U+Z
Heaven ကလူတွေက မီတင်ခန်းဘက်ကိုလှည့်ကြည့်လှည့်ကြည့်လုပ်နေကြသည်။ သူတို့ဆီကို ပိုင်ပိုင်မန်နေဂျာအဟောင်းက ရုတ်တရက်ကြီးရောက်ချလာတာကြောင့်။ သူတို့ဝန်ထမ်းတွေလည်း အတွင်းရေးကိုမသိပဲ သူများတွေသိသလို ပုံတွေထွက်လာတဲ့ rumor နဲ့ Ent., ကဖြေရှင်းတဲ့စာတွေကိုပဲ ဖတ်ပြီးသိခဲ့ကြတာ။ အခုက ဘာလို့များ ကိုရဲသွေးမင်းခေါင်က ရောက်လာတာတဲ့လဲ။ ပိုင်ပိုင် ပြန်ရောက်လာပြီဆိုတော့ ပိုင်ပိုင့်မန်နေဂျာပြန်လုပ်ဖို့လား။ သူတို့သွားလာလှုပ်ရှားနေတုန်းမှာပဲ ပိုင်ပိုင်က အပေါ်ကဆင်းလာကာ ဓါတ်လှေကားထဲကထွက်လာ၏။ ပိုင်ပိုင်က ဆံပင်ပုံစံပြောင်းပြီးသွားကာ အပွပုံစံတွေကိုဝတ်လာပြီး free style နဲ့ပိုကြည့်ကောင်းနေသည်။ လူကောင်လည်းနည်းနည်းပိုကြီးသွားသလိုသူတို့ခံစားနေရ၏။ ပြောမယ်ဆို ပိုပြီးရင့်ကျက်ကာ လူကြီးဆန်ပြီးပိုကြည့်ကောင်းလာ၏။ သူတို့တောင်အခုမှသေချာမြင်ရတာဖြစ်သည်။ သူ့ကိုနှုတ်ဆက်တဲ့သူတွေကို လက်ပြ ပြုံးကာပြန်နှုတ်ဆက်ပြီး ပြုံးရင်းနဲ့အန်ကယ့်အခန်းထဲဝင်သွား၏။
"လေးလေး"
"အင်း လာ၊ ဒါနဲ့ မင်းချိန်းထားတာလား"
"ဘာကိုလဲ"
"ရဲသွေးမင်းခေါင် ရောက်နေတယ်၊ မီတင်ခန်းထဲမှာ"
မနေ့ညကတွေ့ပြီးပြောခဲ့တာကို ဒီနေ့ချက်ချင်းလာမယ်လို့တော့ သူထင်ထားတာမဟုတ်။
ကျစ်!
"ဘယ်တုန်းကရောက်နေတာလဲ"
"၁၅ မိနစ်လောက်ရှိနေပြီ"
"အင်း စကားပြောချင်တယ်ဆိုလို့ သွားလိုက်အုန်းမယ်"
သားချောကြည့်ရတာ တကယ်စိတ်ပြတ်သွားပြီထင်သည်။ ဘာလဲ မင်းခေါင်က သူပို့လိုက်တဲ့စာအုပ်ကြောင့် သားချောကိုလာတောင်းပန်တာလား။
ဒေါက်ဒေါက်!
အခန်းတံခါးခေါက်သံနဲ့အတူ မင်းခေါင်လှည့်ကြည့်လိုက်တော့ ပိုင်ဝင်လာတာကိုမြင်လိုက်ရသည်။ ပိုင်က သူ့ရှေ့ကိုဝင်ထိုင်ပြီး
"ပြောချင်တာ ဘာများလဲ ကိုရဲသွေးမင်းခေါင်"
ကျစ်!
