ဒေဝီသခင်မ

အခန်း (၁)

စစ်တလင်းမြေပြင်ပေါ်တွင်ဖြစ်သည်။ တစ်နည်းအားဖြင့် စစ်ပွဲဖြစ်ပွားရာ အရပ်ဒေသတစ်ခု၌ပင်ဖြစ်သည်။ တစ်ဘက်နဲ့တစ်ဘက် စစ်ဖြစ်သောကြောင့် ဓားသံတချွံချွံနဲ့သာမက လူအများ၏ အော်သံ၊ဟစ်သံ၊ ညည်းတွားသံများနှင့်ဆူညံနေသည်။ မြင်းများ၏ ခွာသံ၊ဟီးသံများသည်လည်းဆူညံလျက်ရှိသည်။

"စစ်သူကြီး ကျွန်ုပ်တို့တပ်တော်ရဲ့ အခြေအနေကမဟန်လှပါပေဘူး။ ကျွန်ုပ်တို့အမြန်ပင်ဆုတ်ခွာမှသင်တော်ပေလိမ့်မည်"

"ဘယ်လို တပ်မှူးရဲ့ အသင်က ကျွန်ုပ်တို့တိုင်းပြည်ကို ဒီဘုရင့်လက်ထဲကိုထည့်ပေးတော့မလိုလား။ အသင်စဥ်းစဥ်းစားစားလည်းပြောပါ။ ဒီဒေဝစင်္ကြာ တိုင်းပြည်ထက် ကျွန်ုပ်တို့စစ်သည်တော်အင်အားက များပြားလွန်းလှပါတယ်။ ကျွန်ုပ်တို့တပ်က အဘယ်သို့မျှမရှုံးစေရပေဘူး"

တပ်မှူးက ခေါင်းမာလှသောစစ်သူကြီးကိုအလျင်အမြန်ပင်ဆုတ်ခွာရန်သတိပေးလိုက်သော်လည်း စစ်သူကြီးကယုံကြည်ချက်အပြည့်ဖြင့်ဆိုလိုက်လေ၏။ ထိုစဥ် တစ်ဘက်မှပစ်လွှတ်လိုက်သော မြှားတစ်စင်းက ထိုတပ်မှူး၏ ကျောဘက်တည့်တည့်ကိုထုတ်ချင်းပေါက်ဆိုက်ဝင်ကာ တပ်မှူးဖြစ်သူမှာ အားခနဲအော်ပြီးလဲကျသွားလေသည်။

ထိုအခြင်းအရာကိုမြင်လိုက်ရသော စစ်သူကြီးမှာ မျက်လုံးပြူးသွားပြီး မြှားဖြင့်ပစ်လွှတ်လိုက်သောသူကိုကြည့်လိုက်ပြီး ဒေါသတကြီးရေရွတ်လိုက်လေသည်။

"ဟင်... ဒေဝဘုရင်ပါ့လား။ တောက်! သေပေ တော့ဘုရင်စုတ်။ ဒင်းရဲ့ဦးခေါင်းတော်ကိုဖြတ်ပြီး ငါ့တို့ရဲ့ပြည့်ရှင်မင်းထံကိုယူဆောင်သွားပေမဟယ်"

စစ်သူကြီးမှာပြောပြောဆိုဆိုနှင့် မြင်းပေါ်ကိုလွှားခနဲခုန်တက်ပြီး ဒေဝဘုရင်ထံဒုန်းဆိုင်းစီးသွားလေ၏။ ဒေဝဘုရင်လည်း ကောက်ကျစ်စွာပြုံးပြီး သူ့ရဲ့စီးတော်မြင်းကိုအရှိန်တင်လိုက်ကာ ထိုစစ်သူကြီးထံသို့တစ်ဆိုက်မတ်မတ်ဝင်ရောက်တိုက်ခိုက်လေသည်။

"ရွှစ်.."

"အားးးးးး"

အသံက တစ်​ယောက်ယောက်ကနာနာကျင်ကျင်နဲ့အော်လိုက်တဲ့အသံ။ဘယ်သူ့အသံလည်း။ ဒေဝဘုရင်လား။ ဒါမှမဟုတ်။ တစ်ဘက်ကစစ်သူကြီးအသံပေ လား။