អព្ភូតហេតុស្នេហ៍ | PerthChimon

Part 23

⛲️⛲️⛲️

"តើវាចាប់ផ្តើមនៅពេលណា?" Chimon សួរ។
ពួកគេកំពុងតែស្ថិតនៅសួនច្បារមាត់ទន្លេក្បែរអគារខនដូររបស់ពួកគេ។

វាបានក្លាយទៅជាទម្លាប់មួយហើយដែលនៅសុខៗ Chimon នឹងសួររាល់សំណួរដែលមាននៅក្នុងក្បាលរបស់គេហើយ Perth ត្រូវតម្រូវអោយឆ្លើយដោយស្មោះត្រង់តាមដែលអាចធ្វើទៅបាន។ Perth មិនមានបញ្ហាក្នុងការធ្វើតាមទេប្រសិនបើវាធ្វើអោយ Chimon សប្បាយចិត្តឬធ្វើអោយចិត្តគេស្ងប់។ អាចថាវា​ក៏​ជា​វិធី​របស់​ពួក​គេ​ក្នុង​ការរឿន​ស្គាល់​គ្នា​អោយកាន់​តែ​ច្រើននិង​ជម្រះ​រឿង​មួយ​ចំនួន​ដែល​បាន​កើត​ឡើង​ក្នុង​អតីតកាលមក។

"ប្រហែលជា2ខែបន្ទាប់ពីរៀបការ?" Perth គ្រវីក្បាលពេលឆ្លើយមើលទៅដូចជាមិនច្បាស់។

"អូខេ! ចម្លើយនេះទទួលយកបាន"

"ចុះ​អូនវិញ?"

"ប្រហែលដូចនឹងបងដែរ" Chimon សារភាព "តែអូនមិនប្រាកដទេ ព្រោះមានអ្នកខ្លះធ្វើចរឹកលេងៗអត់ច្បាស់លាស់នឹងគេ"

"ហុឹមមមម" Perth ដកដង្ហើមធំហើយក៏សម្លក់ Chimon (side eyes)

ពួកគេបាននិយាយអំពីរឿងជាច្រើនចាប់តាំងពីពួកគេបានចាប់ផ្តើមហ្គេមមួយនេះ(ហ្គេមស្រលាញ់គេដោយមិនដឹងខ្លួន)។ Perth ព្យាយាមពន្យល់ Chimon អំពីរឿងរវាងគេនឹង Saint តាំងពីដើមរហូតដល់ចប់ព្រោះគេមិនចង់អោយមានការយល់ច្រឡំនឹងគ្នាទៀតឡើយ។ Chimon ក៏បានប្រាប់រឿងដែលគេបានឃើញថាពួកគេបាននៅក្នុងភោជនីដ្ឋានកាន់គ្នាផងដែរទោះបីជាគេដឹងចម្លើយមកពីខាង Saint ហើយក៏ដោយក៏គេនៅតែចង់ស្តាប់ចម្លើយចេញពីមាត់របស់ Perth ផ្ទាល់ទៀតដែរ។ Perth ក៏បាន​បញ្ជាក់​ថាពួកគេគ្រាន់តែជួបគ្នាដោយចៃដន្យនៅហាងអាហារនោះហើយពួកគេក៏បាននិយាយគ្នាលេងក៏ជ្រុលដឹងថា Saint បានលួចស្រលាញ់ថ្នាក់ក្រោមរបស់គេហើយគេក៏និយាយលេងច្រើនដែលអ្នកផ្សេងមើលទៅអាចច្រឡំថាពួកគេកំពុងមានទំនាក់ទំនងនឹងគ្នា។ តែតាមការពិតទៅចាំពីពេលដែល Saint ដឹងពីទំហំចិត្តរបស់ Perth ចំពោះ Chimon ហើយគេក៏សំរាចចិត្តបោះបង់ក្តីស្រលាញ់ដែរគេធ្លាប់មានពីមុនទៅជាការរាប់អានគ្នាបែបបងប្អូនដូចកាលដំបូងទៅវិញ។