🔷🔹الجزء4
وصلنا لدييك الجردة ديالهم كلسنا تحت واحد الشجرة كايبان ليا كانقلبو علا خلا يامنا البور او سيبة اومايديرو... ديك شجرة تحتها مضلم اوماكايبانش منها طريق..
اسامة : عجباتكوم البلاصة..
انا كنحاول نبين راسي مخايفاش : اه مابيهااش.. يالله هضرو اشبيتو
اشرف : زعما ازين جبناك حتال لهنا او ماعرفتيناش اشباغيين
هنا عاوتاني نهيلة شافت فيا اوشفت فيهاا
نهيلة. (بالترعيدة) اششش بيتوو
أسامة. (كحاز حتا لسق معاها) بغيناك نتي ازيين...
انا تعصبت : اااه بعد منها لاتجاوزش حدوذك هاني فين نصحتك...
ماحسيتش براسي حتا جرني شمكاار لاااخرر اوغوت لاحني معا سدرو حتا تساطحات كمارتي معا كمارتو...
اشرف. اونتي البوقوصة مابيتيش تاخدي حقك
انا. (كانطنطر) بعد مني يهاد..
بديت كنسب وكنحاول ننوض من تم ولاكن مقدرتش
اشرف.( ادور يدي مروا ضهري) زعما نتي برجليك جاية اومبغانيش نقيسك
انا : عافاك لاما تلقنااا نمشيو فحالنا
اشرف : وينوو ازين...
ماحسيتش براسي حتا بدا كايلعب ليا فشعري او انااا كانغوت كي شي حمار
اوكانشوف فنهيلة.. ليهاداك لاسق عليها اوهي كاتركل.. جاتني ضحكة و البكية كولشي تخلط عليا
..شوية كانسمعو صوت واحد الموطور.. وقف علينااا
الصوت : حييد عليهاا.. نتا تلق منهاا
نهيلة. (سمعتها كاتغوت) البولييييس...
انا هير سمعت البوليس او لهضرة نضت بحالا كبيتي عليا الما مثلج
ماهضروش معانا صاگونا نيشان قدامهوم لكوميسارية انا وليت كنترعد وندمت على النهار لي حطيت فيه رجليا هنا... كلسنا تما حنا او دوك الجوج ليخرجو علينا نهيلة ماباتش تسكت من البكا و الغوات ولاكن اناا.. ديرة فيها راسي مادرتش مانخافش جاو بداو كيسولو فينا و يغوتو علينا وحنا غبرنا فحوايجنا
دازت ساعة . حتا بان ليا لواليد جاي معا واحد راجل.. هنا عرفت بلي ديالي هي لخرة.. اوهاد المرة ناكلها فجنابي.. وغايسفطني با لرودة
#يتبع
أنت تقرأ
تزوجتها حـمـقـــاء ( باللهجة مغربية )
Umorismo(كاملة) بقلم : لورا زاهر Loora ZahiRe ✍️ قصة قصيرة مغربية بطابع شعبي وكوميدية بإمتيياز ( غاتشبو ضحك 😂) 2018/ممنوعة من النشر (جميع الشخصيات خيالية) قراءة ممتعة 💞
