🌤️🌤️
"អរុណសួស្តី" Chimon ស្វាគមន៍ Perth ជាមួយនឹងកាហ្វេនៅលើដៃរបស់គេ Chimon ខំងើបពីព្រឹកដើម្បីធ្វើម្ហូបឱ្យ Perth ទោះបីគេមិនបានញ៉ាំអាហារពេលព្រឹក ហើយមានកិច្ចការជាច្រើនដែលត្រូវធ្វើក្នុងការិយាល័យជារៀងរាល់ថ្ងៃក៏ដោយ។
"អរុណសួស្តី" Perth និយាយដោយអង្គុយមុខអារហារពេលព្រឹករបស់គេ។ Chimon ផឹកតែកាហ្វេនៅពេលព្រឹក និងពីរទៅបីដងទៀតពេញមួយថ្ងៃ ដែលធ្វើអោយ Perth ទើសភ្នែកជាខ្លាំង។ Perth ជឿថាវាអាចជាហេតុផលដែល បេះដូង Chimon តែងតែលោតញាប់គ្រប់ពេលដែលនៅជិតគេ។
"យើងនឹងមានកិច្ចប្រជុំបន្ទាប់ពីអាហារថ្ងៃត្រង់ តើលោកត្រៀមខ្លួនសម្រាប់វាហើយឬនៅ?" Chimon សួរ
"ពិតប្រាកដណាស់" Perth ឆ្លើយដោយទំនុកចិត្ត គេរំពឹងថា Joss នឹងរៀបចំអ្វីគ្រប់យ៉ាងដែលគេត្រូវការពេលក្រោយ បើមិនដូច្នោះទេគេនឹងបណ្តេញ Joss ចេញពីក្រុមហ៊ុន។
"ល្អ នេះជាការប្រជុំដ៏សំខាន់ មានគម្រោងជាច្រើនដែលត្រូវលើកមកនិយាយ" Chimon រំលឹក
"បងដឹងហើយ!!" Perth តបដោយបន្តញ៉ាំអារហារពេលព្រឹករបស់គេ
ញ៉ាំរួចពួកគេក៏បើកឡានចេញទៅរៀងៗខ្លួនព្រោះ Chimon នឹងមានការប្រជុំនៅខាងក្រៅការិយាល័យមួយទៀតនៅព្រឹកនេះ។ Perth ទូរស័ព្ទទៅ Joss នៅពេលដែលគេមកដល់ការិយាល័យ ដើម្បីប្រាប់ Joss អំពីរបាយការណ៍ដែលគេនឹងបង្ហាញនៅពេលក្រោយ។
[ពេលប្រជុំ]
Chimon បានធ្វើបទបង្ហាញមុន Perth គេបានរាយការណ៍ពីស្ថានភាពហិរញ្ញវត្ថុរបស់ក្រុមហ៊ុន អ្នកវិនិយោគរបស់ពួកគេ បំណុលរបស់ពួកគេ និងទីតាំងរបស់ពួកគេនៅលើទីផ្សារភាគហ៊ុន។ គេក៏បានស្នើរនូវប្រព័ន្ធមួយ ដែលពួកគេអាចប្រើប្រាស់ដើម្បីត្រួតពិនិត្យប្រាក់ដែលពួកគេកំពុងចំណាយយ៉ាងមានប្រសិទ្ធភាព។
Perth បានឡើងបន្ទាប់ពី Chimon គេមានទំនុកចិត្តណាស់ខណៈពេលដែលពិភាក្សាអំពីឧបករណ៍ចល័តថ្មីដែលក្រុមហ៊ុននឹងត្រូវបញ្ចេញនៅប៉ុន្មានខែទៀត។ គេក៏ចែករំលែកដោយមានមោទនភាពនូវយុទ្ធនាការដែលក្រុមរបស់គេបង្កើតឡើងសម្រាប់ទីផ្សារផលិតផល។ ក្រុមប្រឹក្សាភិបាលយល់ស្របចំពោះអ្វីដែល Perth លើកឡើង។
VOUS LISEZ
អព្ភូតហេតុស្នេហ៍ | PerthChimon
Fanfictionអាពាហ៍ពិពាហ៍ដែលកើតចេញពីការរៀបចំដោយចាស់ទុំតើពួកគេនឹងរស់ជាមួយគ្នាបែបណា.....?! តួអង្គ: Perth Tanapon | Chimon Wachirawit Ship: PerthChimon ⚠️វាគ្រាន់តែជាការនិពន្ធ, គ្រប់យ៉ាងក្នុងរឿងនេះសុទ្ធតែជាការប្រឌិត!! សូមអានដោយមានការប្រុងប្រយ័ត្ន
