احفاد العائلة

الفصل التاسع عشر ( لذة الحلال )

( الفصل التاسع عشر )
( احفاد العائلة )
( لذة الحلال )
جلس بجانبه كامل وفي الوسط المأذون وذكري التي جلست علي المقعد المجاور لساهر ترتدي فستانها الأبيض اللطيف التي اشترته سابقا :
بارك الله لكما وبارك عليكما وجمع بينكما في خير
عادها ثلاث مرات والجميع يردد ورائه بسعادة كبيرة وبعد أن انتهي وقف ساهر يأخذ المباركات من الجميع كذلك فعلت ذكري تحدث كامل وهو يربت علي كتف ساهر بحب :
خد مراتك يا ساهر واتكلموا براحتكم يا حبيبي .
اتسعت ابتسامة ساهر بعد تلك الكلمة التي كانت تنشر السعادة في قلبه الان ذكري اصبحت زوجته وملكه للابد واخيرا يستطيع عناقها كما يريد الان لا يوجد بينهم حواجز مثل قبل دلف ساهر برفقة ذكري الي غرفة يونس ومراد جلس أمامها وهي يري وجنتها التي تصبغت من الخجل :
انا مش مصدق نفسي يا خوخة انتي بقيتي مراتي انا طول عمري بحلم باللحظة دي .
وقبل أن تردف بأي كلمة كان يضمها الي صدره بحب شديد وكأنه يعوض كل تلك السنوات التي كانت محرمة عليه فيها والان يستطيع مسك يديها براحة عناقها بقوة حتي تقبيل وجنتها تلك التي اشتعلت من الخجل وفي تلك اللحظة احس بلذة الحلال ومذاقه الخاص اقترب من أذنها وهو يهمس لها بحب شديد :
انا بحبك .
ابتسمت هي بحنان عقب قولها بخجل وهي تنظر الي الارض غير قادرة علي رفع انظارها إليه :
وانا كمان بحبك يا ساهر .
امسك هو بمؤخرة ذقنها يرفع رأسها إليه لتنظر إليه كان يطالعها بحنان شديد :
شكلك حلو اوي وانتي مكسوفة كدة .
توترت معالم ذكري علي الفور قائلة بخوف :
ساهر انا خايفة اوي
نظر إليها ساهر بأستغراب :
ليه يا حبيبتي
وضع كفه علي يديها يطالعها بتعجب لتردف هي قائلة ببكاء :
انا خايفة حاجة تحصل بكرة وتخرب علينا يومنا كل ما نقرر نعمل حاجة بتتقلب ضدنا يا ساهر وكل ما نحاول نجتمع في حاجة بتوقفنا انا بقي عندي فوبيا بقيت بخاف عليك من اقل حاجة .
ابتسم هو عقب قوله بحزن :
مش لوحدك يا ذكري انا بقيت بترعب عليكي لو مردتيش عليا من اول 10 ثواني بقيت حاسس انك مسؤوليتي وانو لو حصلك حاجة هبقي انا السبب في دة وبحس اني مش هسامح نفسي لو حصلك حاجة تاني .
صمت قليلا ثم اكمل حديثه وهو يمسح دموعها التي تساقطت بعنف وقهر :
احنا صبرنا كتير يا خوخة وحاربنا كتير علشان نوصل للمرحلة دي وربنا شاهد علي دة ربنا هييسرها معانا وانا واثق يا حبيبتي بس علشان خاطري مش عايزك تزعلي أو تعيطي تاني احنا عيطنا كتير وتعبنا كتير بس دلوقتي جه وقت الفرح ومش هنخلي اي حاجة تدايقنا مهما كانت هي ايه .
قبل وجنتها بحب شديد وهي يمرر يديه بحنان علي جانب وجهها يدعو الله أن ييسر لهم أمرهم وأن يجعل لهم الخير في كل أمور حياتهم .
______________
في صباح اليوم التالي كانت الأجواء سعيدة بشكل لا يوصف الجميع سعيد للغاية من أجل هذين الاثنين اليوم هو يوم أحلامهم الذي طالما انتظروه بشدة منذ سنوات عديدة كانت بيوت كلا من كامل وفوزي مليئة بالناس الذين يساعدون كلا من وفاء وفاطمة لهذا اليوم المهم بالنسبة لهم علي الناحية الأخري كانت ذكري تنام نوم عميق في غرفتها غير دارية بما يحدث حولها اقتحمت كلا من كنزي ومنة وملك ووعد وياسمين الغرفة لتردف كنزي قائلة بحنق :
بص البت نايمة ازاي ولا أكن انهاردة فرحها
قفزت منة علي ذكري لتصرخ ذكري بألم :
يا جحشة في حد يعمل كدة عايزين ايه عالصبح
تحدثت كنزي بحنق عقب قولها :
يابت انتي عبيطة هنكون عايزين ايه منك قومي انجزي علشان نلحق نروح للكوافير الساعة عدت 12 يا بعيدة وانتي لسة مخمودة ولا أكن انهاردة فرحك .
انتفضت ذكري بفزع عقب قولها :
فرحي .
قهقهت ملك بشدة عقب قولها :
واضح انها مش مستوعبة الوضع لحد دلوقتي .
تحدثت ذكري بغضب :
محدش صحاني ليه يا كنزي ما قولتلك صحيني الساعة 12 حسبي الله ونعم الوكيل .
تركتهم ذكري ودلفت الي المرحاض لتطالع كنزي أثرها بغيظ شديد :
لا ما هو البت دي لو مفاقتش انهاردة انا اللي هفوقها .
في الخارج هرولت وفاء الي مراد وهي تضع في يديه بعض النقود قائلا :
بسرعة يا واد يا مراد انزل جبلي كيلو طماطم ونصف كيلو بصل وكيلو فلفل .
طالعه مراد بغيظ عقب قوله :
ياما ما تخلي ابنك ينزل يجيب ما هو قاعد فاضي اهو عمال يتفرج علي قناة حرابيش .
طالع يونس بشمئزاز عقب قوله :
ملكش دعوة بيا ياض بعدين مالها قناة حرابيش مش عجباك ولا ايه .
طالعه مراد بأبتسامة بلهاء عقب قوله :
خد راحتك يا كبير هو في زي قناة حرابيش بردوا دي ام القنوات حسبي الله ونعم الوكيل.
تحدثت وفاء من المطبخ بعدما تركتهم :
بتقول حاجة يا مراد
تحدث بصوت عالي نسبياً لكي تسمعه :
ولا حاجة يا حبيبتي بقولك عشر دقائق وتلاقي الخضار عندك يارب عوض عليا عوض الصابرين يارب .
_____________
علي الناحية الأخري وفي منزل فوزي تحديدا كانت تجلس ريم في الغرفة التي تقبع بها هي ووالدتها تعبس في هاتفها بضجر دلفت ميادة الي الغرفة قائلة بغضب :
انتي ايه اللي مقعدك هنا يا موكوسة انتي ما تروحي مع ذكري والبنات علي الكوافير اعملي اي حاجة في خلقتك يكش حد يبصلك في الفرح دة وتخلصيني منك بقي .
جزت ريم علي أسنانها بغيظ شديد :
ماما انا مش عايزة اتجوز خلاص انا كان نفسي اتجوز ساهر بس الاستاذ هيموت علي ذكري وفرحهم انهاردة .
أمسكتها ميادة من شعرها بغضب شديد لتصرخ ريم بشدة من الالم :
هتتجوزي يعني هتتجوزي يا ريم انهاردة تتصرفي وتلفي علي اي واحد حتي لو كان متجوز دي حاجة متخصنيش انا الناس بقت تاكل وشي بسببك وتحرجني وتقولي انتي بنتك متجوزتش ليه لحد دلوقتي وسيباها ماشية علي حل شعرها .
بكت ريم بعنف وهي تنظر الي والدتها التي لم تشعرها يوما بحبها هي كانت دائما تقسي عليها بشدة وتجرحها بأبسط كلماتها :
ماما هو انتي ليه بتعملي معايا كدة دة انا حتي بنتك ومن لحمك ودمك ليه عايزة تبعيني بالشكل دة وعلشان ايه علشان الناس اللي لو عملتي من ظهرك مشاية ليهم هيشتكوا بردوا ويقولولك ظهرك قاسي اوي .
ابتسمت ميادة عقب قولها بسخرية :
بكرة تعرفي انو اللي بعمله دة علشان مصلحتك انتي مش علشاني يا هبلة جهزي نفسك وروحي مع البنات وخليها تطلعك حلوة عايزة اللي يشوفك تطيريله عقله .
_______________
بعد أن قام مراد بشراء الخضراوات كان يصعد الي البناية لولا ذلك الصوت الذي أوقفه علي الفور :
بكام الطماطم في السوق يا استاذ مراد
طالعها بشمئزاز عقب قوله بحنق :
يا هلا يا هلا بالشوارعية
ارتسمت ابتسامة جانبية علي ثغرها عقب قولها بأستفزاز :
اهلا بيك يا نسوانجي
صعدت أمامه وهي ترفع رأسها بشموخ ليردف هو قائلا بحنق :
حوشي رقبتك احسن ما تطير منك اصل الهواء صعب اوي انهاردة .
دلفت الي منزله بعدما استقبلتها وفاء بحب شديد وقبل أن يدلف هو الآخر أغلقت وفاء الباب بعنف في وجهه ليقف هو يحاول إستوعاب ما حدث منذ قليل وقبل أن يضرب جرس المنزل كانت غزل تفتح له وهي تخفي ابتسامتها التي ظهرت بشدة علي وجهها تحدثت بأستفزاز كعادتها :
واضح انو محدش طايقك في البيت
تحدث مراد بغضب وهو يضع اكياس الخضراوات علي طاولة الطعام :
ايه ياما ما تركزي المرة الجاية قبل ما تقفلي الباب خليتي اللي يسوي واللي ميسواش يتفرج عليا .
خرجت الفتيات من الغرفة لتردف كنزي قائلة وهي تنظر الي شقيقتها :
اتأخرتي ليه يا هانم انتي كمان
تحدثت غزل علي الفور قائلا بملل :
اعمل ايه يا كنزي ماما مردتش انزل من البيت غير لما اغسلها المواعين بتاعت امبارح علشان نمت ونسيتها المهم يلا بينا علشان اتأخرنا .
نزلت البنات من البناية لتري ذكري ساهر يقف برفقة شقيقه إسلام وكلا من ياسين وكرم بالإضافة إلي يونس ومراد الذين أتوا للتو من الاعلي ارتسمت ابتسامة واسعة علي ثغرها وهي تطالعه بهيام شديد نكزتها ملك في ذراعها بخفة عقب قولها بمشاكسة :
استحملي شوية يا بطة فاضل كامل ساعة وميبقاش في حواجز بينكم .
كذلك طالعها ساهر بحب شديد لا يصدق أن واخيرا هذه الفتاة ستصبح ملكه وزوجته واخيرا اتي ذلك اليوم الذي كان ينتظره منذ سنوات عديدة تحدث مراد بغيظ :
في ايه مالك هتاكل البت بنظراتك .
زفر ساهر بضيق عقب قوله :
وانت مال اهلك انت دي مراتي يلا .
كذلك كان إسلام يطالع ملك بنظرات خاطفة لكي لا تعرف بنظره إليها نكزه كرم في ذراعه بخفة عقب قوله :
غض بصرك يا إسلام اوعي تفكري انو محدش واخد باله انك مش شايل عينك من عليها .
حمحم إسلام بحرج عقب قوله بتوتر :
انا ببص عادي يا كرم مش قصدي يعني .
تحدث يونس وهو ينظر حوله بتعجب :
امال شادي ووليد وظافر فين .
تحدث ساهر علي الفور وهو يركب السيارة :
هييجوا ورانا علشان عندهم شوية شغل كدة
اومأ له الجميع ليركب ساهر وإسلام وكلا من يونس ومراد معه وفي السيارة الأخري كرم وياسين لينطلقوا الي وجهتهم .
وعند حلول المساء بعد حوالي 6 ساعات من خروج الشباب والفتيات من المنزل جاء الموعد في صالون التجميل كانت ذكري تقف وحولها الفتيات يطالعوها بأعجاب شديد منبهرين من جمالها الفاتن كانت تبدو مثل الاميرات بل مثل الملكات بفستان زفافها الفخم الذي اصر ساهر علي إحضاره لها تحدثت ياسمين وهي تطالعها بأعجاب شديد جعل عيناها تلمع :
ما شاء الله تبارك الرحمن زي القمر يا ذكري .
تحدثت كنزي علي علي الفور قائلا وهي تطالعها بهيام وكأنها تراها لاول مرة :
احلي عروسة شافتها عيني بجد ربنا يحفظك يارب ويبعد عنك العين يا حبيبة قلبي ويسعدك .
اتعست ابتسامة ذكري عقب قولها وهي تنظر لشقيقاتها الذين يبكون بخفوت :
يا بنات بقي كفاية عياط من ساعت ما لبست وعملت الميكب وانتوا عمالين تعيطوا اقلع طيب
ابتسمت ملك وهي تمسح دموعها علي الفور :
احنا اسفين خلاص انتي مجنونة اصلا وتعمليها احنا بس مش مصدقين انك خلاص بقيتي عروسة وهتمشي وتسبينا انا مبسوطة اوي وزعلانة في نفس الوقت .
اومأت لها منة مؤيدة لحديث ملك :
انا بجد مش مصدقة يا ذكري انا حاسة اني بحلم انا يمكن كنت بتخيل اليوم دة طول عمري بس وقتها مكنتش اعرف انو هيبقي في كمية المشاعر المتلغبطة دي انا مش فاهمة اي حاجة .
ابتسمت ذكري وهي تفتح ذراعها لتضم كلا شقيقاتها بحب شديد تحدثت علي الفور وهي تخرجهم من أحضانها :
بعدين ايه همشي واسيبكوا دي انا اصلا ساكنة فوقيكوا عالطول قدام البت كنزي يعني هنطلكوا كل شوية متقلقوش .
نظرت إلي وعد التي كانت تبكي بهدوء :
يووه بقي انا هسكت مين ولا مين في اليوم الابيض دة .. انا العروسة عالفكرة انا اللي المفروض اعيط وانتوا تهدوني بس احنا بدلنا الأدوار باين .
تقدمت ناحية وعد وقامت بمسح دموعها بحنان وهي تضمها بحب :
متعيطيش يا حبيبتي اساسا جوزي وجوزك مش بيسيبوا بعض فبالتالي احنا كمان هنبقي مع بعض عالطول لانو واضح انو حتي بعد ما ياسين اتجوز مش سايب ساهر ولا ساهر بردوا .
ابتسمت وعد وهي تمسح دموعها لتدلف وفاء وفاطمة الي الغرفة وهم يطلقون صوت زغاريط عالية في الأركان نشرت البهجة في قلوبهم جميعا تحدثت وفاء وهي تتقدم من ابنتها التي كانت تبدو كالملاك :
ما شاء الله عليكي يا روحي
تحدثت ذكري علي الفور قائلا :
وحياتي عندك يا ماما ما تعيطي انا لسة مهدية ثلاثة دلوقتي ومبقاش عندي كلام اواسي بيه .
ابتسمت لها وفاء عقب قولها بحنان :
انا عمالة احاول امسك نفسي علشان معيطش يا ذكري انا عارفة انك مستنية اليوم دة انتي وساهر من سنين علشان كدة اليوم دة كلنا مبسوطين علشانكوا ربنا يسعدكوا يارب ويرزقكوا الذرية الصالحة .
تحدثت فاطمة وهي تمسك يد ذكري بحنان :
انا مش قادرة اوصفلك سعادتي انهاردة يا ذكري مش انتوا بس اللي كنتوا بتحلموا باليوم دة انا كمان طول عمري بحلم بيه انا وفوزي أننا نشوفك انتي وابننا مع بعض وفي بيت واحد .
ابتسمت لها ذكري بحب عقب قولها وهي تقبل يديها وكذلك فعلت مع والدتها :
ربنا يخليكوا لينا يارب وميحرمناش منكوا ابدا .
دلف يونس الي الغرفة برفقة مراد نظر إلي شقيقته بأنبهار عقب قوله بحب :
ما شاء الله ايه الجمال دة يا ذكري
اقترب منها وضمها يحب شديد لتردف قائلة :
ايه بس الشياكة دي اخو عروسة اوي
ابتسم لها وهو يقبل جبينها بحب كذلك اقترب مراد من شقيقته وهو يمسح دموعها التي تساقطت لا إراديا منه عقب قوله :
مين اللي هيعملي بطاطس مقلية بليل لما البيت كله يبقي نايم ومين اللي هيعملي سندوتشات جبنة سايحة ومين اللي هتفتحلي الباب لما ارجع متأخر من برة من غير ما حد يحس .
طالعه يونس بشمئزاز كالعادة :
الله يحرقك همك علي بطنك بس انا قولت بقي عندك احساس وبتعيط علشان اختك ماشية .
طالع مراد بحنق عقب قوله :
منك لله طلعتني من المود مش شايفني قاعد بعيط وبتشحتف يا بارد انت بعدين انا بعيط علشان اختي ماشية بس انت مش فاهم حاجة دة كان عليها شوية سندوتشات جبنة سايحة إنما ايه تاكل صوابعك وراها انا مش عارفة هعملها ازاي دلوقتي من غيرها .
تحدثت ذكري بأبتسامة :
متقلقش يا مراد يا حبيبي اول ما تييجي نفسك عليها كلمني وانا هنزلك منهم .
صدح رنين هاتف يونس ليضرب علي جبينه بخفة :
نسيت انا كنت جاي ليه يلا يا ذكري دة ساهر جاي من بدري ومستنيكي تحت .
تحدثت كنزي علي الفور :
ايه دة استني يا بنتي انتي رايحة فين العريس هو اللي المفروض ييجي ياخدها وينزلوا .
تحدثت ذكري بمشاكسة وهي تمسك فستانها وترفعه من علي الارض :
استناه دة ايه انا استنيت كتير انا هنزل لعريسي بنفسي .
هرولت ناحية الخارج وهي تحمل فستانها بين يديها لكي لا تقع علي الارض تحت أنظار الجميع كانت كنزي وللحق كان الجميع يطالعها بصدمة هل وصل الأمر بها إلي هنا هرولوا ورائها ليروا ماذا تفعل هذه المجنونة خرجت ذكري راكضة من صالون التجميل ناحية ساهر الذي التقتها بين أحضانه وكأن العالم في تلك اللحظة توقف لا يوجد سواهم هما الاثنين فقط عليه انطلقت زغاريط عالية في المكان وكذلك صوت صافرات الشباب وتصفيق من حولهم في تلك اللحظة خرجت ذكري من أحضانه وهي تطالعه بهيام شديد لا تهتم لمن حولها فهي لا تري سواه هذه اللحظة تحدث ياسين بصوت عالي نسبياً :
يلا يا عرايس علشان نروح السيشن ونطلع عالقاعة قبل ما نتأخر .
اومأ له ساهر وذكري ليركبوا سيارتهم وكذلك جميع الفتيات والعائلة متجهين الي مكان السيشن وبعد 30 دقيقة في الطريق وصل الجميع الي مكان شبه مهجور ولكنه لطيف للغاية تملؤه الأشجار في كل مكان ولحسن الحظ أن لم يحل الظلام بعد فكان بإمكانهم التقاط الصور بدقة ورؤية المكان جيدا كانوا يلتقطون الصور بسعادة كبيرة كان ولاول مرة يستطيع ساهر لمسها دون خوف أو رعب او الإحساس بالذنب فهي الان اصبحت زوجته علي كتاب الله وسنة رسوله وبعد اشتياق دام سنوات عديدة بعد أن انتهوا الجميع من التقاط الصور برفقة بعضهم البعض وكل ثنائي علي حدا ركبوا السيارات متجهين الي القاعة دلف العروسين اولا وورائهم المعازيم بالإضافة إلي أن القاعة بالفعل كان يوجد بها ناس آخرين وصلوا قبلهم اشتعلت الأجواء في تلك اللحظة بالرقص والفرح يعم علي الجميع ظل الجميع يرقص لساعات متواصلة دون تعب أو ملل وبرغم أن المناسبات تلك الفترة لم تنتهي من حياتهم وكل يومين في زفاف شخص ولكن هذا كان الاروع والافضل علي الإطلاق فكم كان الجميع ينتظر هذا اليوم أكثر حتي من ساهر وذكري ذاتهم انتهي ذلك اليوم اللطيف الذي سكن الي قلوب الجميع ووصل الجميع الي البناية دلف الجميع الي الداخل ووقفوا أمام عش الزوجية الخاص بذكري وساهر تحدث كامل وهو يمسح دموعه التي تناثرت علي وجنتيه بشدة :
مش هوصيكي يا ذكري يا حبيبتي جوزك دة تحطيه في عينك وفي قلبك مترفضيش ليه طلب واسمعي كلامه انا واثق فيه وعارف انو مش هيزعلك ولا هيدايقك في يوم وهو وعدني قبل كدة بالكلام دة ولو خلف بيه هو عارف انا هعمل ايه .
تحدث مراد علي الفور قائلا بمشاكسة :
مش الحاج لوحده اللي هيعمل اختنا عندها اخين ياكلوك يا ساهر وانت عارف خلي بالك منها .
اغتاظت ملامحه فجأة عقب قوله بحقد :
آه يا ابن المحظوظة هتاكل سندوتشات جبنة سايحة براحتك يارب يارب اوعدني ببنت الحلال بقي علشان اختي خلاص راحت .. راحت اللي كانت بتعملي اكلي مش هتلاقي حد يعبرني في البيت دة تاني خلاص .
تحدثت وفاء وهي تطالعه بقرف :
يخربيت سندوتشات الجبنة السايحة اللي لحست عقلك يا شيخ اتفوه علي اشكالك معرفتش اربي .
تحدثت وهي تقبل جبين ابنتها بحب :
ربنا يسعدك يارب يا حبيبتي وأشوف عيالكوا كدة قبل ما اموت .
وبعد أن بارك لهم الجميع مرة اخري ورحلوا وقفت وفاء برفقة ابنتيها تحدث ساهر بأستغراب :
خير يا ماما انتي ناسية حاجة ولا ايه
ابتسمت وفاء بخفة وهي تزيحه من أمامها وتمسك يد ابنتها عقب قولها وهي تذهب للداخل :
هساعد البت تقلع التهمة اللي عليها وهمشي يا ساهر متقلقش مش هطول .
ابتسم بحرج عقب قوله بصوت عالي نسبياً لكي تسمعه بعدما دلفت مع ذكري الي الغرفة :
خدي راحتك يا ماما يا حبيبتي
استند علي الباب بشكل مائل وهو ينظر إلي الفتاتان الذين طالعوه بأستغراب :
خير يا قمامير مستنيين مين .
تحدثت منة وهي تطالعه بشمئزاز :
ابعد يا ساهر عايزين نساعد البت اللي جوة
تحدث هو قائلا بحنق :
ايه كلكوا هتساعدوها هي بتولد هي ماما هتساعدها وخلصنا يلا لفوا شمال في يمين ومع السلامة .
اغلق الباب في وجههم بعنف لتنظر منة الي ملك بصدمة قائلا بدهشة :
بقي هو دة ساهر الطيب المحترم اللي كان بيعاملنا زي اخواته اول ما اتقفل عليه باب هو واختي كرشنا عادي كدة .
ابتسمت ملك عقب قولها وهي تسحب يد شقيقتها إلي الأسفل :
يلا يلا ننزل شكلنا بقي وحش اوي بصراحة .
______________
تعدت الساعة ال 2 بعد منتصف الليل دلفت ذكري الي الشرفة الخاصة بها هي وساهر وهي تحمل في يديها صينية يوجد عليها مشروب غازي وايضا صحنين من الاندومي الساخن جلست أمامه وهي تأخذ مشروبها بالإضافة إلي الطعام الخاص بها كان ساهر يطالعها بحب شديد لا يصدق أنها أصبحت معه في نفس المنزل وتجلس امانه الان في تلك الساعة المتأخرة من الليل جعدت جبينها بأستغراب :
في ايه يا ساهر في حاجة مش عجباك اغيرها
تحدث ساهر بهيام وهو مازال يطالعها بحب :
هو في حاجة تيجي منك متبقاش حلوة يا ذكري انتي كلك علي بعضك حلوة .
ابتسمت بخجل وهي تنظر الي الارض ليردف هو قائلا بهيام :
آه لو تعرفي ماذا تفعل عيناك بفؤادي الضعيف وكم أن تأثيرها جبارا عليه آه لو تعرفي تلك النظرة التي تجعل فؤادي يطرق بالسعادة كم انك تأسريني بتلك العيون البنية المكحلة التي تذوبني في كل مرة انظر إليها رفقا بقلبي عزيزتي فكم هو ضعيف ومنهزما أمام عيناك .
رفعت ذكري انظارها لساهر عقب قولها بدهشة :
ساهر هو انت الفت البيت دة علشاني .
ابتسم بها بحنان عقب قوله وهي يقبل يديها :
اه يا حبيبتي كنت قاعد سرحان فيكي شوية وفجأة لقيت نفسي بقول الشعر دة وقررت اكتبه واقولهولك .
اتسعت ابتسامتها بحب عقب قولها :
ساهر انا عايزة اقولك علي حاجة
اعتدل في جلسته انتبه لها بجميع حواسه ينتظر ما ستقوله بنفاذ صبر تحدثت هذ علي الفور وهي تمسك يديه بحنان شديد :
فاكر لما كنت بقولك امبارح اني خايفة واني حاسة أنو ممكن اي حاجة تحصل وتخرب علينا يومنا انا دلوقتي حاسة بفرحة مش هتتخيلها يا ساهر انا حاسة بأمان وبراحة محستش بيها قبل كدة عندي كمية رضا وسلام داخلي كبيرة اوي وكل دة علشان انت جنبي ومعايا انا مش عارفة ايه الحكمة من كل اللي حصل معانا بس واثقة انو دة كان الخير لينا والحمد لله ربنا عوضنا وجمعنا بعد صبر طويل .
ابتسم لها ساهر بحنان عقب قوله :
انا عايز اعرف انتي بتعملي ايه في قلبي
ابتسم بهدوء عقب قولها :
بخليه يتنطط مش كدة
قهقه عقب قوله بحب :
بحبك يا خوخة .
_______________
علي الجانب الآخر وتحديداً في بيت يونس وكنزي كان يونس يجلس علي الأريكة يتابع تلك المباراة التي تبث مباشرة علي شاشة التلفاز أتت كنزي وهي تحمل صينية تحتوي علي بعض المقرمشات وايضا بعض المشاريب الغازية بالإضافة إلي بعض الفواكه الطازجة جلست بجانبه بهدوء ليضع هو يديه علي كتفها ساحبا إياها إليه تحدثت وهو يطالعها بهيام :
كنزي انا كنت عايز اقولك علي حاجة يا حبيبتي
طالعته بأهتمام عقب قولها بتوتر :
قول يا حبيبي في حاجة ولا ايه .
ابتسم وهو يقبل وجنتها بحب شديد :
انا اسف علشان احنا المفروض كنا عرسان جداد بس محسناش بدة علشان المشاكل اللي حصلت الفترة دي حتي اني كنت واعدك نروح شهر العسل في تركيا بس بسبب اللي حصل معرفناش انا اسف اوي يا حبيبتي بجد .
ابتسم له كنزي بحنان عقب قولها بحب :
انت بتعتذر ليه مني يا يونس انا مراتك يا قلبي يعني المفروض اتحمل الصعب معاك امال انا اتجوزتك ليه يونس انت اتحملتني كتير زمان واتحملت تصرفاتي الطفولية اللي سببتلك مشاكل كتير في حياتك وجابتلك الكلام من ناس كتير وانا عمري ما هنسي انك وقفت ضد الناس كلها علشاني وعلشان حبنا ف اكيد انا مش هزعل ولا هدايق من الحاجات التافهه دي بعدين يا سيدي ممكن نقضي شهر العسل بعدين ونسافر براحتنا اهم حاجة دلوقتي أننا سترنا البت اختك دي اللي قرفتنا هي وجوزها وخلصنا منهم .
قهقه يونس ثم قبل يديها بحب عقب قوله :
ربنا يخليكي ليا يا كنوزتي
ابتسمت عقب قولها :
ويخليك ليا يا روحي يلا بقي نتفرج علي الماتش علشان عايزة اعرف مين اللي هيكسب دة الاهلي والزمالك صح .
تحدث يونس علي الفور قائلا وهو يتابع المباراة بأهتمام شديد :
اه
تحدثت بحماس شديد قائلة:
الله يعني محمد صلاح بيلعب معاهم
طالعها يونس بسخرية عقب قوله :
ايه اللي هيجيب محمد صلاح هنا ياحبيبتي
طالعته بأستغراب :
هو مش محمد صلاح بيلعب في الزمالك
تحدث يونس قائلا بسخرية :
في الزمالك كلي يا كنزي كلي احسن .
_______________
في صباح اليوم التالي دلف إسلام الي المسجد قبل صلاة الظهر بدقائق نظر حوله وكأنه يبحث عن أحدهم اتسعت ابتسامته حين رأي كرم يقترب منه بأبتسامته البشوشة :
إسلام عامل ايه
ضمه كرم بحب شديد وهو يربت علي ظهره ليتحدث إسلام بتوتر :
كرم انا كنت جاي علشان عايز اتكلم معاك شوية عقبال ما الظهر يأذن .
طالعه كرم بأبتسامة هادئة وهو يذهب معه الي زاوية بعيدة عن الأنظار لكي يتحدث معه علي راحتهم :
قول يا إسلام انا سامعك .
تحدث إسلام قائلا بحزن وتوتر في ذات الوقت :
كرم انا لسة مواجهتش ملك من ساعت ما عرفت أنها بتحبني انا مش عارف اعمل ايه مش قادر افهم مشاعري تجاهها انا فعلا حاسس اني مشدود ليها واني بقيت بحب اشوفها عكس الاول بس مش قادر احدد هل مشاعري هي نفسها اللي كنت بحسها تجاه مروة ولا لاء انا خايف اظلمها .
ابتسم كرم بهدوء عقب قوله :
الاستخارة يا إسلام صلي صلاة الاستخارة وسيب ربنا يختار لك وادعي في قيام الليل انو ربنا يوضحلك مشاعرك تجاهها واهم حاجة واوعي تنساها متضغطش علي نفسك وتحاول تثبت انك بتحبها بالرغم انو قلبك ممكن ميبقاش عايزها فكر كويس وشوف انت حاسس بإيه علشان لو اخدت قرار مش هقدر ترجع فيه تاني وهتبقي دمرت حياتها وحياتك كمان مش علشان عرفت أنها بتحبك يبقي لازم تجبر نفسك انت كمان علشان تحبها عادي ممكن يكون حب من طرف واحد بس اهم حاجة متتقدمش علي خطوة انت مش قدها ولا مستعد ليها مهما حصل .
اومأ له إسلام بأبتسامة ليعانقه بحب :
شكرا أوي يا كرم بجد كنت عارف انك الوحيد اللي هتقدر تساعدني .
بادله كرم العناق عقب قوله :
وانا دائما موجود لمساعدتك يا عزيزي .
_______________
كانت وفاء تقف مع جارتها ام طارق في الحارة لتردف ام طارق قائلة وهي تشير علي أحد الشرف في الحارة :
بصي في بنت اسمها كارما ساكنة في البيت دة إنما ايه يا وفاء جمال ايه ورقة ايه وكمان من ناحية الطبخ والتنظيف فهي لهلوبة مقولكيش .
تحدث وفاء علي الفور قائلة برفض :
لا لا يا ام طارق دة انا ابني كان بيكرها وهما صغيرين ومكنش بيطيقها يختي شوفيلي واحدة تانية يسترك .
تحدث ام طارق بعد أن فكرت قليلا :
اه يختي نسيت اقولك انا عندي بنت اختي قمر
تحدثت وفاء بملل :
يووه هي ايه شغلانة البنات القمر دي انا مش عايزة بنت وحشة بس في نفس الوقت مش مهم اوي عندي الجمال اهم حاجة حلاوة الروح يا ام طارق .
تحدثت ام طارق وهي توضح حديثها :
لا يا بت انتي فهمتيني غلط انا قصدي انو بنت اختي اسمها قمر مش قصدي أنها حلوة يعني هي عندها ضب بس مش وحشة بردك هي الوحيدة اللي في العيلة مأخدتش نصيب من اسمها قلب خالتها .
تحدثت وفاء بإرتباك :
خلاص يا ام طارق سبيني افكر واشاور عقلي وأشوف بردوا بقيت البنات واردلك خبر يا حبيبتي يلا عن اذنك .
تحدثت ام طارق بصوت عالي بعدما تركتها وفاء :
استني يا وفاء مش انهاردة صباحية ذكري .

______________
تقدمت غزل من أصدقائها في كافيتريا الكلية جلست علي أحد الكراسي علي الطاولة لتردف قائلة بحماس :
ها يا بنات بتتكلموا في ايه قولولي .
تحدثت احداهن التي تدعي " هالة " بغرور :
مفيش يا حبيبتي بنتكلم في مواضيع انتي صغيرة عليها متنفعش لسنك يعني .
طالعتنا غزل بشمئزاز عقب قوله بحنق :
والله ومن أمتي النونو بقي ليه رأي .
طالعتها " هالة " بعيط عقب قولها بغضب :
النونو دي تبقي انتي يا حبيبتي بقولك ايه يا غزل اخلعي منها احسلك ولا اقولك تعالي معانا اصلك تنفعي للحاجات دي أوي .
توترت معالمها قليلا عقب قولها بإرتباك :
اجي معاكوا فين انتوا بتهببوا ايه من ورايا .
تحدثت في تلك اللحظة " لمياء " قائلة بخبث :
بصي يا غزل احنا اتعرفنا علي شابين من يومين وبصراحة هما مزز اوي وعزمونا الي حفلة تحفة بعد بكرة ايه رأيك تيجي معانا .
ابتسمت " هالة " بخبث فهي استوعبت ما تخطت إليه صديقتها تحدث غزل علي الفور قائلة بحماس :
حلو اوي طب الحفلة دي هتبقي فين .
تحدثت هالة علي الفور قائلة :
في اوتيل خمس نجوم كمان وكلنا هنتجمع فيه .
استعت حدقتاها بصدمة عقب قولها :
انتي بتقولي ايه يا هالة انتوا اتجننتوا هتروحوا اوتيل مع شباب انا اكيد مش هروح معاكم وأحضر المهزلة دي .
ابتسمت " هالة " بسخرية عقب قولها وهي تنظر الي لمياء التي احتلت نظرات الحقد عيناها :
شوفتي قولتلك دي بت فافي ونونة علي الحاجات دي اساسا غزل دي آخرها مكالمة في التليفون والسلام .
طالعتها لمياء بغيظ عقب قولها :
معاكي حق والله بقولك ايه يا غزل خليكي كدة قطة مغمضة ومش فاهمة حاجة وانا عن نفسي هروح وهالة نفس الكلام عايزة تيجي تعالي اهلا بيكي مش عايزة متتكلميش معانا تاني .
هبت الفتاتان من أمامها لتطالع غزل أثرهم بحيرة لا تعرف ماذا يخططوا تلك الفتاتين ولكنها متأكدة أنها ليست مجرد حفلة عابرة .
_______________
دلف كامل الي منزله بأبتسامة غريبة لم تفهم وفاء سببها تحدث وهي تجعد جبينها بأستغراب :
خير يا حاج ايه سر الابتسامة دي .
اتسعت ابتسامته وهو يطالع وفاء بحب :
نادي ملك يا وفاء وانتي هتفهمي كل حاجة
طالعته وفاء بغرابة وهي تهرول لغرفة ابنتها لكي تناديها وبعد عدة ثواني خرجت ملك تطالع والدها بأستغراب عقب قولها :
خير يا بابا حضرتك عايزني ليه .
تحدث كامل وعلي وجهه ابتسامة واسعة :
انتي جايلك عريس يا ملوكة .