*flashback , ត្រឡប់ពេលថយក្រោយ*
⛅️ ឆ្នាំទី1 នៃមហាវិទ្យាល័យ
Perth ពិតជារំភើបក្នុងការចាប់ផ្តើមជំពូកទីមួយទៀតនៃជីវិតរបស់គេនៅក្នុងសាលាថ្មី។ មហាវិទ្យាល័យសម្រាប់គេគឺមានន័យថាគេគ្រប់អាយុនឹងអាចបើកបររថយន្តម៉ាកថ្មីដែលឪពុករបស់គេបានទិញឱ្យកាលពីសប្តាហ៍មុន, មហាវិទ្យាល័យមានន័យថាគេអាចផឹកស្រានិងដើរលេងជាមួយភឿនរបស់គេ, មហាវិទ្យាល័យសម្រាប់ Perth គឺជាពេលវេលាដ៏មានសេរីភាពមួយ។
Perth មានប្រជាប្រិយភាពណាស់នៅក្នុងសាលាដោយសារតែគេជាកូនប្រុសតែមួយគត់របស់មហាសេដ្ឋីជំនួញធំម្នាក់ដែលជាម្ចាស់ Sukumpantanasan ។ Perth ក៏ជាមិត្ដភក្ដិជាមួយកូនៗដែលមានប្រជាប្រិយភាពដូចគ្នា ដែលសុទ្ធតែមានឪពុកម្តាយមានអំណាចដូចជា Ohm, Joong និង Pond ។ ពួកគេក៏ជាបុរសវ័យក្មេងដែលមានរូបរាងសង្ហាដែលអាចធ្វើអោយសិស្សស្រីគ្រប់រូបចង់បាន។
ថ្ងៃមួយ Perth កំពុងស្ថិតនៅក្នុងបណ្ណាល័យដើម្បីធ្វើការស្រាវជ្រាវបន្ថែមមួយចំនួនដោយសារតែគេខ្សោយមុខវិជ្ជាផ្នែកសេដ្ឋកិច្ច។ សាស្ត្រាចារ្យរបស់គេបានប្រាប់ថា ប្រសិនបើគេមិនបានដាក់របាយការណ៍ទាន់ពេលនោះគេនឹងធ្លាក់ដោយស្វ័យប្រវត្តិ។ Perth មិនចង់ឲ្យឡានរបស់គេត្រូវឪពុកគាត់រឹបអូសជាលើកទី 5 នោះទេ(ផឹកសុីពេក)។ របាយការណ៍នេះគឺជារបស់មួយគត់ដែលអាចជួយគេបាន។
Perth ជ្រើសរើសអង្គុយនៅជ្រុងនៃផ្នែកវិទ្យាសាស្ត្រសង្គមនៃបណ្ណាល័យដើម្បីឱ្យគេមានការផ្តោតទៅលើការអាន។ គំនរសៀវភៅនៅលើតុរបស់គេនិងកុំព្យូទ័រយួរដៃរបស់គេបានបើក ហើយកាសស្តាប់ត្រចៀករបស់គេក៏នៅជាប់ត្រចៀករបស់គេ។ "អត់ទោស!!" បុរសម្នាក់និយាយ
Perth មិនបានឮនរណាហៅគេទេ ព្រោះតែគេកំពុងបើកបទបទចម្រៀង rock យ៉ាងលឺៗ។
ដោយមិនបានការឆ្លើយតប បុរសនោះក៏ដើរមករក Perth ហើយទះតុមួយដៃ។ Perth បានដោះកាសចេញព្រោះភ្ញាក់ផ្អើលដោយសំឡេងទះមួយរំពេចនោះ ហើយសម្លឹងមើលមនុស្សដែលរំខានគេ។
YOU ARE READING
អព្ភូតហេតុស្នេហ៍ | PerthChimon
Fanfictionអាពាហ៍ពិពាហ៍ដែលកើតចេញពីការរៀបចំដោយចាស់ទុំតើពួកគេនឹងរស់ជាមួយគ្នាបែបណា.....?! តួអង្គ: Perth Tanapon | Chimon Wachirawit Ship: PerthChimon ⚠️វាគ្រាន់តែជាការនិពន្ធ, គ្រប់យ៉ាងក្នុងរឿងនេះសុទ្ធតែជាការប្រឌិត!! សូមអានដោយមានការប្រុងប្រយ័ត្ន
