😂الجزء 18😂
واخييراا حسيت بوزنو تقيل تهز عليا شوية ويقطع فيا نفس ولذ لهم.. مدات ليا نهيلة يديها ونضت.. شاف فيا هو بتخنزير..
عصام ؛ انا لتحت..
انا ؛ سير فينما عجبك..
تم خارج تا ردخ لباب وراه انا مشيت كنجري هزيت تيليفوني.. لقيتو باقي صحيح لله يخلف على سامسونغ G1 ميتهرس ميقول احح.. ضرت عند نهيلة كنلقاها مزنگة بضحك..
انا؛ صافي هير ضحكي حسيت بيك..
نهيلة باقية مزنگة ؛ وراه ضحكت..
انا ؛ ومالكي مزيرة فين لموشكيل..
نهيلة ؛ بلللت فسروالي من ضحك..
انا خرجت فيها عيينيا ؛ اويلي يااالمسخوووطة مالقيتي ايمتا طلقيها هير دبا..
نهيلة ؛ مقاومتش سمحي ليااا..
انا ؛ اوف زيدي تحركي قدامي راني لابسة زوج كولونات..
نهيلة ؛ يلله ستلتي..
هزينا على جلايلنا نهيلة سلتات كولونها وكلشي ولبسات داك ليعطيتها بنت لحرام من دهاز ليشرات ليا لواليذة.. خرجنا كنتجاراو اخر واحد بيت نشوفو هنا هو نگافة.. ولاكن أمالي متحققوش حينت ڤريمون معنذدي زهر هي ليلقيت قدامي..
نگافة ؛ عروسة اخررر زماان نص ساعة ونتيي غااابرة فين كنتيي..
انا ؛ اييهو حتارميني راني مجدة واجرك علله..
باقي مكملتهاش تاحسيت بلخبطة فعضامي تا تزعزعو.. من بلايصهم.. كانت لواليدة.. جروني بجوج وانا كنهرنگ عاودو ليا لماكياج وقادو ليا مضمة حطو ليا لموستكير على راسي..
حليمة ؛ وتحيديه.. يابنتي يا ماجدة نقلب هاد لعرس عزو ليوم..
عرفت راسي مابقا امل للهم نخليه ونتكمش.. هي هاديك بداو زغاريت
"هااالعرووسة جاااية هاااهي جااااية.. ""
لحت عينيا بانت ليا لبوالة جالسة ببنديرها بين شيخات وانا مدخليني.. شوية وقفوني فغيمون كنتحرك كي شي روبوت هما محكمين فيا حتا جابو لعمارية اااه ياااميمتي حي اكبر مخاوفي لعلو.. شفت فنگافتي
انا ؛ لالا كنخااف مبيتش نطلع..
هي ؛ زيدي بلا هضرة بلا كلام..
انا ؛ لالا عافاااك عافاك..
هي ؛ واش كاينة شي عروسة مكتبيش تطلع فلعمارية
قاومت حتا عييت.. هي تحطني وانا نووقف هي تدفعني وانا نتجر هي تجرني وانا نتدفع تبربصنا هك وهك.. لدرجة ان گاع دوك ليفلقاعة سكتو وتفرجو فيا جوق سكت شيخات سكتوو كلشي تصمر كيشوفو فلعروسة مدابزة هي ونگافة..
هي ؛ گلسي اماجدة شوهتي راسك
انا ؛ بيطيحوني.. لالاااااءء..
نگافة ؛ ضروري خصك طلعي هاد عمارية طايحة بزبالة تلفلوس
انا ؛ منطلعش مستحييلل..
النگافة ؛ لعروسة كتخاف.. عيطو لعرس يجلس معاها
انا ؛ (بلعت ريقي لا صافي كملات)
ايوا سيدي مولاي سلطان تم جاي تاهو هير دافعينو وبزز
نگافة ؛ طلع اوليدي يرضي عليك راه مرتك مباتش طلع..
طلع.. هو عاقد لحضاش مخنزر معجبو حال تبعتو انا جلست فجنبو.. شوية هزاتني نگافة قعداتني بين رجليه.. اويلي على شوهتي لمشويهة حسيت بيه هز يديه وحطها على كرشي.. عرگت ونشفت خنزرت فديك نگافة لعقروشة تفو كرهت مها
هي ؛ يللاه تبتي..
انا ؛ (شفت فيها مخنزرة وقلت ليها ) سيري تعلمي ليك تابنايت تجي معاك!!
اخر جملة نقطت قبل متهزز لعمارية ونغوت للله لي خلقني
#يتبع
أنت تقرأ
تزوجتها حـمـقـــاء ( باللهجة مغربية )
Humor(كاملة) بقلم : لورا زاهر Loora ZahiRe ✍️ قصة قصيرة مغربية بطابع شعبي وكوميدية بإمتيياز ( غاتشبو ضحك 😂) 2018/ممنوعة من النشر (جميع الشخصيات خيالية) قراءة ممتعة 💞
