✔تزوجتها حمقاء✔
💙الجزء1💙
صبح الصباح و فات الظهر أدن و الشمس فوسط السماء وسط احد الاحياء الشعبية فالمدينة القديمة وفوحدة من أبسط الديور
حليمة : (ام البطلة) مااااجدة نوضي ياهاد البنت واش مازل مفقتيش
انا : اوووف اماما رجعي للله راه ليوم الأحد كولشي عطلة ...
حليمة : والاحد ولا لإثنين فين عمرك طفرتييه گاع لالياتك فااقوو..
انا: اشهاد الهضرة الواليدة.... هاني نايضة..
نضت كنحاول نحل فعينيا بزز باش ماما متزيدش تتعصب عليا
هادي هي حياتي كلها صداع انا او ماما.. نعرفكوم راسي انا ماجدة السن 17 سنة.. كنت كنقرا والاكين كايبان ليا هادا العام اللخر ليا 3 سنين وأنا في التاسعة انا و لقرايا خطان متقاطعان.. كنگول لماما نكلس من القرايا اوندير لحرفة كاتكوليا نتي راه لا قرايا لاحرفة.. اما واحد بابا ساخط عليا كان بايزوجني بزز لداك الموصيبة ديال ولد عمي والاكين هربت من الخطبة او مرت عمي ماباتنيش ههه قصة طويلة نوصف ليكوم راسي طويلة بيضة عينيا كحلين حروفي كدالك الشعر رطب وطويل وانا قصيرة بزاف
نضت غسلت وجهي.. طرفت حالتي.. لبست بيجامة فالكحل.. اوهبطت لقييت كلشي فطر
انا : كاين مايتكال ( شفت فالطبلة لقيتها خاوية ) صبااح مكحط كيفما العادة..
رجاء : (ختي الكبيرة) الفطور كيكون مع 9 اولا 10 كااع..
انا : سكتي يالبايرة باراكة من الهضرة كاديري بحالا كاتخرجييه لينا من جنابك..
رجاء : تعلمتي الهضرة اشهاد الأسلوب
انا. كيتك نتي ...يالمكلخلة راه ليبفمو بدراعو..
رجاء. طفرتيييه نوضي غسلي هاد الماعن لا ساليتي ماكلتك
انا : ممممم هي تسناي..
سالييت فطوري انا حتا لكرشي ماكنتفاكش.. هزيت دوك الماعن درتهوم فالجفنة والله مانغسلهوم هوما شكيديرو حليت باب الدار او خرجت نضربها بشي جرية لعند صاحبتي او نخرجو نضربوها لينا بشي ضورة ..
_وصلت لدار صاحبتي..
انا كنغوت باش تسمعني : واااديييك المووووصييبة طلي انا ماجدة
نهيلة : موووووك انااااا
انا : هبطي هبطي
نهيلة : هاني جاية
هادي هي نهيلة صاحبتي روح بروح هي سميمرة طول مني.. كتشبه هير هي سميمرة شكيليطة حتاهي لا زواج لا قرايا..
سمعت لباب تحل
انا : افييينك
خوها خرج عينيه خارجين فيا : احم احم هايها جاية
انا مرگت : واخا خويااا
..شوية تمات هابطة ديك المنحرفة ديال صاحبتي اييه ماعرت شكون كان سباب فانحرافها...
نهيلة : مالكي مصداعني على الصباح اشواقع
انا : داك مزلوط دياال خووك موجود ديما كي جووع..
نهيلة : واياه...
انا. اوا...
نهيلة : زيدي زيدي.. اجي نوريك هضرت ليوم معا سكنفر فالواتساب اوكاليا.. غادي يدينا.. معاه
انا : فين غادي يدينا..
نهيلة : واهي زيدي ياجاهلة راه كاع لبلايص ليفيهوم هوا فيهوم نشاط زيدي
انا : نمشيو
#يتبع..
عارفتو هاد جوجات فين غاديين.. غادين يخرجو
أنت تقرأ
تزوجتها حـمـقـــاء ( باللهجة مغربية )
Humor(كاملة) بقلم : لورا زاهر Loora ZahiRe ✍️ قصة قصيرة مغربية بطابع شعبي وكوميدية بإمتيياز ( غاتشبو ضحك 😂) 2018/ممنوعة من النشر (جميع الشخصيات خيالية) قراءة ممتعة 💞
