💙الحزء9💙
حطات ماما على سعدها او وعدها ديك الحلوة فوق الطبلة.. انا هيشفت داك الطبسيل حطيت يدي على فمي
انا : جبتووو المااااكلة يااااه كون تشوفوني شحاال كنحماق على الماكلة يااااه اعيباااد الله بيييت نااااكووول من سبت ليفات محطيتو لينا ماناكلو ااه ولاكنتوو مخبين لمااااكلة تايجي راااجلي (غادي ناكل جنابي غير تسناو)
حطيت يديا بجوج فطبسيل اوكانخشي فوجهي بيهوم بجوج مامات عصام هيير كتشوفيا اوكاتبتاسم مافهمتش مالها.. سالات الماكلة جمعات رجا ديك شوهة ليدرت.. هاد النهار عاللمي
بابا : ايوا اشگلتو فالبنت...
انا : واكاكاكاكاكا لله يهذيييك الوالييد راه ماعندهوم مايگولو كلي على بعضيي حييلووو
سهام:. (ام عصام) هادشي ليكاين لبنت عجباتنا تباركلاه عليها او بيتها تكون عروسة ولدي اومراتو على سنة لله ورسوله
بابا : اوا انا مانزيدكوم هير لله يكمل بلخييير...
انا. (من صدمة حليت فمي او حسيت بدنيا ضارت بيااا)
ماما : (صدمة) ءإآ.. ث ا خ.اااتاااخ . اوا نزغرت دباا (روروروروروورويييييي)
رجاء: اويلي واش هادو حماقو مايمكنش. ..
كيفااش هادشي وقع ولله مافهمت والو او زادتها لالة سهام بادير خطبة او عرس او عقد فنهار واحد او هاد النهار باقي ليه هير شهر....
صافي خرجو نساب طلعت لبيتي كانترنح كيذيك ليضاربة زلافة تالمعحون تلاحت فوق فراشي نفاجرت بلبكا بكيت بكيت حتا سمعت تيلي ديالي كايصوني كانت نهيلة
انا: (اوكانتنخصص) الوو
نهيلة: هههه كتبكي باينة سلخك عمي علي امدارا اشدرتي مشا العريس ياك ياك
انا : هئ هئ هئ كانحلم انا كانحلم
نهيلة : كيفااش ا
انا : راهوم وافقووو وافقوو رغم ديك شوهة ليدرت وافقوو
نهيلة : اوييييلييي علاقلت لعيالات صاحبتي ردي لبال راهوم باينة بغاو غار يلسقوه فييك..
انا : ماعرت لموهيم مشيت فيها غادي نتزوج...
حتا شي حد فلباب
انا : نهى صافي قطعي راه شي حد بايدخل
_اوقطعت
هنا فين دخلو بابا وماما صافي گلت قفارت علياا
نضت بزربة مسحت دموعي خبيت تيليفون بحالا ماطاري والو
ماما : مبروك عليك ابنتي...
بابا : وجدي راسك من هنا لجوج سيمانات. غادي يكون لعرس او غاطيحو لعقد او سيري لدار راجلك
صمتت اوجاتني لبكية وحبستها قدامو
ماما : من غدا غادي تبداي دخلي لكوزينة اوتعلمي كلشي
انا : ياك انا غادي نعيش فلڤيلا ديال عائلتو لا كوزينة لا تمارة
ماما : ماشي هي حينتاش بيتي تعيشي تما شغل ممنوع.. راه خصهوم يشوفو حداگتك يلاه نوضي لكوزينة. نحركي.
انا : حياتي تدمرات
يتبع
أنت تقرأ
تزوجتها حـمـقـــاء ( باللهجة مغربية )
Humor(كاملة) بقلم : لورا زاهر Loora ZahiRe ✍️ قصة قصيرة مغربية بطابع شعبي وكوميدية بإمتيياز ( غاتشبو ضحك 😂) 2018/ممنوعة من النشر (جميع الشخصيات خيالية) قراءة ممتعة 💞
