"តើខ្យល់អ្វីនាំបុរសស្មោះនឹងប្រពន្ធមកទីនេះណ៎....?" Ohm សួរ Perth។ គ្រប់គ្នានៅបាររបស់ Ohm ម្តងទៀត ប៉ុន្តែពួកគេមិនបានរំពឹងថានឹងបានឃើញ Perth នៅទីនោះទេ។ គេកំពុងផឹកស្រាដោយខ្លួនឯងនៅបារ ខណៈមិត្តភ័ក្តិរបស់គេកំពុងតែរីករាយនឹងនិយាយគ្នាយ៉ាងសប្បាយ។ ពួកគេស្មានថាមានរឿងអ្វីកើតឡើងជាមួយ Chimon ឬនៅការិយាល័យ។
"ផឹកយ៉ាងៗនឹង ឯងមានរឿងអីមែនទេ?" Joong ក៏សួររួចឡើងទៅអង្គុយក្បែរ Perth
Perth ទម្លាក់កែវចុះរួចដកដង្ហើមធំ។ គេមិនប្រាកដថាការប្រាប់មិត្តភ័ក្តិអំពី Saint ជារឿងត្រឹមត្រូវដែលត្រូវឬអត់ទេ ព្រោះពួកគេទាំងអស់គ្នាជឿថាគេបាន move on ហើយ។ ប៉ុន្តែបើមិនប្រាប់គ្មានអ្នកណានិយាយជាមួយក្រៅពីពួកគេទេ។ "គឺយើងបានជួប Saint ម្តងទៀតហើយ" Perth សារភាព
"ស្អីឯង?!?!?!" Joong និង Ohm លាន់មាត់។ Pond នៅតែមិនបញ្ចេញអារម្មណ៍ ប៉ុន្តែក៏ដើរទៅរក Perth ដើម្បីស្តាប់រឿងដែលបានកើតឡើង។ នេះគឺជាបញ្ហាធ្ងន់ធ្ងរសម្រាប់ពួកគេណាស់ព្រោះកាលនោះ Perth បាននិយាយពេញៗមាត់ថាគេស្អប់គាត់, គេបន្ទោសខ្លួនឯង ខំបន្តទៅមុខ និងប្រាប់គ្រប់គ្នាថាគេមិនអីទេ។ កាលនោះ Perth មានការរងរបួសធ្ងន់ណាស់ទម្រាំតែគេអាចធ្វើចិត្តបាន ពួកគេពិតជាអាណិត Perth ដែលបានជួបរឿងបែបនេះ។
Perth ងក់ក្បាលរួចក៏លើក Voka អកដាច់។
"តើឯងជួបគេនៅពេលណា?" Pond សួរ។ ក្នុងចំណោមពួកគេទាំងបួន Pond ស្គាល់ Saint ច្បាស់ជាងគេបំផុត។ Pond នៅតែមានទំនាក់ទំនងសូម្បីតែពេលដែល Saint នៅប្រទេសជប៉ុន ហើយពេលខ្លះគេក៏បានទៅលេង Saint នៅទីនោះទៀតផង។
Perth ប្រាប់ពួកគេពីអ្វីដែលបានកើតឡើងមុននេះ គេនិយាយយ៉ាងធម្មតាទាំងមិនចង់អោយភឿនគេដឹងថាតាមពិតគេពិបាកចិត្តបុិនណា
"ឯងជឿយើង! ឯងគួរតែផ្លាស់ប្តូរដៃគូទៅ មានក្រុមហ៊ុនផ្សាយពាណិជ្ជកម្មល្អៗជាច្រើននៅទីនេះចាំយើងណែនាំឯង" Pond និយាយ
Perth គ្រវីក្បាល "បើប្តូរតើឯងគិតថាអ្នកផ្សេងគិតយ៉ាងមិច? ពួកគេនឹងសួររកហេតុនិងផលជាមិនខាន ហើយណាមួយយើងក៏ចង់បង្ហាញ Saint ថាយើងមិនមែនជា Perth ពីមុនទេវើយ" Perth ឆ្លើយ
YOU ARE READING
អព្ភូតហេតុស្នេហ៍ | PerthChimon
Fanfictionអាពាហ៍ពិពាហ៍ដែលកើតចេញពីការរៀបចំដោយចាស់ទុំតើពួកគេនឹងរស់ជាមួយគ្នាបែបណា.....?! តួអង្គ: Perth Tanapon | Chimon Wachirawit Ship: PerthChimon ⚠️វាគ្រាន់តែជាការនិពន្ធ, គ្រប់យ៉ាងក្នុងរឿងនេះសុទ្ធតែជាការប្រឌិត!! សូមអានដោយមានការប្រុងប្រយ័ត្ន
