💎الجزء 12💎
فهاد الوقت سكنفر. خارج كيجري هو ونهيلة كيقلبو عليا
سكنفر : كتعرفها طللق منننهااا
عصام: (ضار كيخنزر فيه) ونتا شكون ليكتنقز عليا هنايا (طلق مني يدي وتواجه ومعاه) هضررر
سكنفر : (دفعو عصام من كتفو) مالك بيتي تدابز
عصام : (اصلا كان معصب وزاد عصبو) هزز قبضت يدييه حتاا هزهاا وعاطاها لييه لوجهووو..
سكنفر تلاح لارض نهيلة زادت كتغوت تجمعو ناس من ورا غواتها باش يشوفو اشواقع
عصام: (كينش فيديه) هادي بااش تعرف راسك معامن
انا : صاافيي.. عافااك صافي
معمرني عقلت على راسي رجعت كنترعد حتال داك نهار وفديك لحضة جرني عصاام من يديا زير عليها من لغضب اما انا كنسب ونغرق حل لباب تطنوبيل دخلي لا لاحني ماشي تدخال هاداك سد لباب طلع وديمارا..
انا كنكمد فيديا وكنشوف فيه هو عقلو هير مع طريق كان كيبان معصب..
هو ؛ اشگال ليك راسك..
انا ؛ داكشي ليگال راسي راه گالو ولله مبقيت عقلت..
هو ؛ غاتخرجي ليا عقلي نتي (ضرب فلزاج ورجع نطق) وااش نتي بعقلك خارجة مع دوك شماكرية ومن لفوق لقهاوي ترجال واش مرباوكش واليديك..
انا ؛ (تعصب منين سمعتو گال شماكرية) حشاااك تماااا حاااشااك هاادوك رااه صحااابي اشمن شمااكرية.. ووقف هاد لخرخاشة خليني نزل..
حليت صمطة... مامراجعاش زعمة على قراري واخة مكرهتش يجيب بيا ضويرة من لحومة نقتل هير لمحسادات بسم..
عصام ؛ رجعي صمطة واش صاڤا با نتيا شوية فعقلك مريضة لاا..
انا ؛ حللل بيييت نهبطط..
عصام ؛( وقف ) يلله نزلي ووصلي داركم واخر مرة نلقاك فشي قنت بحال هاداك وهاد لحماق نسايه راكي غاذيا تولي مرات راجل
انا ؛ خنزرت فيه وعضيت على شفايفي.. حليت لباب نزلت كنت ناوية نجيب ضويرة وللكن لقيت راسي فلحومة سمعت تيليفون كيصوني كانت نهيلة لحمارة لبگرة ليوصلاتني لهاد لمناتف اشبيني وبين شي قهاوي جاوبتها هي ؛ اححح ياختي على داك راجلك كي توووتووووززز منننين ضبرتي على هاد لهميزة
انا؛ منيتك اصاحبتي
نهيلة ؛ اه ورااه مبووگص ولحديدة..
انا ؛ سيري سيرري لاعندك شي شغل قديه... راه تعصبت تاني
قطعت عليها وانا كنغرق كملت طريقي.. لدار لقيت با واقف فراس درب كيهضر مع جارنا لعربي عرفت انهم كيخططو يديرو شي خزانة باش يعرضو على رجال لعرس قلبي تشد حدرت راسي وتميت دايزة بحال قبل ميوقفني
باا ؛ اهياتا فيين كنتيي..
انا ؛ (ضرت كنشوف فيه مصدومة) انااا..
باا ؛ رجعتي تاني لفعايلك
صوت ورانا ؛ كانت معايا اعمي..
باا ؛ (ضار كيشوف فعصام واقف بكل هيبتو وكيشوف فيه ويبتاسم) ولديي عصاام..
خليتهم كيهضرو مشيت كنجري لدار لقيت رجاء كتطيب فلكوزينة مي گالسة مع شي مرة فصالون طلعت سديت عليا لبيت تلاحيت فوق ناموسية بديت كنبكي بحرقة ومعرفاش حتا علاش كنبكي هير جاتني لبكية وصافي مبغييتش نتزوووج اعيببادد لله زوااج رأه حبسس وااامبغيييتش..
أنت تقرأ
تزوجتها حـمـقـــاء ( باللهجة مغربية )
Humor(كاملة) بقلم : لورا زاهر Loora ZahiRe ✍️ قصة قصيرة مغربية بطابع شعبي وكوميدية بإمتيياز ( غاتشبو ضحك 😂) 2018/ممنوعة من النشر (جميع الشخصيات خيالية) قراءة ممتعة 💞
