تزوجتها حـمـقـــاء ( باللهجة مغربية )

البارت 13

الجزء 13 💙

فقت فصباح كنتعگزز شفت ساعة كانت 1.15 تنهار ظهر قرب وانا ليباقيا ناعسة.. تحل لباب تاني تااتردخ كانت لعاصفة ديال رجاء داخلة كي ريح...
رجاء ؛ وااش نتي بااقياا ناعسة غاتزوجي من هنا لسيمانة وباقي ناعسة..
انا ؛ ياكما بيتيني نشد لعسة ليل ومطال حينت غانتزوج
رجاء ؛ نوضي فيك هير لفم راه لواليدة غاتمشي هي وعدوزتك يتقداو ليك دهازك.. نوضي نسيقو دار ونجيبو دوك طاوات نبداو فتوجاد لحلوة.. راه يلله ماندركو راه بقاو هير 5 يام لقعدة ترجال..
انا ؛ (تگلبت لجيهة لاخرى وحطيت لغطى على راسي اخر حاجة بغيت نسمع حسها على صباح هي هادي)  ديري ليعجيك انا مافيا حتالينوض..
رجاء ؛ماجذة راه ماشي مسالين لهاد لهضرة نووضيي.. اه ونهيلة وخالتي سكينة غايجيو يوجدو معانا
نضت بتتقال منين سمعت حس صاحبتي وماماها خرجت من لبيت مشيت غسلت وجهي وسناني شفت وجهي فلمراية فعلا كنستحق نعيش شي حاجة حسن من انني نتزوج ونتحبس مع واحد مكنبغيهش ولاكن هاد زواج مغاديش يسخر غايديني لغد ليه يرضني انا ماجدة واجرهم على لله حتا حد ميقدر يستحملني مسحت وجهي.. وخرجت  لقيتهم فصالون انا ونهيلة مطمرين سلمت على خالتي.. وهي كتبارك ليا وجهي خالي من تعبير مجاوبتهاش... فجأة سمعت تيلي كيصوني
رجاء ؛ ماجدة ماما خلات تيليفونها سيري جاوبي..
نضت مشيت لكوزينة هزيت تيليفون رقم مامسجلش
انا ؛ الوو
عصام ؛ الو واش ماجدة..
انا ؛ اه ماجدة شكون معايا (عقدت حجباني كنشوف فنهى جاية جيهتي)
هو ؛ انا عصام خطيبك..
انا ؛( تسمرت ) مم مزيان.. (رجعت تيليفون قدام عينيا باش تفطع لابيل)
هو ؛ هضرريي اماجدة راني مامساليش اشبيغيتي فصدااق
انا ؛ (زييرت على تيليفون فيديا حتا بغا يتهرس نبرت صوتو لمستفزة عصبااتني) مااابغييت واللو بغييت هيير تييقاار..
هو ؛ صافي واخة يلله قطعي.
قطعت لابيل بغييت نهزز داك تيليفون نضرب بيه لارض وتفكررت بلي ماما شارياه بسستا وستين كشيفة وهير بفلوس لقورعة..
نهيلة ؛ وااساطة علاش گلتي ليه مبييت وللو ديكسااع تشطري علييه اوف خرجي هي من لفقر..
انا ؛ لامسكتيش غانجي ندير ليك فقر لعضام..
نهيلة ؛ شي كاارتة يلله يلله راه مليت..
انا ؛ (لأول مرة كنحس براسي مبيتش ندير شي كارتة) لاا غانمشي هير نعس..
خرجت من لكوزينة خليت نهيلة هير كتشوف طلعت لبيتي دخلت سديت لباب ورايا وقلبي زير عليا مكرهتش نهز حوايجي ونهرب..

(بعد مرور 10 ايام).
اخيرا وصل ليوم ليغادي نتعرس فيه.. ونخرح من دار با.. ولاكن واش حماقي غايخلي هاد نهار يخرج على خير