تزوجتها حـمـقـــاء ( باللهجة مغربية )

البارت 25

❤الجزء 25❤

انا ؛ صافي انهيلة صافي لاتكمليش علياا اصاحبتي
نهيلة ؛ ودبا شغاديري شنوو  ليل هادا معندنا فين نتحركو
انا ؛ (حطيت راسي على لمخدة وزفرت)  معررفتش فاش شفتو دايز عرفت شي حاجة وقعات قلبي ممهنينيش عليه نحمد لله منين موقفش شافني مع داك العم كون قتلني انا وياه...
نهيلة ؛ (خرجات عينيها)  ايينا عم هادا تاني
انا ؛ (هزيت راسي من فوق لمخذة)  داك ليوصلني فلهونضة
نهيلة ؛ (هزات يديها وضربات حناكها وفخاضها) اويلي حيييي واااش نتتيي عندذذك شي عقلل ولا متكسابيهش اويلي حييي واش كينة شي مرة مزوجة كدير هادشي ليديري فيه نتيي... اوييلي على فقستي
انا ؛ وصافيي انهيلة صافي بلاصت متنهضي وريني اشندير..
خنزرات فيا تقولني قاتلة روح وجبدات تيليفون من تحت مخدة وعطاتو ليا
نهيلة ؛ هاكي دوري لراجلك قولي ليه بلي راكي عند صاحبتك وعتادري ليه وقولي ليه هير خفتي وعمركي تعاودي
انا ؛ (شديتو كنترعد) اويلي ومنين نجيب نمرتو..
نهيلة ؛ رانيي نووهة وأجرك علله راه نمرة عندي
انا ؛ (خنزرت فيها)  ومنين جاتك نمرة تراجلي ويلي..
نهيلة ؛ هزيتها من تيليفون خالتي حليمة لضرورة لقصوى هاحنا حتاجيناها راني كاتبة عليه فحل ماجدة..
انا ؛ واخة..

عند عصام..
وقف طونوبيل فدالك ليل عند باب داك المستشفى نازل بزربة.. كيردخ فلباب كيبان فقمة لغضب ديالو حيد لفاصمة من جبهتو هكا جرحة كاتبان غارقة.. دخل بزربة مشا لاستقبال
هو ؛ عافاك ....
هي ؛ (وقفات)  سيي عصام..
هو ؛ كييبقات يااك بخيير..
هي ؛ (لاحت عينيها لضربة ليفجبهتو كلشي عارف انه ليومة عرسو ولاكن اشهاد لحالة ليهو فيها معرفين انه مزوج بأبليس شخصيا..) تبعني اسي عصام..
تبعها ومشاو بزوج لجيت لاسانسوغ طلعو ووصلو لغرفة لانعاش وقف عصام عند زاج كتبان ليه مو فوق لباياس ولاكن كيفاش تزاد عليها لحال هير ساعتين هادي كانت بخير ولاكن دبا كيشوفها بين لحياة ولموت دموعو طاحو من عينيه حتا سمع صوت لممرضة حداه
هي ؛ لالة سهام جهدات راسها بزاف كنضن كانت واقفة على رجليها هير بزز تشمع تلكبذة تزاد عليها بزاف غاندوزو ليها عملية تانية غدا..
عصام ؛ (حط يذيه على دموعو كيمسحهم)  ديرو جهدكم
حتا قاطعو صوت تيليفون ليكيصوني.. تجاهلو لمدة ولاكن مبغاش يكست.. جتا جبدو من جيبو لقا رقم ممعروفش..
عصام ؛ الووو...
تيلي ؛ اااءء عصام
عصام ؛ (عرفها من صوتها)  شكون معايا..
تيلي ؛ عصاام انا ماجدة..
عصام ؛ (زير على سنانو)  مكنعرف توحدة سميتها ماجذة وللاباقيش تعيطي ليا ممساليش ليك