុំត្រូវចាកចេញឥឡូវនេះ ខ្ញុំ​នឹង​ខលទៅ​នាងពេលក្រោយអូខេទេ?" Perth និយាយដោយធ្វើពុតជាចាប់អារម្មណ៍ចង់ជួបនាងម្តងទៀត

"មិនអីទេ" នាងងក់ក្បាលទាំងញញឹម

"ខ្ញុំនឹងបង់ថ្លៃបន្ទប់ ដូច្នេះនាងអាចស្នាក់នៅរហូតដល់ម៉ោងប្រហែលថ្ងៃត្រង់" Perth ថើបថ្ពាល់របស់នាងជាការលួងចិត្ត រួចចាកចេញពីបន្ទប់យ៉ាងលឿន។ Perth អត់​មាន​លេខនាងហើយ​គេ​ក៏​គ្មាន​គម្រោង​ហៅ​នាង​ម្ដង​ទៀត​ដែរទោះបីជាគេមាន​លេខនាង​ក៏​ដោយ។